നടന്‍ ഇടവേള ബാബുവിന്‍റെ അമ്മ ശാന്ത രാമന്‍ അന്തരിച്ചു

നടന്‍ ഇടവേള ബാബുവിന്‍റെ അമ്മ ശാന്ത രാമന്‍ അന്തരിച്ചു. 78 വയസ്സായിരുന്നു. ഇന്ന് പുലര്‍ച്ചെയാണ് അന്ത്യം സംഭവിച്ചത്. തൃശൂര്‍ ഗവ.ഗേള്‍സ് ഹൈസ്‌കൂളിലെ സംഗീതാധ്യാപിക ആയിരുന്നു. ഭര്‍ത്താവ് പരേതനായ വി രാമൻ കേരള പോലീസ് ഡിപ്പാര്‍ട്ട്മെന്‍റിൽ അഡ്മിനിസ്ട്രേറ്റീവ് അസിസ്റ്റന്‍റ് ആയിരുന്നു. ഇന്നലെ ഇവരുടെ പിറന്നാള്‍ ദിനം കൂടിയായിുരന്നു. ചെറിയ തോതിലുള്ള പിറന്നാള്‍ ആഘോഷം വീട്ടിലുണ്ടായിരുന്നു. ഇത് കഴിഞ്ഞ് പുലര്‍ച്ചെ ഒരു മണിയോടെ ശാന്ത രാമന്‍റെ മുറിയില്‍ നിന്നൊരു ശബ്ദം കേട്ട് അവിടേക്ക് ചെന്ന് നോക്കിയപ്പോഴാണ് തറയില്‍ വീണുകിടക്കുന്ന നിലയില്‍ അവശയായി ഇവരെ കണ്ടെത്തിയത്.

Also Read: സംവിധായകൻ യതീന്ദ്രദാസ് അന്തരിച്ചു; വിടവാങ്ങിയത് അവസാന സിനിമ പൂര്‍ത്തിയാകും മുമ്പ്

ഉടൻ ഇരിങ്ങാലക്കുട കോപ്പറേറ്റിവ് ആശുപത്രിയില്‍ എത്തിച്ചുവെങ്കിലും മരണം സംഭവിക്കുകയായിരുന്നു. ഹൃദയാഘാതമാണ് മരണ കാരണം. മൃതദേഹം ഇന്ന് രാവിലെ 9 മണിക്ക് മുനിസിപ്പല്‍ ഓഫിസ് റോഡിലെ ഇടവേള ബാബുവിന്‍റെ വസതിയിൽ കൊണ്ടുവരും. വൈകീട്ട് 3 മണിക്ക് വീട്ടിൽ തന്നെ ശവ സംസ്‌കാരം നടക്കുമെന്നാണ് അറിയിച്ചിട്ടുള്ളത്.

Also Read: കാതിൽ കൂടുകൂട്ടിയ ഓണം! ആ ഓണപ്പാട്ടുകള്‍ മറക്കാനാവില്ലെന്ന് ജസ്റ്റിനും രഞ്ജിനും
Also Watch: