Also Read: ആ പെൺകൂട്ടം നിങ്ങളെ കുഴിച്ചുമൂടാൻ ശ്രമിക്കും; സത്യം ഉറക്കെ വിളിച്ചുപറഞ്ഞാല് മാനസികവിഭ്രാന്തിയെന്ന് മുദ്ര കുത്തപ്പെടും: രവീണ ടണ്ടന്!
ഒതുക്കലുകളെ ധീരമായി നേരിട്ട രണ്ടു പേരാണിവര്
സുശാന്തിനെ പരിചയമുണ്ടായിരുന്നെങ്കിൽ ഈ രണ്ട് മനുഷ്യരെ പറ്റി പറഞ്ഞു കൊടുക്കാമായിരുന്നു എന്നു കുറിച്ചുകൊണ്ടാണ് ഹരീഷ് പേരടിയുടെ ഫേസ്ബുക്ക് പോസ്റ്റ് ആരംഭിച്ചിരിക്കുന്നത്. മലയാളത്തിലെ ഒതുക്കലുകളെ ധീരമായി നേരിട്ട രണ്ടു പേരാണിവര് എന്ന് പറഞ്ഞുകൊണ്ട് നടൻ തിലകന്റേയും സംവിധായകൻ വിനയന്റേയും ചിത്രങ്ങള് ഹരീഷ് പങ്കുവെച്ചിട്ടുണ്ട്.
തിലകനും വിനയനും
മലയാള സിനിമ കോവിഡിനുമുമ്പേ സാമൂഹ്യ അകലം പാലിച്ച് അവരോട് ബന്ധപ്പെടുന്നവരെ പോലും നീരിക്ഷണത്തിലാക്കിയ ആ പഴയ കഥ ഓര്മ്മിച്ചിരിക്കുകയാണ് ഹരീഷ് പേരടി. തന്റെ കരിയറിന്റെ അവസാനം വരെ സിനിമാ സംഘടനകളുടെ എതിര്പ്പിനെ തുടര്ന്ന് മലയാള സിനിമയിൽ വിലക്ക് നേരിട്ട നടനാണ് തിലകൻ, അതുപോലെ തന്നെ വിനയനും.
Also Read: പത്ത് വർഷത്തെ പ്രണയസാഫല്യം!; നടൻ ഹരികൃഷ്ണൻ വിവാഹിതനായി!
വിലക്കിനെ അതിജീവിച്ചവർ
ആ വിലക്കിനെ അവർ അതിജീവിച്ച കഥ അറഞ്ഞിരുന്നെങ്കിൽ ഒരു പക്ഷെ സുശാന്തിപ്പോഴും നമ്മളോടൊപ്പം ഉണ്ടായിരുന്നേനെ എന്നാണ് ഹരീഷ് കുറിച്ചിരിക്കുന്നത്. അഭിപ്രായ വിത്യാസങ്ങൾ പ്രകടിപ്പിക്കുന്നവരെ ഇനി തൊഴിൽ ചെയത് ജീവിക്കാൻ സമ്മതിക്കില്ലെന്നുള്ള നിലപാട് പ്രതിഷേധാര്ഹമാണെന്ന് ഹരീഷ് കുറിപ്പിൽ പറഞ്ഞിരിക്കുകയാണ്.
പ്രതിഷേധാർഹമാണ്!
ഒരു ജനാധിപത്യ രാജ്യത്ത് ഇത്തരത്തിലുള്ള നിലപാടുകള് തുടരുന്നത് ഏതു കാലത്തും ഏതു സ്ഥലത്തും പ്രതിഷേധാർഹമാണ്, ഇനിയും ഇത്തരം ആത്മഹത്യകൾ സംഭവിക്കാതിരിക്കട്ടെ എന്നും ഹരീഷ് ഫേസ്ബുക്കിൽ കുറിച്ചിരിക്കുകയാണ്. സത്യം സത്യസന്ധമായി പറയുന്നവരാണ് യഥാര്ത്ഥ കലാകാരന്മാര്, നീരജ് ഇപ്പോള് തുടങ്ങി വെച്ചിട്ടുണ്ടല്ലോ എന്നൊക്കെ പലരും പോസ്റ്റിന് താഴെ കമന്റ് ചെയ്തിട്ടുണ്ട്.