'ഇതും ശരിയായില്ലെങ്കില്‍ സിനിമ പൂര്‍ണമായും ഉപേക്ഷിക്കുമായിരുന്നു'; സാത്താറിനെ കുറിച്ച് കാളിദാസ്

പാവ കഥെെകള്‍ കണ്ടവരെല്ലാം കാളിദാസ് ജയറാമിന്റെ പ്രകടനത്തെ അഭിനന്ദിക്കുകയാണ്. നെറ്റ്ഫ്ലിക്സിന്റെ തമിഴ് ആന്തോളജിയായ പാവ കഥെെകളില്‍ തങ്കം എന്ന ചിത്രത്തിലാണ് കാളിദാസ് പ്രധാന വേഷത്തിലെത്തിയത്. സത്താര്‍ എന്ന കഥാപാത്രത്തെയായിരുന്നു കാളിദാസ് അവതരിപ്പിച്ചത്. എന്നാല്‍ സത്താറും ശരിയായില്ലെങ്കില്‍ താന്‍ അഭിനയവും സിനിമയും പൂര്‍ണമായും നിര്‍ത്തുമായിരുന്നുവെന്നാണ് കാളിദാസ് പറയുന്നത്.

Also Read: കിടിലന്‍ ലുക്കില്‍ പ്രാര്‍ത്ഥന; ഇതെന്ത് കോലമെന്ന് സദാചാര കമന്റുകള്‍, മറുപടി!

മനോരമയ്ക്ക് നല്‍കിയ അഭിമുഖത്തിലാണ് കാളിദാസ് മനസ് തുറന്നത്. പാവ കഥെെകള്‍ ചെയ്യാമെന്ന തീരുമാനമെടുക്കാന്‍ വളരെ ബുദ്ധിമുട്ടിയിരുന്നു. സിനിമയൊന്നും വേണ്ടെന്നും ഇനി അഭിനയമില്ലെന്നും തീരുമാനിച്ച് ലൊസാഞ്ചലസില്‍ എത്തിയ സമയത്താണ് സുധ കൊങ്കാരയുടെ ഫോണ്‍ കോള്‍ വന്നതെന്ന് കാളിദാസ് പറയുന്നു. കഥ കേട്ടപ്പോള്‍ പാവ കഥൈകള്‍ ചെയ്യണമെന്ന് തോന്നിയെന്നും കാളിദാസ് പറയുന്നു.

സത്താറാകാന്‍ ഒന്നരമാസം കൊണ്ട് താന്‍ 12 കിലോ കുറച്ചുവെന്നും കാളിദാസ് പറയുന്നു. ട്രാന്‍സ്ജെന്‍ഡറായ സുഹൃത്ത് ജീവയില്‍ നിന്നും കാര്യങ്ങള്‍ മനസിലാക്കി. തീയേറ്റര്‍ ആര്‍ട്ടിസ്റ്റായ കലെെറാണിയില്‍ നിന്നും നല്ല പിന്തുണ ലഭിച്ചു. സ്ക്രീനില്‍ മിമിക്രിയോ അതിനാടകീയതയോ ഇല്ലാതെ കഥാപാത്രത്തെ അവതരിപ്പിക്കണമെന്നായിരുന്നു ആഗ്രഹമെന്നും കാളിദാസ് പറയുന്നു. തയ്യാറെടുപ്പുകള്‍ നടത്തിയിരുന്നതിനാല്‍ കഥാപാത്രമായി മാറാന്‍ ബുദ്ധിമുട്ടുണ്ടായിരുന്നില്ലെന്നും കാളിദാസ് പറയുന്നു.

Also Read: സനൽകുമാർ ശശിധരൻ ചിത്രത്തിൽ ടൊവിനോയും കനി കുസൃതിയും ഒന്നിക്കുന്നു

അതേസമയം, ഷൂട്ടിന് ശേഷം മാസങ്ങളെടുത്താണ് സത്താര്‍ എന്ന കഥാപാത്രത്തില്‍ നിന്നും മോചനം ലഭിച്ചത്. അതിന് അമ്മയും സഹോദരിയും സഹായിച്ചുവെന്നും കാളിദാസ് പറയുന്നു. ലോക്ക്ഡൗണിനിടെ ആമസോണിന്റെ പുത്തം പുതു കാലെെ എന്ന ആന്തോളജിയിലും കാളിദാസ് വേഷമിട്ടിരുന്നു. അതിലും സുധയുടെ ചിത്രത്തിലായിരുന്നു അഭിനയിച്ചത്. കാളിദാസിന്റെ പ്രകടനം ശ്രദ്ധിക്കപ്പെട്ടിരുന്നു.