തലക്കെട്ട് വീരൻ
ആരാധകര് സ്നേഹത്തോടെ പിഷു എന്ന് വിളിക്കുന്ന പിഷാരടിക്ക് തലക്കെട്ട് വീരൻ എന്നൊരു പേര് കൂടിയുണ്ട്. രസകരമായ വിവരണങ്ങളോടെയാണ് അദ്ദേഹം ഓരോ ചിത്രവും സോഷ്യൽമീഡിയയിൽ പങ്കുവെയ്ക്കാറുള്ളത്. സെല്ഫ് ട്രോളില് സ്വയം ചിരിച്ച് ഉല്ലസിക്കുന്നൊരാള് കൂടിയാണദ്ദേഹം. ഇപ്പോഴിതാ തന്റെ കുടുംബചിത്രത്തിന് അദ്ദേഹം നൽകിയിരിക്കുന്ന ക്യാപ്ഷനും രസകരമാണ്.
ബ്ലോക്ക്ബസ്റ്റർ ആണല്ലോ!
ഇതൊരു ഫാമിലി എന്റടെയ്നർ ചിത്രം #firstonfacebook, #firstoninsta എന്നാണ് അദ്ദേഹം ചിത്രത്തിന് ക്യാപ്ഷൻ നൽകിയിരിക്കുന്നത്. നിരവധി താരങ്ങളടക്കം ചിത്രത്തിന് ലവ് റിയാക്ഷനടിച്ച് രംഗത്തെത്തിയിട്ടുണ്ട്. രസകരമായ കമന്റുകളും ചിത്രത്തിന് താഴെ ലഭിച്ചിട്ടുണ്ട്. ബഡ്ജറ്റ് ഇത്തിരി കൂടുതലാണ്. എങ്കിലും സാരമില്ല ബ്ലോക്ക്ബസ്റ്റർ ആണല്ലോ.പൊളിച്ചു എന്നാണ് ഒരാളുടെ കമന്റ്.
Also Read: 'പച്ചയായ ജീവിതം'; പുത്തൻ ചിത്രവുമായി കാവ്യ! സുന്ദരിയായല്ലോയെന്ന് ആരാധകരും!
വല്ല തിരഞ്ഞെടുപ്പിലും മത്സരിക്കാനുളള പ്ലാനുണ്ടോ?
ഇനിയും പുതിയ റിലീസ് ഉണ്ടോ, ഇനിയും അപ്പുറവും ഇപ്പുറവും സ്ഥലം കിടപ്പുണ്ട്, മഞ്ഞ കുപ്പായക്കാരനെ സൂക്ഷിക്കണം, എന്റർടെയ്ൻമെന്റ് കുറച്ച് കൂടുന്നുണ്ട്, ചിരിയുടെ കാര്യത്തിലും ചിരിപ്പിക്കുന്ന കാര്യത്തിലും കുടുംബത്തിൽ ആരും അത്ര മോശം അല്ല എന്ന് തോന്നുന്നു..എല്ലാവരും നന്നായി ചിരിച്ചു കൊണ്ടാണല്ലോ നിൽക്കുന്നത്, ഇനി വല്ല തിരഞ്ഞെടുപ്പിലും മത്സരിക്കാനുളള പ്ലാനുണ്ടോ? കൂടുതൽ ജനകീയനാകുന്നത് കൊണ്ട് ചോദിച്ചതാണ്, നല്ല കളർഫുൾ ഫാമിലി, മൂന്നാമൻ കുഞ്ഞു പിഷു തുടങ്ങി രസകരമായ കമന്റുകള് വേറെയും ലഭിച്ചിട്ടുണ്ട്.
സൗമ്യയെ ട്രോളിയ പിഷു
‘കിളിക്കൂട്’ എന്നാണ് പിഷാരടിയുടെ കോട്ടയത്തെ വീടിന്റെ പേര്. അടുത്തിടെ ഒരു മാഗസിന് നല്കിയ അഭിമുഖത്തില് ഭാര്യ സൗമ്യയേയും പിഷാരടി ട്രോളിയത് ഏറെ ചര്ച്ചയായിരുന്നു. തന്റെ കല്യാണ റിസ്പഷന് സമയത്ത് ഭാര്യയ്ക്ക് പല സിനിമക്കാരെയും പരിചപ്പെടുത്തി കൊടുത്തപ്പോള് താന് ശരിക്കും പെട്ട അവസ്ഥയിലായെന്നാണ് പിഷു പറഞ്ഞിരുന്നത്. റിസപ്ഷനെത്തിയ മലയാള സിനിമാ രംഗത്തെ പലരെയും സൗമ്യയ്ക്ക് അറിയില്ലായിരുന്നുവെന്നാണ് പിഷു പറഞ്ഞിരുന്നത്. 3 കുട്ടികളാണ് രമേഷ് പിഷാരടിക്കും സൗമ്യയ്ക്കും ഉള്ളത്.
Also Read: എന്ത് പ്രഹസനമാണ് സല്മാനേയ്! കര്ഷകരെ പിന്തുണച്ച സൽമാന് ട്രോളോടു ട്രോള്