മമ്മൂട്ടിയെ തൊട്ടടുത്ത് കണ്ടപ്പോള്‍ കരച്ചിലടക്കാനാകാതെ ആരാധിക; വീഡിയോ വൈറല്‍

കൊച്ചി പനമ്പിള്ളി നഗറിലെ മമ്മൂട്ടിയുടെ വീടിനു മുമ്പില്‍ അദ്ദേഹത്തെ കാണാനെത്തിയ ഒരു കൂട്ടം പെൺകുട്ടികളുടെ വീഡിയോ വൈറലാകുന്നു. വീട്ടില്‍ മമ്മൂട്ടി ഉണ്ടെന്നറിഞ്ഞ് അദ്ദേഹം പുറത്തേക്ക് ഇറങ്ങുമ്പോള്‍ കാണാനായാണ് ഒരു സംഘം വിദ്യാര്‍ഥിനികള്‍ വീടിന് മുന്നിൽ കാത്തുനിന്നത്.

Also Read: ചന്ദ്രോത്തെ ചുരികച്ചൂരും വേദനയുടെ ചരിത്രവും; ഞെട്ടിച്ച് 'മാമാങ്കം' ട്രെയിലർ

ഈ സമയത്ത് കൊച്ചിയിലുള്ള ഷൂട്ടിംഗ് ലൊക്കേഷനിലേക്ക് ഇറങ്ങിയ മമ്മൂട്ടി, ഒരു മണിക്കൂറോളമായി ഇവര്‍ പുറത്തുനില്‍ക്കുകയാണെന്ന് അറഞ്ഞതോടെ കാറില്‍ കയറും മുമ്പ് ഇവർക്ക് അരികിലേക്ക് വരികയായിരുന്നു.
ഒട്ടും പ്രതീക്ഷിക്കാതെ പ്രിയതാരം അപ്രതീക്ഷിതമായി അടുത്തേക്ക് വരുന്നത് കണ്ടപ്പോള്‍ കൂട്ടത്തിലെ ഒരു മമ്മൂക്ക ആരാധിക കരച്ചിലടക്കാനാകാത്ത അവസ്ഥയിലായി.

Also Read: മമ്മൂട്ടിയുടെ ഒപ്പം തിളങ്ങാൻ പോകുന്ന കുട്ടി താരത്തെ മനസ്സിലായോ?

കണ്ണ് തുടച്ച് കരയുന്ന ആരാധികയെ മമ്മൂട്ടി സമാധാനിപ്പിക്കുകയായിരുന്നു. ഈ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്. ആരാധികയെ ചേര്‍ത്ത് പിടിച്ച്‌ തന്നെ കാണാനെത്തിയ എല്ലാവരോടും നന്നായി പഠിക്കണമെന്ന ഉപദേശവും നല്‍കിയാണ് മമ്മൂട്ടി മടക്കി അയച്ചത്.