ലാലും ജിജോ പുന്നൂസും
ത്രീഡി സിനിമയായൊരുങ്ങുന്ന ബറോസിന് തിരക്കഥയൊരുക്കുന്നത് പടയോട്ടം, മൈഡിയർ കുട്ടിച്ചാത്തൻ എന്നീ സിനിമകള്‍ സംവിധാനം ചെയ്ത ജിജോ പുന്നൂസാണ്. 360-ലേറെ സിനിമകളിൽ അഭിനയിച്ച ശേഷം മോഹൻലാൽ ആദ്യമായി സംവിധായനാകുന്ന സിനിമയുടെ ലൊക്കേഷനുകൾ ഫോർ‍ട്ടുകൊച്ചിയും ഗോവയും ഡെറാഡൂണുമൊക്കെയാണ്.
രണ്ട് സംവിധായകർ, രണ്ട് നടന്മാർ
ബറോസിൽ ഒരു പ്രധാന കഥാപാത്രത്തെയാണ് പൃഥ്വിരാജ് സുകുമാരൻ അവതരിപ്പിക്കുന്നത്. പൃഥ്വിയെ മോഹൻലാൽ ഡയറക്ട് ചെയ്യുന്നൊരു ചിത്രം പൃഥ്വിരാജ് തന്നെ സോഷ്യൽ മീഡിയയിൽ പങ്കുവെച്ചിരിക്കുകയാണ് ഇപ്പോള്‍. തിരക്കഥാകൃത്ത് ജിജോ പുന്നൂസും ചിത്രത്തിലുണ്ട്. സിനിമയുടെ ലൊക്കേഷനിൽ നിന്നുള്ള നിരവധി ചിത്രങ്ങള്‍ ഇതിനകം സോഷ്യൽമീഡിയയിൽ വൈറലാണ്.
Also Read: കമൽ ഹാസനും ലോകേഷ് കനകരാജും ഒന്നിക്കുന്ന 'വിക്ര'ത്തിൽ വില്ലൻ ഫഹദ്
നായകൻ മോഹൻലാൽ
മോഹൻലാൽ തന്നെയാണ് ചിത്രത്തിൽ നായകകഥാപാത്രമായ ബറോസിന്‍റെ വേഷം അവതരിപ്പിക്കുന്നത്. ആശിര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് നിര്‍മ്മിക്കുന്ന ചിത്രത്തിൽ സ്പാനിഷ് അഭിനേത്രി പാസ് വേഗ, സ്പാനിഷ് നടന്‍ റാഫേല്‍ അമര്‍ഗോ, ഷൈല മക്കഫേ, പ്രതാപ് പോത്തൻ തുടങ്ങി നിരവധി താരങ്ങള്‍ അഭിനയിക്കുന്നുണ്ട്.
ആഘോഷമാക്കി ഫാൻസ്
ഈ അവസരത്തിൽ പൃഥ്വി ലൂസിഫർ സംവിധാനം ചെയ്യുന്ന സമയത്തെ ഒരു ചിത്രവും കുത്തിപ്പൊക്കിയിരിക്കുകയാണ് ഇരു കൂട്ടരുടേയും ഫാൻസ്. അന്ന് പൃഥ്വി ലാലേട്ടനെ ഡയറക്ട് ചെയ്തു, ഇന്ന് ലാലേട്ടൻ പൃഥ്വിയേയും എന്ന് കുറിച്ചുകൊണ്ടാണ് ചിലർ രണ്ട് ചിത്രങ്ങളും കൊളാഷാക്കി ഫാൻസ് ഗ്രൂപ്പുകളിൽ പങ്കുവെച്ചിരിക്കുന്നത്.