കന്നട സിനിമാ ലോകത്തു നിന്നും പാൻ ഇന്ത്യൻ താരമായി മാറിയ നടനാണ് കിച്ചാ സുദീപ്. തെലുങ്കിൽ നിന്നുമെത്തി തെന്നിന്ത്യ മുഴുവൻ വിസ്മയിപ്പിച്ച 'ഈച്ച' എന്ന ചിത്രത്തിലൂടെയാണ് കിച്ച സുദീപിനെ മലയാളി പ്രേക്ഷകരും പരിചയപ്പെടുന്നത്. കന്നട സിനിമയിലെ സൂപ്പർ സ്റ്റാറായി മാറിയ സുദീപ് ഈച്ചയിലെ പ്രകടനത്തിലൂടെ അമ്പരപ്പിക്കുകയായിരുന്നു. ഈച്ചയിൽ സുദീപ് എന്ന പേരിൽ തന്നെയാണ് താരം എത്തിയതും. ഈച്ചയ്ക്കു ശേഷം പിന്നീട് വലിയ സിനിമകളാണ് സുദീപിൻ്റെതായി എത്തിയത്. നടൻ, ഗായകൻ, സംവിധായകൻ, നിർമാതാവ് എന്നിങ്ങനെ സിനിമയുടെ വിവിധ മേഖലകളിൽ തൻ്റെതായ മേൽവിലാസം സൃഷ്ടിച്ച സുദീപ് താൻ സംവിധായകനായതിൻ്റെ 17 വർഷത്തെ സന്തോഷം ആരാധകരുമായി പങ്കുവെച്ചിരിക്കുകയാണ് ട്വിറ്ററിലൂടെ. 2007 ൽ പുറത്തിറങ്ങിയ 'മൈ ഓട്ടോഗ്രാഫ്' എന്ന ചിത്രത്തിലൂടെയാണ് സുദീപ് സംവിധായനാകുന്നത്. ചേരൻ സംവിധാനം ചെയ്തു തമിഴിൽ സൂപ്പർ ഹിറ്റായ ഓട്ടോഗ്രാഫിൻ്റെ കന്നട റീമേക്കായിരുന്നു ചിത്രം. വലിയ വിജയം നേടിയതോടെ സംവിധായകനായി ഒരുപിടി ചിത്രങ്ങൽ പിന്നീട് സുദീപ് ഒരുക്കിയിരുന്നു. സംവിധായകനായി അരങ്ങേറ്റം കുറിച്ചതിൻ്റെ വാർഷികത്തോടനുബന്ധിച്ച് സുദീപ് ട്വിറ്ററിലാണ് കുറിപ്പും ചിത്രത്തിൻ്റെ പോസ്റ്ററും പങ്കുവെച്ചത്. “ഒരു സംവിധായകനെന്ന നിലയിലുള്ള പരീക്ഷണത്തിന് 17 വർഷം തികയുന്നു. ഒരു സംവിധായകൻ എന്നത് എല്ലായ്പ്പോഴും ഒരു വലിയ വികാരമാണ്. ഒപ്പം നിന്ന എല്ലാ നടന്മാർക്കും സാങ്കേതിക വിദഗ്ധർക്കും പ്രൊഡക്ഷൻ ടീമിനും സപ്പോർട്ട് സ്റ്റാഫിനും സെറ്റിലുണ്ടായിരുന്ന എല്ലാവർക്കും നന്ദി പറയുന്നു" എന്നായിരുന്നു സുദീപിൻ്റെ വാക്കുകൾ. താരത്തിന് ആശംസകളുമായി ആരാധകരും ഒപ്പം കൂടുന്നുണ്ട്.
Also Read: മാളികപ്പുറത്തിൻ്റെ തിരക്കഥാകൃത്തിന് തമിഴിൽ വമ്പൻ പ്രോജക്ട്; അഭിലാഷ് പിള്ളയുടെ തിരക്കഥയിൽ സൗന്ദര്യ രജനികാന്തിൻ്റെ സിനിമ
സംവിധാനത്തിനൊപ്പം മൈ ഓട്ടോഗ്രാഫിൽ നായകവേഷവും സുദീപാണ് അവതരിപ്പിച്ചത്. ശ്രീദേവിക, ദീപു, രശ്മിക കുൽക്കർണി, മീന എന്നിവരാണ് ചിത്രത്തിലെ നായിക കഥാപാത്രങ്ങളെ അവതരിപ്പിച്ചത്. തമിഴ് സിനിമയിൽ ഭരദ്വാജ് സംഗീതം നൽകിയ 'ഔവൊരു പൂക്കളുമെ സൊൽകിറതെ' എന്ന ഗാനം കന്നട പതിപ്പിലും സുദീപ് ഉപയോഗിച്ചിരുന്നു. പിന്നീട് 2014 ൽ പുറത്തിറങ്ങിയ മാണിക്യവരെ ആറു ചിത്രങ്ങളാണ് സുദീപ് സംവിധാനം ചെയ്തത്. ഇടവേളയിൽ സിനിമയ്ക്കു രചന ഒരുക്കാൻ ഇപ്പോഴും സുദീപ് സമയം കണ്ടെത്താറുണ്ട്.
