മാരത്തണിൽ പങ്കെടുത്ത് നടന്‍ ജഗതി ശ്രീകുമാര്‍

കാറപകടത്തെ തുടര്‍ന്ന് വിശ്രമജീവിതത്തിലായിരുന്ന ജഗതി ശ്രീകുമാ‍ർ നീണ്ട ഇടവേളക്ക് ശേഷം പൊതുവേദിയിലെത്തി. തിരുവനന്തപുരത്ത് സംഘടിപ്പിച്ച സേഫത്തോണ്‍ പരിപാടിയിലാണ് താരമെത്തിയത്.

റോഡ് സുരക്ഷയുമായി ബന്ധപ്പെട്ട ബോധവത്കരണത്തിനായി മാനവീയം വീഥിയില്‍ നിന്ന് കവടിയാര്‍ വരെ മൂന്ന് കിലോമീറ്ററായിരുന്നു സേഫത്തോണ്‍. കൊച്ചു കുട്ടികള്‍ മുതല്‍ പ്രായമായവര്‍ വരെ പങ്കെടുത്ത ഓട്ടത്തിൽ സംസാരിക്കാനായില്ലെങ്കിലും ജഗതി കൈവീശി ആവേശത്തോടൊപ്പം പങ്കുചേര്‍ന്നു