കേക്കിൽ ജോസഫും!
ജോജുവിന്റെ പിറന്നാൾ ദിനം ആഘോഷമാക്കിയിരിക്കുകയാണ് കുടുംബം. മനോഹരമായ കേക്കും അതിൽ ജോജു ആദ്യമായി നായകനായ സിനിമ 'ജോസഫി'ലെ ജോജുവിന്റെ ലുക്കും മക്കൾ എഴുതി തയ്യാറാക്കിയ ആശംസ കാര്ഡുകളുമൊക്കെയായി പിറന്നാൾ ആഘോഷിക്കുന്ന ചിത്രങ്ങൾ ജോജു തന്നെ സോഷ്യൽമീഡിയയിൽ പങ്കുവെച്ചിരിക്കുകയാണ്.
ഞങ്ങളുടെ സൂപ്പർസ്റ്റാർ
ഹാപ്പി ബെർത്ത് ഡേ ഔവർ സൂപ്പർസ്റ്റാർ, ഹാപ്പി ബെർത്ത് ഡേ അപ്പ തുടങ്ങിയവയാണ് മക്കളായ അപ്പു, പാത്തു, പപ്പു തുടങ്ങിയവരും ഭാര്യ ആബ്ബയും ചേർന്ന് ഒരുക്കിയിരിക്കുന്ന ബെർത്ത് ഡേ കാർഡിൽ എഴുതിയിരിക്കുന്നത്.
Also Read: ഉണർന്നിരുന്ന് സ്വപ്നം കാണുന്ന ജോജുവിനൊപ്പം പിഷു! പെണ്ണുമ്പിള്ള സഹിക്കില്ലെന്ന് ആരാധകർ
അന്ന് മമ്മൂട്ടിക്കൊപ്പം ഇന്ന് വീട്ടിൽ
കഴിഞ്ഞ ജന്മദിനം ജോജു ആഘോഷിച്ചത് നടൻ മമ്മൂട്ടിക്കൊപ്പം വൺ സിനിമയുടെ സെറ്റിലായിരുന്നു. ഇക്കുറി കുടുംബത്തോടൊപ്പം തന്നെയാണ് ജോജു പിറന്നാൾ ആഘോഷിക്കുന്നത്. ജോജു അഭിനയിക്കുന്ന ഏതാനും സിനിമകളുടെ ഷൂട്ടിംഗ് അടുത്തിടെ കൊവിഡ് മാനദണ്ഡങ്ങൾ പാലിച്ച് തുടങ്ങിയിട്ടുമുണ്ട്.
'ഹോം' സിനിമ!
മലബാറിലെ ഹോം സിനിമകളൊരുക്കുന്നവരുടെ കഥ പറഞ്ഞ ഹലാൽ ലൌ സ്റ്റോറിയാണ് ജോജു അഭിനയിച്ച് പുറത്തിറങ്ങിയ ഒടുവിലത്തെ ചിത്രം. ‘നായാട്ട്’ എന്ന് പേരിട്ടിരിക്കുന്ന ചിത്രത്തിൽ ജോജുവും കുഞ്ചാക്കോ ബോബനും ഒന്നിച്ചഭിനയിക്കുന്നു, ഈ ചിത്രം ഷൂട്ടിംഗ് നടന്നുവരികയാണ്. ജഗമേതന്തിരം, മാലിക്, ചുരുളി, തുറമുഖം തുടങ്ങിയവയാണ് ജോജു അഭിനയിച്ച് പുറത്തിറങ്ങാനിരിക്കുന്ന മറ്റ് ചിത്രങ്ങൾ.
Also Read: കുട്ടികളുടെ ജന്മദിനം ആഘോഷിക്കാൻ കഴിഞ്ഞു; വികാരഭരിതനായി സഞ്ജയ് ദത്ത്