ഇത് ഷട്ടറിന് മേലെ, ഇല്ലെങ്കില്‍ പണി നിര്‍ത്തും: ജോയ് മാത്യു

ഷട്ടറിന് ശേഷം ജോയ് മത്യു കഥയും തിരക്കഥയും നി‍ർവഹിക്കുന്ന ചിത്രമാണ് അങ്കിൾ. ഷട്ടര്‍ ഒരു മികച്ച സിനിമ ആയിരുന്നുവെന്നും അങ്കിള്‍ തീര്‍ച്ചയായും അതിനുമേലെ നില്‍ക്കണമെന്ന ആവശ്യം ഒരു ആരാധകന്‍ ഉന്നയിച്ചപ്പോൾ അല്ലെങ്കില്‍ താന്‍ ഈ പണി നിര്‍ത്തുമെന്ന് ജോയ് മാത്യു മറുപടി നല്‍കി.

ഗിരീഷ് ദാമോദറാണ് ചിത്രം സംവിധാനം ചെയ്യുന്നത്. ഷട്ടറിനും തിരക്കഥ എഴുതിയത് ജോയ് മാത്യൂ ആയിരുന്നു. മികച്ച സിനിമ എന്ന് പ്രേക്ഷക പ്രശംസ നേടിയ ചിത്രമായിരുന്നു അത്. അങ്കിളിന് പ്രൊമോഷന്‍ കുറവാണെന്നും ഹൈപ്പില്ലെന്നുമടക്കമുള്ള ചര്‍ച്ചകള‍് സിനിമാ ഗ്രൂപ്പുകളില്‍ സജീവമായിരുന്നു. ഇതിനുള്ള മറുപടിയെന്നോണമായിരുന്നു ജോയ് മാത്യു ട്രോള്‍ പങ്കുവച്ചത്.