നാൽപ്പത്തിയേഴിലേക്ക് ചുവടുവെച്ച് കിച്ച സുദീപ്; ആശംസകളുമായി ആരാധകരും!

മലയാളികളുടെ സിനിമാപ്രേമം ഭാഷാന്തരമാണ്. മലയാളവും തമിഴും തെലുങ്കും കന്നഡയും ഹിന്ദിയും കൊറിയനും ഒക്കെ മലയാളികളുടെ സിനിമാകാഴ്ചകളിൽ മുൻപന്തിയിലുണ്ട്. ഓരോ ഭാഷയിലെയും സീപ്പർ സ്റ്റാറുകൾക്ക് മലാളികളായ നിരവധി ആരാധകരുമുണ്ടാകും. കന്നഡയിലെ സൂപ്പർ സ്റ്റാർ കിച്ച സുദീപ് മലയാളികൾക്ക് പ്രിയപ്പെട്ട താരമായി മാറിയത് ഈച്ച എന്ന ഡബ്ബിങ് ചിത്രത്തിലൂടെയായിരുന്നു. തെന്നിന്ത്യയുടെ പ്രിയതാരത്തിന് ഇന്ന് നാൽപ്പത്തിയേഴാം പിറന്നാളാണ്.

Also Read : കൊച്ചിയിലെത്തിയ നയൻസും വിഘ്നേഷും

നിരവധി ആരാധകരാണ് കിച്ച സുദീപിന് പിറന്നാളാശംസിച്ച് രംഗത്തെത്തുന്നത്. കിച്ച സുദീപ് ഇക്കൊല്ലം മലയാള സിനിമയുടെ ഭാഗമായി മാറിയിരിക്കുകയാണ്. മോഹൻലാലിനെ നായകനാക്കി സംവിധായകൻ പ്രിയദർശൻ സംവിധാനം ചെയ്ത മരക്കാർ; അറബിക്കടലിൻ്റെ സിംഹം എന്ന ചിത്രത്തിലൂടെയാണ് കിച്ച സുദീപ് മലയാളത്തിലേക്കെത്തുന്നത്. ചിത്രത്തിൻ്റെ റിലീസിനായി ഒരുങ്ങവേയായിരുന്നു കേരളത്തിൽ കൊവിഡ് പിടിമുറുക്കിയതും തുടർന്ന് തീയേറ്ററുകൾക്ക് താഴു വീണതും.

Also Read:സന്തോഷവാനായി ജഗതി; പ്രിയതാരത്തിൻ്റെ ഓണവിശേഷം

കിച്ച സുദീപിൻ്റെ പിറന്നാളിനോടനുബന്ധിച്ച് കന്നഡ സിനിമാ ലോകം ഒരുക്കി വെച്ചിട്ടുള്ള സമ്മാനം എന്താണ് എന്ന് അറിയാനുള്ള ആകാംക്ഷയിലാണ് ആരാധകർ. കിച്ച സുദീപ് നായകനായി എത്തുന്ന ചിത്രം ഫാന്റത്തിൻ്റെ ഫസ്റ്റ് ലുക്ക് പോസ്റ്റർ കഴിഞ്ഞ മാസം പുറത്ത് വിട്ടിരുന്നു. അനുപ് ബന്ധാരി സംവിധാനം ചെയ്യുന്ന സിനിമ ജൂലൈയോടെ ആരംഭിച്ചിരുന്നു.

കൊവിഡ് ലോക്ക്ഡൗണില്‍ ഇളവുകള്‍ പ്രഖ്യാപിച്ചതോടെയാണ് ചിത്രത്തിൻ്റെ ഷൂട്ടിങ് ആരംഭിച്ചത്. കൊവിഡ് മാനദണ്ഡങ്ങള്‍ പാലിച്ച് ഹൈദരാബാദിൽ വെച്ചാണ് സിനിമയുടെ ചിത്രീകരണം നടത്തിയത്. സുദീപ് ചിത്രത്തിൽ അവതരിപ്പിക്കുന്നത് വിക്രാന്ത് റോണ എന്ന കഥാപാത്രത്തെയാണ്.