ടെലിവിഷനിലൂടെയാണ് സുദീപ് കാമറക്കു മുന്നിലെത്തുന്നത്. 1997 ൽ പുറത്തിറങ്ങിയ തായവ്വാ എന്ന ചിത്രത്തിലൂടെ ബിഗ്സ്ക്രീനിൽ തുടക്കം കുറിച്ചു. 2001-ൽ പുറത്തിറങ്ങിയ ഹുച്ച എന്ന ചിത്രത്തിലൂടെയാണ് സൂപ്പർ താരപദവിയിലേക്കുയർന്നത്. പിന്നീട് നിരവധി ഹിറ്റു ചിത്രങ്ങളുമായി വലിയ ആരാധകരെയും നേടിയെടുത്തു. 2003 ൽ പുറത്തിറങ്ങിയ കിച്ചാ എന്ന ചിത്രത്തിൻ്റെ വലിയ വിജയത്തോടെയാണ് 'കിച്ചാ സുദീപ്' എന്നറിയപ്പെട്ടു തുടങ്ങുന്നത്. കന്നടത്തിനു പുറത്ത് പ്രേക്ഷകർ തിരിച്ചറിഞ്ഞു തുടങ്ങുന്നത് 2012 ൽ രാജമൗലിയുടെ സംവിധാനത്തിലെത്തിയ ഈച്ചയിലെ വില്ലൻ കഥാപാത്രത്തിലൂടെയാണ്. ഈച്ചയിലെ പ്രകടനം വളരെ പ്രശംസയും താരത്തിനു നേടിക്കൊടുത്തു. പിന്നീട് ബാഹുബലി:ദി ബിഗിനിങ്, ദബാങ് -3 എന്നീ അന്യഭാഷാ ചിത്രങ്ങളിലും സുദീപ് സാന്നിധ്യമറിയിച്ചു.
Also Read: കുട്ടിയായി കണ്ടതു കൊണ്ടാവാം ഉള്ക്കൊള്ളാന് ചെറിയൊരു പ്രയാസം; ലിപ് ലോക്ക് രംഗത്തെ കുറിച്ച് അനിഖ പറയുന്നു
ഇന്നു കന്നഡ സിനിമയിലെ ക്വാളിറ്റി നടന്മാരിൽ മുന്നിലാണ് സുദീപിൻ്റെ സ്ഥാനം. സുദീപിൻ്റെ അവസാനം തിയറ്ററിലെത്തിയ 'വിക്രാന്ത് റോണ' മികച്ച വിജയം നേടിയിരുന്നു. പാൻ ഇന്ത്യൻ റിലീസായി എത്തുന്ന കബ്സയാണ് സുദീപിൻ്റെ അടുത്ത റിലീസ്. ആർ. ചന്ദ്രു സംവിധാനം ചെയ്യുന്ന ചിത്രത്തിൽ ഉപേന്ദ്ര, കിച്ച സുദീപ്, ശ്രീയ സരൺ എന്നിവർ മുഖ്യവേഷത്തിൽ എത്തുന്നത്. ദക്ഷിണേന്ത്യൻ ഭാഷകൾ കൂടാതെ ഹിന്ദി, മറാത്തി, ഒറിയ ഭാഷകളിലും ചിത്രം റിലീസ് ചെയ്യും. കെജിഎഫിനു ശേഷം കന്നടത്തിൽ നിന്നുമെത്തുന്ന ബിഗ് ബജറ്റ് ചിത്രമായിരിക്കും കബ്സ.
