ടൊയോട്ട വെല്‍ഫയര്‍ സ്വന്തമാക്കി മോഹന്‍ലാല്‍, ചിത്രങ്ങള്‍ വെെറല്‍

80 ലക്ഷത്തിനടുത്താണ് വെല്‍ഫെയറിന്റെ വില. കേരളത്തില്‍ ഈ വാഹനം സ്വന്തമാക്കിയത് വെറും മൂന്ന് പേര്‍ മാത്രമാണെന്നാണ് റിപ്പോര്‍ട്ടുകള്‍. അത്യാധുനിക സജ്ജീകരണങ്ങളാണ് വാഹനത്തിലുള്ളത്.

മധ്യനിരയില്‍ പൂര്‍ണമായും ചായ്ക്കാന്‍ സാധിക്കുന്ന സീറ്റുകള്‍, റൂഫിലെ സ്ക്രീന്‍, ഇലക്ട്രോണിക് ഫൂട്ട്റെസ്റ്റ്, വെെഫെെ ഹോട്ട് സ്പോട്ട് തുടങ്ങിയവയാണ് വാഹനത്തിന്റെ പ്രത്യേകതകള്‍.

4935 എംഎം നീളവും 1850 എംഎം വീതിയും 1895 എംഎം ഉയരവും 3000 എംഎം വീല്‍ബെയ്സുമുണ്ട് വെല്‍ഫെയറിന്. 16.35 കിലോമീറ്ററാണ് ഇന്ധനക്ഷമത.

മോഹന്‍ലാല്‍ നായകനാകുന്ന മരക്കാര്‍ അറബിക്കടലിന്റെ സിംഹം ഈ മാസം പുറത്തിറങ്ങും. പ്രിയദര്‍ശനും മോഹന്‍ലാലും വീണ്ടുമൊരുമിക്കുന്ന ചിത്രത്തിനായി കാത്തിരിക്കുകയാണ് ആരാധകര്‍.