Also Read: ടൊവിനോയുടെ 'കൽക്കി' ബിജിഎമ്മിൽ തിളങ്ങി ഉസൈന് ബോള്ട്ട്
ശ്രദ്ധ നേടി ഫേസ്ബുക്ക് കുറിപ്പ്
ജിയോ ബേബി തൻ്റെ സിനിമയിൽ ശാസ്ത്രത്തിന് നന്ദി പറഞ്ഞത് ശ്രദ്ധിക്കപ്പെട്ടതോടെ ഹരീഷ് പേരടി ഫേസ്ബുക്കിൽ കുറിച്ച വാക്കുകളും ശ്രദ്ധ നേടുകയാണ്. സംവിധായകൻ്റെ നിലപാടിനോടുള്ള പരോക്ഷമായ മറുപടിയാണോ നടൻ ഹരീഷ് പേരടി ഫേസ്ബുക്കിൽ കുറിച്ചത് എന്നാണ് സോഷ്യൽ മീഡിയ ചോദിക്കുന്നത്.
'പുതിയ ആചാരങ്ങൾ ഉണ്ടാക്കരുത്'
ശാസ്ത്രം വിശ്വാസമല്ലെന്നും പുതിയ ആചാരങ്ങൾ ഉണ്ടാക്കരുതെന്നും നടൻ ഹരീഷ് പേരടി ഫേസ്ബുക്കിൽ കുറിച്ചതോടെ ജിയോ ബേബിയുടെ നിലപാടിനോടുള്ള തൻ്റെ നിലപാട് വ്യക്തമാക്കുകയാണോ ഹരീഷ് എന്ന് സോഷ്യൽ മീഡിയ അടിവരയിട്ട് ചോദിക്കുന്നു. സാധാരണയായി സിനിമകളിൽ ദൈവത്തിനോ വ്യക്തികൾക്കോ അല്ലേ നന്ദി പറയാറുള്ളത് എന്ന് ചൂണ്ടിക്കാട്ടുന്നവരും കുറവല്ല.
'ശാസ്ത്രത്തെ വെറുതെ വിടുക'
ഹരീഷ് പേരടി ഫേസ്ബുക്കിൽ കുറിച്ചിരിക്കുന്നത് ഇങ്ങനെയാണ്. 'ശാസ്ത്രം നിങ്ങളുടെ നന്ദി പ്രതീക്ഷിച്ച് പ്രവർത്തിക്കുന്ന ഒരു ഇടമല്ല. ശാസ്ത്രത്തിന് നന്ദി പറയാൻ തുടങ്ങുന്ന സമയം മുതൽ അത് മറ്റൊരു മതമായി മാറും. അതുകൊണ്ട് ശാസ്ത്രത്തെ വെറുതെ വിടുക. ശാസ്ത്രത്തിന് ഇനിയും മുന്നോട്ട് പോകേണ്ടതുണ്ട്.'
'നിങ്ങളെ നിങ്ങളാവാൻ സഹായിച്ച ബീജത്തിനും ഗർഭപാത്രത്തിനും നന്ദി പറയുക'
'ജനിക്കാനിരിക്കുന്ന കുട്ടികൾ മതം ഏത്? എന്ന ചോദ്യത്തിന്റെ കോളത്തിൽ ശാസ്ത്രം എന്നെഴുതിയാൽ ശാസ്ത്രം ശാസ്ത്രമല്ലാതാവും. നിങ്ങൾക്ക് നന്ദി പറഞ്ഞേ ശ്വാസം കിട്ടുകയുള്ളുവെങ്കിൽ നിങ്ങളുടെതായ ഒരു സംഭാവനയുമില്ലാതെ നിങ്ങളെ ഈ ഭൂമിയിൽ എത്തിച്ച നിങ്ങളെ നിങ്ങളാവാൻ സഹായിച്ച ബീജത്തിനും ഗർഭപാത്രത്തിനും നന്ദി പറയുക.
'ശാസ്ത്രം വിശ്വാസമല്ല'
'അപ്പോൾ ശാസ്ത്രത്തിനു പോലും നിങ്ങളോട് ഒരു ബഹുമാനം തോന്നും. അല്ലെങ്കിൽ നമ്മളുണ്ടാക്കിയ ഭരണഘടനക്കും നിയമത്തിനും നന്ദി പറയുക. ശാസ്ത്രം വിശ്വാസമല്ല പുതിയ ആചാരങ്ങൾ ഉണ്ടാക്കാതിരിക്കുക.' ഹരീഷ് പേരടിയുടെ ഈ സോഷ്യൽ മീഡിയ പോസ്റ്റുകൾക്ക് താഴെ കമൻ്റുകളുമായി സുഹൃത്തുക്കളും സിനിമാപ്രേമികളും ഒക്കെയെത്തിയിട്ടുണ്ട്.
കമൻ്റുമായി നിരവധി പേർ
നിരവധി പേരാണ് ഹരീഷ് പേരടിയുടെ നിലപാടിനോട് വിയോജിച്ചു കൊണ്ടും രംഗത്തെത്തുന്നത്. ഹരീഷ് പേരടിയുടെ ഫേസ്ബുക്ക് കുറിപ്പിന് താഴെ പ്രത്യക്ഷപ്പെടുന്ന ചില കമൻ്റുകൾ ഇങ്ങനെയാണ്. 'ഇന്ത്യൻ കിച്ചന്റെ സംവിധായകനിട്ടൊരു കൊട്ട്', 'പോസ്റ്റിനോട്, നിലപാടിനോട് വിയോജിക്കുന്നു', 'അതാണ് യഥാർത്ഥ്യം'.