പരീക്കുട്ടിയും കറുത്തമ്മയും
1965-ലെ ഏറ്റവും മികച്ച സിനിമയ്ക്കുള്ള രാഷ്ട്രപതിയുടെ സുവർണ്ണ കമലം ലഭിച്ച സിനിമയാണ് ചെമ്മീൻ. ഈസ്റ്റ്മാൻ കളറിൽ പുറത്തിറങ്ങിയ ആദ്യ മലയാള സിനിമ കൂടിയായിരുന്നു. ഭാവതീവ്രമായ കഥയും അഭിനേതാക്കളുടെ വിസ്മയിപ്പിക്കുന്ന പ്രകടനവും കാതിനിമ്പമായ പാട്ടുകളും ഉള്ള സിനിമയായതിനാൽ തന്നെ ഇന്നും നിരവധിപേർ ചെമ്മീൻ സിനിമയുടെ ആരാധകരാണ്. ചെമ്മീനിലെ കറുത്തമ്മ, പരീക്കുട്ടി കഥാപാത്രങ്ങള്‍ ഏറെ ശ്രദ്ധ നേടിയവരാണ്.
ആരാകും പരീക്കുട്ടി
ഈ ചിത്രം ഇപ്പോള്‍ റീമേക്ക് ചെയ്ത് വരികയാണെങ്കിൽ പരീക്കുട്ടിയായും കറുത്തമ്മയായും ആരെ കാണാനാണ് ആഗ്രഹമെന്ന് വ്യക്തമാക്കിയിരിക്കുകയാണിപ്പോള്‍ നടി ഷീലയും നടൻ മധുവും. റിമി ടോമി അവതരിപ്പിക്കുന്ന ഒന്നും ഒന്നും മൂന്ന് എന്ന പരിപാടിയില്‍ എത്തിയപ്പോഴാണ് ഇരുവരും ഇത് വ്യക്തമാക്കുകയുണ്ടായത്. പരീക്കുട്ടി എന്ന കഥാപാത്രമായി മലയാള സിനിമയുടെ യുവ തലമുറയിലെ ദുല്‍ഖര്‍ സല്‍മാനെയാണ് ഇരുവരും തിരഞ്ഞെടുത്തത്.
Also Read: അതിങ്ങനെ ഒരു സർപ്രൈസ് ആയി നിങ്ങൾ എത്തിക്കും എന്നോർത്തില്ല; അമൂല്യമായ സമ്മാനത്തെ കുറിച്ച് നവ്യ!
കറുത്തമ്മ കാവ്യ തന്നെ
കറുത്തമ്മയായി മനസ്സിലുള്ളത് കാവ്യ മാധവനെയാണ് എന്നാണ് ഷീല പറഞ്ഞത്. എന്നാല്‍ കറുത്തമ്മയായി പുതിയ തലമുറയിലെ ആരേയും സങ്കൽപ്പിക്കാനാവുന്നില്ലെന്നാണ് മധു മറുപടി പറഞ്ഞത്. എസ്.എല്‍. പുരം സദാനന്ദനാണ് തകഴിയുടെ വിഖ്യാത നോവലിനെആസ്പദമാക്കി ചെമ്മീന് തിരക്കഥ ഒരുക്കിയിരുന്നത്.
ശങ്കരാടിയും ലാലും
മലയാള സിനിമാലോകത്ത് തനിക്കേറെ പ്രിയപ്പെട്ടവർ ശങ്കരാടിയും മോഹൻലാലുമാണെന്നും മധു പരിപാടിയിൽ വെളിപ്പെടുത്തി. നടി ടി.ആർ ഓമനയാണ് തനിക്ക് ഏറെ പ്രിയപ്പെട്ടതെന്ന് നടി ഷീല പറഞ്ഞു. താനും മധുവും ചേർന്ന് അഭിനയിച്ചപ്പോഴുള്ള രസങ്ങളും ഷീല പറയുകയുണ്ടായി.
ചെമ്മീനിൽ പ്രതിഫലം 1500 രൂപ
ചെമ്മീനിൽ അഭിനയിച്ചപ്പോൾ തനിക്ക് ലഭിച്ചത് 1500 രൂപയായിരുന്നുവെന്നും ഇപ്പോഴത്തെ ഒന്നരലക്ഷം രൂപയുടെ മൂല്യമാണ് അന്നതിനെന്നും അദ്ദേഹം പറഞ്ഞു. കൂടെ അഭിനയിച്ച നടിമാരിൽ ഏറ്റവും സുന്ദരനായ നടൻ പ്രേം നസീറാണെന്നും നടി കവിയൂർ പൊന്നമ്മയാണെന്നും മധു പറഞ്ഞു.