'ഖുറേഷി'ക്കൊപ്പം സെൽഫിയുമായി 'സയീദ് മസൂദ്'; 'എമ്പുരാൻ' മണക്കുന്നുവെന്ന് ആരാധകർ

മലയാളത്തിലെ ഏറ്റവും വലിയ പണം വാരിപ്പടം ഏതെന്ന് ചോദിച്ചാൽ ഒറ്റ ഉത്തരമേയുള്ളൂ, ലൂസിഫര്‍. നടനും തിരക്കഥാകൃത്തുമായ മുരളി ഗോപി എഴുതി പൃഥ്വിരാജ് സംവിധാനം ചെയ്ത് മോഹൻലാൽ നായകനായി എത്തിയ ചിത്രം. സിനിമയുടെ വൻ വിജയത്തിന് ശേഷം രണ്ടാം ഭാഗമായി എമ്പുരാൻ പ്രഖ്യാപിച്ചിരുന്നു. 2021-ൽ എമ്പുരാന്‍റെ ജോലികള്‍ തുടങ്ങുമെന്നാണ് പൃഥ്വിരാജ് മുമ്പ് വ്യക്തമാക്കിയിരുന്നത്. ഇപ്പോഴിതാ പൃഥ്വിരാജ് ഇൻസ്റ്റയിൽ പങ്കുവെച്ചിരിക്കുന്ന പുതിയ ചിത്രം ചര്‍ച്ചകള്‍ക്ക് വഴിവെച്ചിരിക്കുകയാണ്.

Also Read: നിഷാന്ത് സാഗറിന് ഹ്യൂമർ വഴങ്ങില്ല, 'ശിങ്കാരി ബോലോന'യുടെ പരാജയത്തെക്കുറിച്ച് സംവിധായകന്‍ പറഞ്ഞത്!

ബാസ് ഏക് ഇഷാരാ ഭായിജാൻ..ബാസ് ഏക്...എന്ന ലൂസിഫറിലെ സംഭാഷണ ശകലം കുറിച്ചുകൊണ്ടാണ് പൃഥ്വിരാജ് ചിത്രം പങ്കുവെച്ചിരിക്കുന്നത്. മോഹൻലാലിനൊപ്പം നിന്ന് സെൽഫി പകര്‍ത്തുന്നതാണ് ചിത്രം. മോഹൻലാലിന്‍റെ സുഹൃത്തായ സമീര്‍ ഹംസയാണ് ചിത്രം പകര്‍ത്തിയിരിക്കുന്നത്.

Also Read: എജ്ജാതി ലുക്ക് മനുഷ്യ ഒരു രക്ഷയുമില്ല; ജോജുവിന്റെ മൈമു ലുക്ക് ഏറ്റെടുത്ത് ആരാധകർ!

ലൂസിഫറിൽ മോഹൻലാൽ അവതരിപ്പിച്ച അബ്രാം ഖുറേഷി എന്ന കഥാപാത്രത്തിന്‍റെ സഹായി സയീദ് മസൂദായി പൃഥ്വി അഭിനയിച്ചിട്ടുമുണ്ട്. അടുത്തിടെയാണ് പൃഥ്വി തന്‍റെ പുതിയ ചിത്രമായ കുരുതിയുടെ ഷൂട്ടിംഗ് പൂര്‍ത്തിയാക്കിയത്. മോഹൻലാൽ ഇപ്പോൾ ബി. ഉണ്ണികൃഷ്ണൻ ചിത്രമായ ആറാട്ടിൽ അഭിനയിച്ചുകൊണ്ടിരിക്കുകയാണ്. പുതിയ ചിത്രം സോഷ്യൽമീഡിയയിലൂടെ വൈറലായതോടെ എമ്പുരാന്‍റെ ചര്‍ച്ചകളിലാണോ ഇരുവരും എന്നാണ് ആരാധകരിൽ പലരും ചോദിക്കുന്നത്.

Also Watch :