എഴുപതാം പിറന്നാൾ
70-ാം പിറന്നാളിനോടനുബന്ധിച്ച് അദ്ദേഹത്തിന്‍റെ മകന്‍ രാജ് കുമാര്‍ പങ്കുവെച്ചിട്ടുള്ളൊരു വീഡിയോയിലാണ് അദ്ദേഹം സിനിമയിലേക്ക് തിരിച്ചെത്തുന്നതിനെ കുറിച്ച് പറഞ്ഞിട്ടുള്ളത്. സിനിമയിലേക്ക് നിരവധി വിളികള്‍ വരുന്നുണ്ട്. ഇതിനകം രണ്ട് പരസ്യ ചിത്രങ്ങളിൽ അഭിനയിച്ചിട്ടുണ്ട്. കെ.മധു ഒരുക്കുന്ന സിബിഐ 5ലേക്കും വിളി വന്നിട്ടുണ്ടെന്നാണ് അറിയിച്ചിട്ടുള്ളത്.
ആരോഗ്യസ്ഥിതി നോക്കിയ ശേഷം മാത്രം തീരുമാനം
അദ്ദേഹത്തെ അഭിനയിക്കിപ്പിക്കാൻ ശ്രമിക്കുന്നുണ്ടെന്നും എങ്കിലും അദ്ദേഹത്തിന്‍റെ ആരോഗ്യ സ്ഥിതി നോക്കിയ ശേഷം മാത്രമേ അന്തിമ തീരുമാനം ഉണ്ടാകൂ എന്നും സിനിമയുമായി ബന്ധപ്പെട്ട വൃത്തങ്ങൾ അറിയിച്ചതായി ടൈംസ് ഓഫ് ഇന്ത്യ റിപ്പോര്‍ട്ട് ചെയ്തിരിക്കുകയാണ്.
Also Read: ജഗതി ശ്രീകുമാര്‍ സിനിമയിലേക്ക് മടങ്ങിയെത്തുന്നു; പുതിയ വീഡിയോ പുറത്തുവിട്ട് മകന്‍
സിബിഐ ഓഫീസർ വിക്രം വീണ്ടും
എസ്.എൻ സ്വാമി തിരക്കഥയൊരുക്കുന്ന ചിത്രത്തിൽ ജഗതി ശ്രീകുമാറിന്‍റെ ഇപ്പോഴത്തെ ആരോഗ്യ സ്ഥിതിക്ക് ഇണങ്ങിയ രീതിയിലുള്ളതായിരിക്കും വേഷമെന്നും അറിയിച്ചിട്ടുണ്ട്. സിബിഐ ഓഫീസര്‍ വിക്രമായി അദ്ദേഹത്തിന്‍റെ മടങ്ങിവരവ് പ്രതീക്ഷിച്ചിരിക്കുകയാണ് ഇതോടെ ആരാധകര്‍.
ചിത്രീകരണം ഈ വർഷം
നിലവിൽ അമൽ നീരദ് ഒരുക്കുന്ന ബിഗ് ബി രണ്ടാം ഭാഗമായ ബിലാൽ, രത്തീന അര്‍ഷാദ് ഒരുക്കുന്ന ചിത്രം എന്നിവ പൂര്‍ത്തിയാക്കിയ ശേഷമാകും നടൻ മമ്മൂട്ടി സിബിഐ 5ൽ അഭിനയിക്കാനെത്തുക. ഇപ്പോള്‍ മുടിയും താടിയും വളര്‍ത്തിയ ലുക്കിലാണ് അദ്ദേഹം. ഈ രണ്ട് സിനിമകള്‍ക്കും ഇതേ ലുക്കിലാകും അഭിനയിക്കുന്നത് അതിന് ശേഷമാകും സിബിഐ ലുക്കിനായി അദ്ദേഹം മുടിയും താടിയും മുറിക്കുക. മുകേഷ്, സായ് കുമാര്‍ തുടങ്ങിയവരും സിബിഐ 5-ൽ അഭിനയിക്കുന്നുണ്ട്. ഈ വർഷം തന്നെ ചിത്രീകരണം ആരംഭിക്കാനിരിക്കുകയുമാണ്.
Also Read: 'ഖുറേഷി'ക്കൊപ്പം സെൽഫിയുമായി 'സയീദ് മസൂദ്'; 'എമ്പുരാൻ' മണക്കുന്നുവെന്ന് ആരാധകർ