'25 വർഷങ്ങൾക്ക് മുൻപുള്ള ചിത്രം', പ്രണയ വിവാഹമായിരുന്നോ എന്ന് ആരാധകൻ, മറുപടിയുമായി കൃഷ്ണകുമാർ!

ഭാര്യ സിന്ധു കൃഷ്ണയുമായി നിൽക്കുന്ന ഇരുപത്തിയഞ്ച് വർഷം മുൻപുള്ള ചിത്രമാണ് കൃഷ്ണകുമാർ ഇപ്പോൾ പങ്കുവെച്ചിരിക്കുന്നത്. ചിത്രത്തിന് നിരവധി ആരാധകരാണ് കമൻ്റുകളുമായി എത്തിയിരിക്കുന്നത്. കമൻ്റുകൾക്കെല്ലാം മറുപടി നൽകാനും കൃഷ്ണ കുമാർ സമയം മാറ്റിവെക്കാറുണ്ട്.

കമൻ്റുകൾക്കിടയിൽ മഹി ശർമ്മ എന്ന ഒരു ആരാധകൻ്റെ കമൻ്റും അതിന് കൃഷ്ണ കുമാർ നൽകിയ റിപ്ലേയും വൈറലായി മാറിയിരിക്കുകയാണ്. 'ആശംസകൾ. നിങ്ങളുടേത്‌ പ്രണയ വിവാഹമായിരുന്നോ ചേട്ടാ..?' എന്നായുരുന്നു മഹി കമൻ്റിലൂടെ ചോദിച്ചത്.

ഇതിനു മറുപടി കൃഷ്ണകുമാർ നൽകിയത് അതെ എന്നർത്ഥത്തിൽ ഒരു തംസ് അപ്പ് നൽകിക്കൊണ്ടാണ്. ആരാധകരിൽ പലർക്കും അറിയാവുന്ന കാര്യം തന്നെയാണ് കൃഷ്ണ കുമാറും സിന്ധു കൃഷ്ണയും പ്രണയിച്ച ശേഷമാണ് വിവാഹിതരായത് എന്ന കാര്യം.

സിന്ധു കൃഷ്ണ തന്നെ ഈ കാര്യം തൻ്റെ വ്ലോഗിലൂടെ പലപ്പോഴായി പറഞ്ഞിട്ടുണ്ട്. സിന്ധു കൃഷ്ണ പോസ്റ്റ് ഗ്രാജുവേഷൻ ചെയ്യുമ്പോഴാണ് കൃഷ്ണ കുമാറിനെ കാണുന്നതും പരിചയപ്പെടുന്നതും. പിന്നീട് ഇത് വിവാഹത്തിലേക്ക് എത്തുകയായിരുന്നു.