അച്ഛനിട്ട പേരുമായി ഇറങ്ങിയാൽ ജനം സ്വീകരിക്കാതിരിക്കുമോ എന്ന ഭയം പലരെയും പോലെ എനിക്കില്ലായിരുന്നു. കാരണം, മനോഹരമായ പേരാണ് അച്ഛനിട്ടത്! കടുവയിലും അത് പരാമർശിച്ച് കണ്ടപ്പോൾ‍ സന്തോഷമായി

ഷാജി കൈലാസ് സംവിധാനം ചെയ്ത കടുവയിലെ മാസ് രംഗങ്ങളും ഡയലോഗുകളുമെല്ലാം ഏറെ ശ്രദ്ധിക്കപ്പെട്ടിരുന്നു. ഇതേക്കുറിച്ച് പറഞ്ഞെത്തിയിരിക്കുകയാണ് കൂട്ടിക്കല്‍ ജയചന്ദ്രന്‍. ഫേസ്ബുക്ക് പോസ്റ്റിലൂടെയായാണ് ഇതേക്കുറിച്ച് വ്യക്തമാക്കിയിട്ടുള്ളത്. സൂപ്പർ സ്റ്റാർ പൃഥ്വിക്കും, സൂപ്പർ ഷൂട്ടർ ഷാജി കൈലാസിനും നന്ദിയോടെ തുടങ്ങുന്നു. ഞാനില്ലത്തതുകൊണ്ടാവാം ക്ഷുഭിതയായി ഒഴുകുന്ന കൂട്ടിക്കലാറിൻ്റെ തീരങ്ങളിലിരുന്ന് പണ്ട്, ഒരുപാട് കഥകൾ മനസ്സിൽ കൊരുത്തിരുന്നു. പലതിലും ശക്തനായ ഒരു അച്ചായനായിരുന്നു കേന്ദ്രം. ആ മോഹത്തോടെയാണ് സിനിമയെ ലക്ഷ്യമിട്ടതും! യാത്ര തുടങ്ങിയതേയുളളു! അച്ഛനിട്ട പേരുമായി ഇറങ്ങിയാൽ ജനം സ്വീകരിക്കാതിരിക്കുമോ എന്ന ഭയം പലരെയും പോലെ എനിക്കില്ലായിരുന്നു. കാരണം, മനോഹരമായ പേരാണ് അച്ഛനിട്ടത്. ഞാൻ മറ്റൊന്നും തീരുമാനിച്ചു, എൻ്റെ യാത്രയിൽ ശ്വാസം നിലയ്ക്കും വരെ എൻ്റെ 'കൂട്ടിക്കൽ' കൂടെക്കാണുമെന്ന്.
ഒരുപാട് ചിത്രങ്ങൾ അവിടെ നിന്നും പകർത്തി. എന്നാൽ ശക്തനായ ഒരു അച്ചായൻ്റെ കഥ! 'കടുവ'!
ഇനി കാര്യം; സംഭാഷണ മദ്ധ്യേ, പൃഥ്വിയെ പുകഴ്ത്തി അലൻസിയർ പറയുമ്പോൾ എൻ്റെ പ്രതിച്ഛായ ആയ 'കൂട്ടിക്കൽ' എന്ന് ചേർത്തതിന് കടുവയുടെ എല്ലാ പ്രവർത്തകർക്കും നന്ദി! അതെഴുതുമ്പോഴും, പറയുമ്പോഴും എന്നെ അവർ ഓർത്തിരിക്കും ഉറപ്പ്! ഞാൻ കാരണമാണ് ആ പേര് പ്രേക്ഷകരുടെ മനസ്സിൽ പതിഞ്ഞത്! അതുകൊണ്ടാണെങ്കിലും, 'കൂട്ടിക്കൽ' എന്ന വാക്കിലൂടെ, സംഭാഷണത്തിലൂടെ ആ ചിത്രത്തിൽ എൻ്റെ അദൃശ്യ സാന്നിധ്യം തൊട്ടുവച്ച പ്രിയ സഹപ്രവർത്തകർക്ക് നന്ദി