യൂട്യൂബ് ട്രെന്‍റിങ്ങിൽ നിറഞ്ഞ് ജയസൂര്യ

യൂട്യൂബ് ട്രെന്‍റിങ്ങിൽ നിറഞ്ഞ് നടൻ ജയസൂര്യ. ജയസൂര്യയുടെ മൂന്ന് വീഡിയോകളാണ് അടുപ്പിച്ച് യുട്യൂബിന്‍റെ ട്രെൻഡിങ് ലിസ്റ്റിൽ ഇടം നേടിയിരിക്കുന്നത്. താരങ്ങൾക്ക് അപൂർവങ്ങളിൽ അപൂർവമായി സംഭവിക്കുന്നൊരു നേട്ടമായി വേണം ഇതിനെ കാണാൻ. ഈ സൗഭാഗ്യം ഇപ്പോൾ ജയസൂര്യയെ തേടിയെത്തിയിരിക്കുകയാണ്. ഒരേ സിനിമയുടെ ട്രെയിലറും ഗാനങ്ങളുമൊക്കെ ട്രെന്‍റിങ് ലിസ്റ്റിൽ ഇടം നേടാറുള്ളത് പതിവാണ്. എന്നാൽ ഒരേ താരത്തിന്‍റെ വ്യത്യസ്ത വീഡിയോകൾ ട്രെന്‍റിങ് ലിസ്റ്റിലെത്തുന്നത് അപൂര്‍വ്വങ്ങളിൽ അപൂര്‍വ്വമാണെന്ന് വേണം പറയാൻ.



വനിത മാഗസിനായി ജയസൂര്യയും ഡബ്സ്മാഷ് താരം സൗഭാഗ്യയും ജിമ്മിക്കിക്കമ്മൽ ഡാൻസ് താരം ഷെറിലും നടത്തിയ കവര്‍ ഫോട്ടോഷൂട്ടിന്‍റെ ഹൈലൈറ്റ് വീഡിയോയാണ് മുന്നിൽ. പിന്നാലെ തീയേറ്ററുകളിൽ സൂപ്പർ ഹിറ്റായി മുന്നേറുന്ന ആട് 2വിൽ നിന്ന് നീക്കം ചെയ്ത രംഗമാണ് രണ്ടാമതുള്ളത്. ജയസൂര്യ നായകനായി അടുത്തതായി പുറത്തിറങ്ങാനിരിക്കുന്ന ക്യാപ്റ്റൻ എന്ന സിനിമയുടെ ടീസറാണ് പിന്നാലെയുള്ളത്. ഫുട്ബോൾ ഇതിഹാസം വി.പി സത്യന്‍റെ ജീവിതം ആസ്പദമാക്കിയാണ് ചിത്രം ഒരുക്കിയിരിക്കുന്നത്.