Read Latest Movie News And Malayalam News
Also Watch:
Also Read: മാളികപ്പുറത്തിൻ്റെ തിരക്കഥാകൃത്തിന് തമിഴിൽ വമ്പൻ പ്രോജക്ട്; അഭിലാഷ് പിള്ളയുടെ തിരക്കഥയിൽ സൗന്ദര്യ രജനികാന്തിൻ്റെ സിനിമ
സംവിധാനത്തിനൊപ്പം മൈ ഓട്ടോഗ്രാഫിൽ നായകവേഷവും സുദീപാണ് അവതരിപ്പിച്ചത്. ശ്രീദേവിക, ദീപു, രശ്മിക കുൽക്കർണി, മീന എന്നിവരാണ് ചിത്രത്തിലെ നായിക കഥാപാത്രങ്ങളെ അവതരിപ്പിച്ചത്. തമിഴ് സിനിമയിൽ ഭരദ്വാജ് സംഗീതം നൽകിയ 'ഔവൊരു പൂക്കളുമെ സൊൽകിറതെ' എന്ന ഗാനം കന്നട പതിപ്പിലും സുദീപ് ഉപയോഗിച്ചിരുന്നു. പിന്നീട് 2014 ൽ പുറത്തിറങ്ങിയ മാണിക്യവരെ ആറു ചിത്രങ്ങളാണ് സുദീപ് സംവിധാനം ചെയ്തത്. ഇടവേളയിൽ സിനിമയ്ക്കു രചന ഒരുക്കാൻ ഇപ്പോഴും സുദീപ് സമയം കണ്ടെത്താറുണ്ട്.
ടെലിവിഷനിലൂടെയാണ് സുദീപ് കാമറക്കു മുന്നിലെത്തുന്നത്. 1997 ൽ പുറത്തിറങ്ങിയ തായവ്വാ എന്ന ചിത്രത്തിലൂടെ ബിഗ്സ്ക്രീനിൽ തുടക്കം കുറിച്ചു. 2001-ൽ പുറത്തിറങ്ങിയ ഹുച്ച എന്ന ചിത്രത്തിലൂടെയാണ് സൂപ്പർ താരപദവിയിലേക്കുയർന്നത്. പിന്നീട് നിരവധി ഹിറ്റു ചിത്രങ്ങളുമായി വലിയ ആരാധകരെയും നേടിയെടുത്തു. 2003 ൽ പുറത്തിറങ്ങിയ കിച്ചാ എന്ന ചിത്രത്തിൻ്റെ വലിയ വിജയത്തോടെയാണ് 'കിച്ചാ സുദീപ്' എന്നറിയപ്പെട്ടു തുടങ്ങുന്നത്. കന്നടത്തിനു പുറത്ത് പ്രേക്ഷകർ തിരിച്ചറിഞ്ഞു തുടങ്ങുന്നത് 2012 ൽ രാജമൗലിയുടെ സംവിധാനത്തിലെത്തിയ ഈച്ചയിലെ വില്ലൻ കഥാപാത്രത്തിലൂടെയാണ്. ഈച്ചയിലെ പ്രകടനം വളരെ പ്രശംസയും താരത്തിനു നേടിക്കൊടുത്തു. പിന്നീട് ബാഹുബലി:ദി ബിഗിനിങ്, ദബാങ് -3 എന്നീ അന്യഭാഷാ ചിത്രങ്ങളിലും സുദീപ് സാന്നിധ്യമറിയിച്ചു.
Also Read: കുട്ടിയായി കണ്ടതു കൊണ്ടാവാം ഉള്ക്കൊള്ളാന് ചെറിയൊരു പ്രയാസം; ലിപ് ലോക്ക് രംഗത്തെ കുറിച്ച് അനിഖ പറയുന്നു
ഇന്നു കന്നഡ സിനിമയിലെ ക്വാളിറ്റി നടന്മാരിൽ മുന്നിലാണ് സുദീപിൻ്റെ സ്ഥാനം. സുദീപിൻ്റെ അവസാനം തിയറ്ററിലെത്തിയ 'വിക്രാന്ത് റോണ' മികച്ച വിജയം നേടിയിരുന്നു. പാൻ ഇന്ത്യൻ റിലീസായി എത്തുന്ന കബ്സയാണ് സുദീപിൻ്റെ അടുത്ത റിലീസ്. ആർ. ചന്ദ്രു സംവിധാനം ചെയ്യുന്ന ചിത്രത്തിൽ ഉപേന്ദ്ര, കിച്ച സുദീപ്, ശ്രീയ സരൺ എന്നിവർ മുഖ്യവേഷത്തിൽ എത്തുന്നത്. ദക്ഷിണേന്ത്യൻ ഭാഷകൾ കൂടാതെ ഹിന്ദി, മറാത്തി, ഒറിയ ഭാഷകളിലും ചിത്രം റിലീസ് ചെയ്യും. കെജിഎഫിനു ശേഷം കന്നടത്തിൽ നിന്നുമെത്തുന്ന ബിഗ് ബജറ്റ് ചിത്രമായിരിക്കും കബ്സ.
Read Latest Movie News And Malayalam News
Also Watch: