ഇക്കുറിയും മമ്മൂക്ക തന്നെ സ്റ്റാര്‍; യുവനിരയെ പിന്നിലാക്കി മെഗാസ്റ്റാര്‍

53-ാമത് സംസ്ഥാന ചലച്ചിത്ര പുരസ്‌ക്കാരത്തില്‍ മികച്ച നടനായി തിരഞ്ഞെടുക്കപ്പെട്ട് നടന്‍ മമ്മൂട്ടി. ലിജോ ജോസ് പെല്ലിശ്ശേരി സംവിധാനം ചെയ്ത നന്‍പകല്‍ നേരത്ത് മയക്കം എന്ന ചിത്രത്തിലെ അഭിനയത്തിനാണ് പുരസ്‌ക്കാരം. ആറാം തവണയാണ് മമ്മൂട്ടി മികച്ച നടനായി തിരഞ്ഞെടുക്കപ്പെട്ടത്. ഇവയ്ക്ക് പുറമെ പ്രത്യേക ജൂറി പരാമര്‍ശവും അദ്ദേഹം നേടി. ഇതോടെ സംസ്ഥാന ചലച്ചിത്ര പുരസ്‌ക്കാരം എട്ടുതവണയാണ് അദ്ദേഹം സ്വന്തമാക്കുന്നത്. പത്മശ്രീ നല്‍കി രാജ്യം ആദരിച്ച മമ്മൂക്ക എന്നും മലയാളത്തിന്റെ സ്വകാര്യ അഹങ്കാരമായിരുന്നു.Also Read: Kerala state film awards 2023: മികച്ച നടൻ മമ്മൂട്ടി, നടി വിൻസി അലോഷ്യസ്, മികച്ച ചിത്രം നൻപകൽ നേരത്ത് മയക്കം

1971ല്‍ പ്രദര്‍ശനത്തിനെത്തിയ അനുഭവങ്ങള്‍ പാളിച്ചകള്‍ എന്ന ചിത്രത്തിലൂടെയാണ് മലയാള സിനിമയുടെ അഭ്രപാളികളിലേയ്ക്ക് മമ്മൂട്ടി എത്തുന്നത്. അവിടുന്നങ്ങോട്ട് വിജയവും പരാജയവുമായി സ്വപ്രയത്‌നംകൊണ്ട് അദ്ദേഹം മലയാള സിനിമയിലൂടെ താണ്ടിയ ദൂരം ചെറുതൊന്നുമല്ല. എംടി വാസുദേവന്‍ നായര്‍ കഥയും തിരക്കഥയും സംഭാഷണവും സംവിധാനവും നിര്‍വ്വഹിച്ച ദേവലോകത്തിലൂടെ മമ്മൂട്ടി നാകനായി എത്തിയെങ്കിലും ഇത് പൂര്‍ത്തീകരിക്കപ്പെടാതെ പോയി. തുടര്‍ന്ന് കെജി ജോര്‍ജ് സംവിധാനം ചെയ്ത മേളയിലൂടെ മലയാള സിനിമ മമ്മൂട്ടിയിലെ നടനെ ശ്രദ്ധിച്ചുതുടങ്ങി. അവിടുന്നങ്ങോട്ട് മലയാള സിനിമയിലെ നാഴികക്കല്ലായിരുന്നു അദ്ദേഹം.

Also Watch:
1984ല്‍ അടിയൊഴുക്കുകള്‍ എന്ന ചിത്രത്തിലൂടെയാണ് ആദ്യമായി മമ്മൂട്ടി മികച്ച നടനായി തിരഞ്ഞെടുക്കപ്പെട്ടത്. ഒരു വടക്കന്‍ വീരഗാഥ, മൃഗയ, മഹായാനം എന്നീ ചിത്രങ്ങളിലൂടെ 1989ലും വിധേയന്‍, വാത്സല്യം, പൊന്തന്‍മാട എന്നീ ചിത്രങ്ങളിലെ പ്രകടനത്തിന് 1993ലും കാഴ്ചയിലൂടെ 2004, പലേരിമാണിക്യം ഒരു പാതിരാ കൊലപാതകത്തിന്റെ കഥ, കുട്ടിസ്രാങ്ക്, കേരള വര്‍മ പഴശ്ശിരാജ എന്നീ ചിത്രങ്ങളിലൂടെ 2009ലും മമ്മൂട്ടി മികച്ച നടനായി ആദരിക്കപ്പെട്ടു. ഈ വര്‍ഷം ഏറ്റവും കൂടുതല്‍ ഉയര്‍ന്നുകേള്‍ക്കുന്ന പേരും മമ്മൂട്ടിയുടേതാണ്. മികച്ച നടന് പുറമെ പ്രത്യേക ജൂറി പരാമര്‍ശം അടക്കമുള്ള സംസ്ഥാന പുരസ്‌ക്കാരങ്ങള്‍ വേറെയും മമ്മൂട്ടി സ്വന്തമാക്കി. 1985-ല്‍ പ്രത്യേക ജൂറിയും , 1981ല്‍ മികച്ച രണ്ടാമത്തെ നടനായും മമ്മൂട്ടി തിരഞ്ഞെടുക്കപ്പെട്ടു.

Also Read: മമ്മൂക്കയുടെ പേരിനൊപ്പം വന്നത് തന്നെ എനിക്ക് അവാര്‍ഡാണ്! സന്തോഷം പങ്കിട്ട് കുഞ്ചാക്കോ ബോബന്‍

1990ല്‍ മതിലുകള്‍, ഒരു വടക്കന്‍ വീരഗാഥ എന്നീ ചിത്രങ്ങളിലെ അഭിനയത്തിലൂടെയാണ് ആദ്യമായി മമ്മൂക്കയെ ദേശീയ പുരസ്‌കാരം തേടിയെത്തന്നത്. 1994ല്‍ വിധേയന്‍, പൊന്തന്‍ മാട എന്നീ ചിത്രങ്ങള്‍ക്കും 1999ല്‍ അംബേദ്കര്‍ (ഇംഗ്ലീഷ്) എന്നീ ചിത്രങ്ങളിലൂടെയും ദേശീയ പുരസ്‌ക്കാരങ്ങള്‍ സ്വന്തമാക്കാന്‍ സാധിച്ചു. മലയാളത്തിലെ കലാമൂല്യമുള്ള സിനിമകളില്‍ മമ്മൂട്ടി എന്ന പേരിന് ഏറെ പ്രാധാന്യമുണ്ട്.

ഐഎഫ്എഫകെ വേദികളിലടക്കം മികച്ച പ്രേക്ഷക പ്രീതി നേടിയ ചിത്രമായിരുന്നു നന്‍പകല്‍ നേരത്ത് മയക്കം. മമ്മൂട്ടി, അശോകന്‍, രമ്യ പാണ്ഡ്യന്‍, രാജേഷ് ശര്‍മ്മ എന്നിവരാണ് ചിത്രത്തില്‍ കേന്ദ്ര കഥാപാത്രത്തെ അവതരിപ്പിച്ചത്. എസ് ഹരീഷിന്റെ തിരക്കഥയില്‍ മമ്മൂട്ടിയും ലിജോയും ആദ്യമായി ഒന്നിക്കുന്ന ചിത്രമായിരുന്നു നന്‍പകല്‍.

Read Latest Movie News And Malayalam News