എന്റെ പ്രിയ സഖിക്ക് ജന്മദിനാശംസകൾ; മണികണ്ഠ രാജൻ!

പ്രിയതമയെ പ്രിയ സഖിയായി കണ്ട് മണികണ്ഠ രാജൻ!. പ്രിയതമക്ക് പിറന്നാൾ ആശംസ നേരുന്നതോടൊപ്പം രണ്ടുപേരുടെയും മനോഹരമായ ചിത്രങ്ങളും നടൻ ആരാധകർക്കായി പങ്ക് വച്ചു. മണികണ്ഠന്റെ പ്രിയ സഖിക്ക് ആശംസകൾ നേർന്നുകൊണ്ട് താരങ്ങളും ആരാധകരും ആണ് രംഗത്ത് വന്നത്.ദീർഘകാലവും നിങ്ങളുടെ ഈ സ്നേഹം നിലനിൽക്കട്ടെയെന്നും, മെയിഡ് ഫോർ ഏച്ച് അദർ കപ്പിൾ ആണെന്നും ആരാധകർ അഞ്ജലിക്കുള്ള ആശംസയ്ക്ക് ഒപ്പം കുറിച്ചു.
ALSO READ: ഇമ്രാന് പിന്നാലെ സന്നിദാനന്ദനോടൊപ്പം ഗോപി; മണ്ഡലകാലത്ത് ഒരു അയ്യപ്പൻ പാട്ട്

വിവാഹശേഷം ഉള്ള ആദ്യ പിറന്നാൾ കൂടിയാണ് ഇതെന്ന പ്രത്യേകതയും ഇത്തവണത്തെ അഞ്ജലിയുടെ ജന്മദിനത്തിന് ഉണ്ട്." എന്റെ പ്രിയ സഖിക്ക് ജന്മദിനാശംസകൾ എന്നാണ് മണികണ്ഠൻ കുറിച്ച ആശംസയിൽ ഉള്ളത്. അടുത്തിടെയാണ് ഇരുവരും പ്രണയിച്ച് വിവാഹിതരായത്. ലോക്ക് ഡൗൺ–കൊവിഡ് കാലമായതിനാൽ അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത ലളിതമായ ചടങ്ങിലായിരുന്നു വിവാഹം.

ALSO READ: അപര്‍ണയ്ക്കുള്ള കെെയ്യടികള്‍ ഇവര്‍ നാലു പേര്‍ക്ക് കൂടിയുള്ളതാണ്
കമ്മട്ടിപ്പാടത്തില്‍ ക്വട്ടേഷന്‍ ഗാംഗിലൊരാളായ ബാലൻ ആണ് മണികണ്ഠന് ഏറ്റവും കൂടുതൽ ആരാധകരെ സമ്മാനിച്ച ചിത്രം. ശേഷം നിരവധി കഥാപാത്രങ്ങള്‍ മണികണ്ഠനെ തേടിയെത്തിയിരുന്നു. ആദ്യ ചിത്രത്തിന് നാടക പ്രവര്‍ത്തകനായ മണികണ്ഠനെ തേടി മികച്ച സ്വഭാവ നടനുള്ള സംസ്ഥാന പുരസ്‌കാരവും എത്തി. തമിഴില്‍ രജിനികാന്തിനെ നായകനാക്കി കാര്‍ത്തിക് സുബ്ബരാജ് സംവിധാനം ചെയ്ത പേട്ട എന്ന ചിത്രത്തിലും മണികണ്ഠന്‍ അഭിനയിച്ചു. രാജീവ് രവിയുടെ തുറമുഖം ആണ് വരാനിരിക്കുന്ന സിനിമ.