വിവാഹം തമിഴ് സ്റ്റൈലിൽ ആഘോഷമാക്കി ലാലും മകളും

ജനുവരി 27നായിരുന്നു നടൻ ലാലിന്‍റെ മകൾ മോണിക്കയുടെ വിവാഹം. അലൻ ആണ് വരൻ. കഴിഞ്ഞ വർഷം നവംബറിലായിരുന്നു ഇരുവരുടെയും വിവാഹനിശ്ചയം. ആർഭാടപൂർവമായ ചടങ്ങളുകൾ കൊണ്ട് വിവാഹനിശ്ചയവും വാർത്തകളിൽ ഇടംനേടിയിരുന്നു. ഇത്തവണ ലാൽ സ്റ്റൈലിൽ നടന്ന വിവാഹ ആഘോഷങ്ങളും ഏറെ ശ്രദ്ധയാകർഷിച്ചു.



ഡപ്പാംകൂത്തും തമിഴ് സ്റ്റൈലിലുള്ള വേഷവിധാനങ്ങളും ആയിരുന്നു വിവാഹത്തലേന്നുള്ള ആഘോഷങ്ങൾക്ക് മാറ്റുകൂട്ടിയത്. തമിഴ്നാട് ഗ്രാമത്തിൽ നടക്കുന്ന വിവാഹമാണോയെന്ന് സംശയിപ്പിച്ചേക്കാവുന്ന തരത്തിലായിരുന്നു ആഘോഷം. ചുവപ്പ് സാരിയും മുല്ലപ്പൂവും അണിഞ്ഞ് തനി തമിഴ്നാട് പെൺകൊടിയുടെ വേഷമായിരുന്നു മോണിക്കയുടേത്. ​ അടിച്ചുപൊളി തമിഴ് ഗാനങ്ങൾക്ക് ചുവടുവെച്ച് തനി തമിഴ് ലുക്കിലായിരുന്നു ലാലും മകനുമെത്തിയത്.




താരങ്ങളുടെ വിവാഹങ്ങൾ വാർത്തയാകാറുണ്ടെങ്കിലും ആദ്യമായിട്ടായിരിക്കും ഒരു താരത്തിന്‍റെ മകളുടെ വിവാഹം ഏറെ ശ്രദ്ധയാകർഷിക്കുന്നത്. നവദമ്പതികളായ നടി ഭാവനയും നവീനും വിവാഹത്തിന് എത്തിയത് ആഘോഷ പരിപാടികൾക്ക് മാറ്റുകൂട്ടി. വിവാഹത്തിന് മമ്മൂട്ടി, മഞ്ജു വാരിയർ, സംയുക്താ വർമ, ജയസൂര്യ അടക്കമുള്ള താരങ്ങളുടെ സാന്നിധ്യമുണ്ടായിരുന്നു.




വിവാഹ ആഘോഷങ്ങൾക്കൊപ്പം മോണിക്കയുടെ മേക്കോവർ വീഡിയോയും ആഡംബര വിവാഹക്ഷണക്കത്തും വൈറലായിരിക്കുകയാണ്.