ശക്തമായ നടപടിയെടുക്കണം
വൈറസ് വ്യാപനം തടയാന്‍ എല്ലാവരും ഒരുമിച്ച് പ്രവര്‍ത്തിക്കുമ്പോള്‍ നിർദേശങ്ങള്‍ ലംഘിച്ച് പുറത്തിറങ്ങുന്നവർക്കെതിരെ നടപടിയുമെടുക്കണമെന്ന് നടന്‍ കൃഷ്ണകുമാർ പറഞ്ഞു. ദിവസങ്ങളായി ഞങ്ങളെല്ലാവരും വീട്ടില്‍ തന്നെയാണ്, പുറത്തിറങ്ങാറില്ല. നമ്മുക്ക് വേണ്ടിയാണ് ഈ നിയന്ത്രണങ്ങള്‍ ഒരുക്കിയിട്ടുള്ളതെന്നും കൃഷ്ണകുമാർ ഒരു പ്രമുഖ മാധ്യമത്തിന് നല്‍കിയ അഭിമുഖത്തില്‍ പറയുന്നു.
ദിവസങ്ങൾക്ക് ശേഷം 2 ആണുങ്ങളെ കണ്ടു
തിരുവനന്തപുരത്തെ വീട്ടില്‍ കുടുംബവുമായി കഴിയുകയാണ്. പുറത്തിറങ്ങാറില്ല. ദിവസങ്ങൾക്ക് ശേഷം 2 ആളുകളെ കണ്ടു സംസാരിച്ചത് കഴിഞ്ഞ ദിവസമാണെന്ന് താരം പറയുന്നു. ഗേറ്റ് വരെ പോയി സുഹൃത്തുക്കളോടു സംസാരിച്ചു വന്നു. അതിനപ്പുറം ഇറങ്ങിയിട്ട് ഒരുപാടു ദിവസമായെന്നും താരം കൂട്ടിച്ചേര്‍ത്തു. 'കൊറോണ കാല കാഴ്ചകൾ' എന്ന അടികുറിപ്പോടെ താരം പങ്കുവെച്ച ചിത്രം കഴിഞ്ഞ ദിവസങ്ങളില്‍ ചര്‍ച്ചയായിരുന്നു.
മക്കള്‍ അടുത്തുണ്ട് സന്തോഷമാണ്
ഞാനും ഭാര്യം മക്കളും വീട്ടിരിപ്പാണ്. എവിടെയും പോകാറില്ല. ഒന്നും ചെയ്യാനില്ലാത്തതു കൊണ്ട് എന്ത് ചെയ്യും എന്ന് ആലോചിക്കുന്ന സമയമാണ്. മക്കളെല്ലാവരും വീട്ടില്‍ തന്നെയുണ്ട്. അവര്‍ അടുത്തുള്ളത് കൊണ്ട് വലിയ സന്തോഷമാണെന്നും കൃഷ്ണ കുമാര്‍ പറയുന്നു.
ബോറടി മാറ്റാന്‍ പാട്ടും, ഡാന്‍സും
എല്ലാവരും കലാരംഗത്ത് നിന്നുള്ളവര്‍ ആണ്. അതുകൊണ്ട് പാട്ടും,ഡാന്‍സും തന്നെയാണ് ഏക വിനോദ മാര്‍ഗ്ഗം. പാട്ട് പാടും ഡാൻസ് കളിക്കും അത് റെക്കോർഡ് ചെയ്യും തുടങ്ങിയാണ് പരിപാടികള്‍. ഡാന്‍സ് നല്ലൊരു വ്യായാമം ആണല്ലോ, അത് കൊണ്ട് ശീലങ്ങളൊക്കെ പരീക്ഷിച്ചു നോക്കുകയാണ് ഇപ്പോള്‍. കൂടാതെ ചെടികളെ പരിപാലിക്കും. വീട്ടില്‍ പൂച്ചകള്‍ ഉണ്ട് അവര്‍ക്ക് ഭക്ഷണം കൊടുക്കലും ഒക്കെയായി തന്നെ ഉച്ചവരെയുള്ള സമയം പോകുമെന്നും കൃഷ്ണ കുമാര്‍ പറയുന്നു.
ഇൻഡസ്ട്രി വീട്ടില്‍
വീട്ടില്‍ എല്ലാവരും ഇൻഡസ്ട്രിയിൽ നിന്നുള്ളവരായത് കൊണ്ട് ഒരുപാടു സംസാരിക്കാൻ കഴിയുന്നുണ്ടെന്നും താരം പറയുന്നു. നമ്മള്‍ വീട്ടിലിരിക്കാന്‍ തുടങ്ങിയപ്പോള്‍ പ്രകൃതിയിൽ നല്ല മാറ്റങ്ങളുണ്ടായി.അത് നമ്മള്‍ കാണാതെ പോകരുതെന്നും കൃഷ്ണ കുമാര്‍ പറഞ്ഞു.
സിനിമ കാണുന്നത് നേരം പോക്കാണ്
വീട്ടിലിരുന്നി സിനിമ കാണുന്നത് വലിയ നേരമ്പോക്കാണ് എന്നാണ് മകള്‍ അഹാന പറയുന്നത്. രാവിലെയും രാത്രിയും രണ്ടു സിനിമ വീതം കാണും. വൈകി ഉറങ്ങുന്നതു ശീലമാക്കേണ്ട എന്നു കരുതി ഇന്നു മുതൽ നേരത്തെ എണീറ്റു തുടങ്ങിയിട്ടുണ്ടെന്നും താരം പറയുന്നു. കൈകള്‍ വൃത്തിയാകുന്നതിന്‍റെ ആവശ്യകതയെക്കുറിച്ച് പറയുന്ന വീ‍ഡിയോ താരം കഴിഞ്ഞ ദിവസം പങ്കുവെച്ചിരുന്നു.