എംഎൽഎ കലേഷിന്‍റെ രസികൻ ഇലക്ഷൻ പ്രചരണം; ചാക്കോച്ചനെ ട്രോളി പിഷു

കേരളത്തിൽ പഞ്ചായത്ത് തെരഞ്ഞെടുപ്പ് കാലത്തിന്‍റെ ചൂടിലാണ്. ഒട്ടുമിക്ക രാഷ്ട്രീയ പാര്‍ട്ടികളും തങ്ങളുടെ വികസന പ്രവര്‍ത്തനങ്ങളും തെരഞ്ഞെടുപ്പ് വാഗ്ദാനങ്ങളുമൊക്കെ ചേർത്തുള്ള പാരഡി പാട്ടുകളുമായി വഴികള്‍ നിറഞ്ഞിരിക്കുന്ന സമയമാണ്. അതിനിടയിലിതാ നടൻ കുഞ്ചാക്കോ ബോബന്‍റെ ഒരു പാരഡി പാട്ടുമായി സോഷ്യൽമീഡിയയിൽ എത്തിയിരിക്കുകയാണ് നടനും സംവിധായകനുമായ രമേഷ് പിഷാരടി.

Also Read: ഉലകനായകൻ - ലോകേഷ് ചിത്രത്തിൽ ഫഹദും?; പ്രചരിക്കുന്ന റിപ്പോർട്ടിലെ സത്യമെന്ത്? വാനോളം പ്രതീക്ഷയുമായി ആരാധകർ ചോദിക്കുന്നു!

താൻ സംവിധാനം ചെയ്ത പഞ്ചവര്‍ണ്ണതത്ത എന്ന സിനിമയിലെ ഒരു രംഗത്തിൽ കുഞ്ചാക്കോ ബോബൻ പഴശ്ശിരാജയിലെ ആരിവിടെ എന്ന പാട്ടിനൊപ്പിച്ച് പാരഡി പാടുന്ന വീഡിയോയാണ് പങ്കുവെച്ചിരിക്കുന്നത്. . "വരികള്‍ക്കും ട്യൂണിനും ഇഷ്ടമുള്ള വഴിക്ക് പോകാം'' എന്ന് കുറിച്ചുകൊണ്ടാണ് വീഡിയോ പിഷാരടി ഷെയർ ചെയ്തിരിക്കുന്നത്.

ഇലക്ഷൻ വൈബ്സ് എന്നെഴുതി ബി ലൈക്ക് കലേഷ് ആൻഡ് വിൻ ദി ഇലക്ഷൻ എന്നും വീഡിയോയിലുണ്ട്. പഞ്ചവര്‍ണ്ണതത്തയിൽ എംഎൽഎ കലേഷ് എന്ന കഥാപാത്രമായാണ് ചാക്കോച്ചൻ എത്തിയിരുന്നത്. പലപ്പോഴും നര്‍മ്മരൂപത്തിലുള്ള കമന്‍റുകളും പോസ്റ്റുകളുമായി എത്താറുള്ള പിഷാരടിയെ ആരാധകര്‍ തലക്കെട്ട് വീരൻ എന്നാണ് വിളിക്കാറുള്ളത്.

Also Read: ഏറെ കാത്തിരുന്ന ഗെറ്റപ്പിൽ സുരേഷ്ഗോപി; ഒറ്റക്കൊമ്പൻ ഷൂട്ടിങ്ങ് ഉടൻ!

രസികൻ കമന്‍റുകളുമായി ആരാധകരും വീഡിയോയ്ക്ക് താഴെ എത്തിയിട്ടുണ്ട്. മണ്ണിൻ്റെ മണമുള്ള വരികൾ....സംഗതിയിട്ടില്ലെങ്കിലും ഒരു ഷഡ്ജമെങ്കിലും ഇടാമായിരുന്നു, ഇതിപ്പോ ഏത് വഴിക്കാ പോയതെന്ന്,'ഇഡി' അന്വേഷിച്ചാലുംകിട്ടില്ല, ഇന്നിവിടെ ഒര് ലോഡ് കുരു പൊട്ടും തുടങ്ങി നിരവധി കമന്‍റുകളുമായി പലരും എത്തിയിട്ടുണ്ട്.


Also Watch :