‘ഗാന്ധി സ്ക്വയർ’ സെറ്റിൽ ജാഫർ ഇടുക്കിയുടെ 25ാം വിവാഹ വാർഷികാഘോഷം

ജയസൂര്യയെ നായകനാക്കി നടനും സംവിധായകനുമായ നാദിർഷ സംവിധാനം ചെയ്യുന്ന 'ഗാന്ധി സ്ക്വയ‍ർ' എന്ന സിനിമയുടെ ചിത്രീകരണം പാലായിൽ പുരോഗമിക്കുകയാണ്. ലൊക്കേഷനിൽ നടൻ ജാഫര്‍ ഇടുക്കിയുടെ 25-ാം വിവാഹ വാര്‍ഷികം കഴിഞ്ഞ ദിവസം അണിയറപ്രവർത്തകര്‍ ചേര്‍ന്ന് ആഘോഷിച്ചു.

Also Read: ഇത് തകർത്തു; മിനിറ്റുകൾക്കുള്ളിൽ പള്ളീലച്ചനെ ഏറ്റെടുത്ത് ആരാധകർ; ട്രെൻ്റിംഗ് ലിസ്റ്റിലേക്ക് കുതിച്ച് 'ദി പ്രീസ്റ്റ്' ടീസർ!

ജാഫര്‍ ഇടുക്കിയും ഭാര്യ സിമിയും കേക്ക് മുറിച്ചുകൊണ്ടാണ് ആഘോഷത്തിന് തുടക്കമിട്ടത്. മകൻ മുഹമ്മദ്‌ അൻസാഫും ഒപ്പമുണ്ടായിരുന്നു. നാദിർഷ, ജയസൂര്യ, തിരക്കഥാകൃത്ത് സുനീഷ് വാരനാട് തുടങ്ങിയവര്‍ ചേര്‍ന്നാണ് ആഘോഷമൊരുുക്കിയത്.

നമിതാ പ്രമോദാണ് ചിത്രത്തിലെ നായികയായെത്തുന്നത്. സലിം കുമാറും പ്രധാന വേഷത്തിൽ അഭിനയിക്കുന്നുണ്ട്. സൂപ്പര്‍ ഹിറ്റായ അമർ അക്ബർ അന്തോണി സിനിമയുടെ പിന്നണി പ്രവർത്തകര്‍ തന്നെയാണ് ഗാന്ധി സ്ക്വയറിലുമുള്ളത്. നടൻ അരുൺ നാരായണിന്‍റെ പ്രൊഡക്‌ഷൻ ഹൗസാണ് സിനിമയുടെ നിര്‍മ്മാണം.

Also Read: അമിത് ചക്കാലക്കൽ നായകനാകുന്ന 'യുവം'; സൗഹൃദം ഗാനം റിലീസ് ചെയ്ത് മഞ്ജു വാര്യർ!

2005 മുതൽ സിനിമാലോകത്തുള്ള ജാഫര്‍ ഇടുക്കി ചെറിയ ചെറിയ വേഷങ്ങളിലൂടെ തുടങ്ങി സ്വാഭവ വേഷങ്ങളിലേക്ക് എത്തിയ നടനാണ്. അടുത്തിടെ ഇഷ്ക്, ജല്ലിക്കട്ട്, വികൃതി, കെട്ട്യോളാണ് എന്‍റെ മാലാഖ, അഞ്ചാം പാതിര തുടങ്ങിയ സിനിമകളിലെ ജാഫറിന്‍റെ പ്രകടനം ഏറെ ശ്രദ്ധ നേടിയിരുന്നു.

Also Watch :