ഓമിയുടെ 'പമ്പരാ'ഗത സ്വത്ത് കൈക്കലാക്കി കൃഷ്ണശങ്കർ! വീഡിയോ കാണാം!

നേരം, പ്രേമം എന്ന സിനിമകളിലെ ശ്രദ്ധേയപ്രകടനത്തിലൂടെ പ്രേക്ഷകരുടെ പ്രിയങ്കരനായി മാറിയ നടനാണ് കൃഷ്ണശങ്കർ. നിവിൻ പോളി ചിത്രങ്ങളിൽ തിളങ്ങിയ കൃഷ്ണ ശങ്കർ ഇപ്പോൾ സോഷ്യൽ മീഡിയയിലും സജീവ സാന്നിധ്യമാണ്. തൻ്റെ ജീവിതത്തിലെ കൊച്ചു കൊച്ചു സന്തോഷങ്ങളും മറ്റും ചിത്രങ്ങളിലൂടെയും വീഡിയോകളിലൂടെയും ആരാധകരുമായി പങ്കുവെക്കാറുണ്ട്. ഇപ്പോഴിതാ കൃഷ്ണശങ്കർ പങ്കുവെച്ച പുതിയ കൊച്ചു സന്തോഷം ആരാധകർ ഏറ്റെടുത്തിരിക്കുകയാണ്.

Also Read: നടൻ കാർത്തിയ്ക്കും രഞ്ജനിയ്ക്കും ആൺകുഞ്ഞ് ജനിച്ചു

ഓം കൃഷ്ണ, വസുധ ലക്ഷ്മി എന്നിവരാണ് കൃഷ്ണ ശങ്കറിൻ്റെ രണ്ട് മക്കൾ. ഓം കൃഷ്ണയെ ഓമി എന്നാണ് വീട്ടിൽ ചെല്ലപ്പേരായി വിളിക്കുന്നത്. ഇപ്പോഴീതാ ഓമിയുടെ പറക്കും പമ്പരം കളിപ്പാട്ടമുപയോഗിച്ച് കൃഷ്ണ ശങ്കർ കളിക്കുന്നതിൻ്റെ വീഡിയോ പങ്കുവെച്ചിരിക്കുകയാണ് താരം. ഓമീടെ 'പമ്പരാ'ഗത സ്വത്ത് ഞാൻ കൈക്കലാക്കി എന്ന് കുറിച്ചുകൊണ്ടാണ് കൃഷ്ണ ശങ്കർ പുതിയ വീഡിയോ പങ്കിട്ടിരിക്കുന്നത്.

Also Read: പൃഥ്വിയുമായി സമ്പർക്കം; സുരാജ് വെഞ്ഞാറമ്മൂട് ക്വാറൻ്റൈനിൽ!

മണിയറയിലെ അശോകനാണ് കിച്ചു എന്ന കൃഷ്ണ ശങ്കർ അഭിനയിച്ച് പ്രേക്ഷകരിലേക്ക് എത്തിയ അവസാന ചിത്രം. കൊച്ചാൽ, മോഹൻ കുമാർ ഫാൻസ്, സുരേഷ് ഗോപി നായകനാകുന്ന 250ാം ചിത്രം എന്നീ സിനിമകളാണ് കൃഷ്ണ ശങ്കറിൻ്റേതായി അണിയറയിൽ പുരോഗമിക്കുന്നത്.