ജയറാമിന്‍റെ മകൾ വിവാഹിതയാകുന്നോ? വൈറലായി ഹല്‍ദി ഫോട്ടോഷൂട്ട് ചിത്രങ്ങള്‍

ഹല്‍ദി ആഘോഷത്തിന്‍റെ ചില ചിത്രങ്ങളാണ് മാളവിക പങ്കുവെച്ചിരിക്കുന്നത്.. മഞ്ഞ നിറമുള്ള വസ്ത്രമണിഞ്ഞ് ജമന്തി പൂക്കളുടെയൊക്കെ അകമ്പടിയോടെ അതീവ സന്തോഷവതിയായിരിക്കുന്ന താരമാണ് ചിത്രത്തിലുള്ളത്. ഒറ്റനോട്ടത്തിൽ മാളവികയുടെ ഹൽദി ആഘോഷമാണെന്നേ ഏവര്‍ക്കും തോന്നൂ.

എന്നാൽ സംഗതിയുടെ കിടപ്പുവശം അങ്ങനെയല്ല. ബ്രൈഡല്‍ ഫോട്ടോഷൂട്ട് ആണെന്ന് സൂചിപ്പിച്ചുകൊണ്ടാണ് ചിത്രങ്ങള്‍ താരം പങ്കുവെച്ചിരിക്കുന്ന്. വേദിക ഫാഷനുവേണ്ടിയുള്ള ഒരു ഫോട്ടോഷൂട്ട് മാത്രം. ഇതോടെ അയ്യോ പറ്റിച്ചതാണല്ലേ എന്നൊക്കെ ആരാധകര്‍ കമന്‍റ് ചെയ്തിട്ടുണ്ട്.

സിനിമയില്ലെങ്കിലും മോഡലിങ് രംഗത്ത് സജീവമായുള്ള താരത്തിന്‍റെ ചിത്രങ്ങളെല്ലാം മുമ്പ് വൈറലായിട്ടുണ്ട്. സഹോദരൻ കാളിദാസ് സിനിമയിലുണ്ടെങ്കിലും മാളവികയുടെ സിനിമാപ്രവേശനം ഇതുവരെ ഉണ്ടായിട്ടില്ല, താരത്തിന് കായിക രംഗത്താണ് താല്‍പര്യമെന്ന് ചില അഭിമുഖങ്ങളിൽ പറഞ്ഞിട്ടുമുണ്ട്.

മറ്റ് സോഷ്യല്‍ മീഡിയ പേജുകളെക്കാളും ഇന്‍സ്റ്റാഗ്രാം പേജിലാണ് മാളവിക ജയറാം സജീവമായിരിക്കാറുള്ളത്. ഇതിലൂടെ താരപുത്രി പങ്കുവെക്കുന്ന ഫോട്ടോസെല്ലാം വൈറലാവുകയും ചെയ്യാറുണ്ട്. ഇപ്പോള്‍ ഹല്‍ദി ആഘോഷിക്കുന്ന ചില ചിത്രങ്ങളാണ് മാളവിക പങ്കുവെച്ചത്. മഞ്ഞ നിറമുള്ള വസ്ത്രത്തില്‍ അതീവ സന്തോഷത്തോടെ ഇരിക്കുകയാണ് മാളവിക. ഇത് ബ്രൈഡല്‍ ഫോട്ടോഷൂട്ട് ആണെന്ന് സൂചിപ്പിച്ച് കൊണ്ടാണ് ഫോട്ടോസ് പോസ്റ്റ് ചെയ്തിരിക്കുന്നത്.

പ്രെറ്റി ലുക്ക്, സിൻഡ്രെല്ല ലുക്ക് എന്നൊക്കെ പറഞ്ഞ് നിരവധി കമന്‍റുകളാണ് പുതിയ ഹല്‍ദി ഫോട്ടോഷൂട്ട് ചിത്രങ്ങൾക്ക് ലഭിച്ചുകൊണ്ടിരിക്കുന്നത്. മോഡലിങ് രംഗത്ത് മാളവികയ്ക്ക് ഭാവി ഉണ്ടെന്നുമൊക്കെ ചിലര്‍ കമന്‍റ് ചെയ്തിട്ടുണ്ട്. ചിത്രങ്ങൾ പങ്കുവെച്ചുകൊണ്ട് സ്റ്റേ ഹോം സ്റ്റേ സേഫ് എന്ന് കുറിക്കാനും മാളവിക മറന്നിട്ടില്ല.

ചിത്രങ്ങൾ കടപ്പാട്: ഇൻസ്റ്റഗ്രാം