ഭൂട്ടാന്‍ യാത്രയെ കുറിച്ചു മോഹന്‍ലാല്‍

ഭൂട്ടാനിലേക്ക് നടത്തിയ തീര്‍ഥയാത്രക്ക് ശേഷമാണ് താന്‍ ആനന്ദത്തിന്‍റെ പൊരുള്‍ തിരിച്ചറിഞ്ഞതെന്നും ഈ യാത്രക്ക് ശേഷം താനൊരു പുതിയൊരു മനുഷ്യനായെന്നും മോഹന്‍ലാല്‍. അഞ്ച് ദിവസത്തെ ആ യാത്ര ഒരു തീര്‍ത്ഥാടനം പോലെയായിരുന്നുവെന്ന് മോഹന്‍ലാല്‍ പറയുന്നു.

തന്‍റെ ബ്ലോഗിലൂടെയാണ് താരം ശുചിത്വത്തിന്‍റെ പ്രധാന്യത്തെ കുറിച്ച്‌ വിവരിക്കുന്നത്. ഓരോ യാത്രയും ഓരോ നവീകരണമാണ്, യാത്ര പോയ ആളല്ല ഒരിക്കലും തിരിച്ച്‌ വരുന്നത്, പുതിയ എന്തെങ്കിലും ഒരു നന്മ, വിശാലമായ എന്തെങ്കിലും ഒരു വീക്ഷണം അയാളില്‍ ഉണ്ടാവണം. അപ്പോള്‍ മാത്രമേ യാത്ര അയാളില്‍ പ്രവര്‍ത്തിക്കുകയുള്ളു. പ്രത്യേകിച്ച്‌ തീര്‍ത്ഥാടനങ്ങളെന്ന് താരം ബ്ലോഗില്‍ കുറിച്ചു.

അതോടൊപ്പം ഭൂട്ടാനിലെ ആളുകളെ കുറിച്ചും പരിസര വൃത്തിയെ കുറിച്ചും മോഹന്‍ലാല്‍ തന്‍റെ ബ്ലോഗിലൂടെ പങ്കുവയ്ക്കുന്നു ചുറ്റുപാടുകളുടെ വൃത്തിയും ശുദ്ധിയും നഷ്ടപ്പെട്ടതു മുതലാണ് നമ്മുടെ സ്വഭാവത്തിലും ചിന്തയിലും പ്രവൃത്തിയിലും താളപ്പിഴകള്‍ ഉണ്ടാകാന്‍ തുടങ്ങിയതെന്നും മോഹന്‍ലാല്‍ പറയുന്നു. ഭൂട്ടാന്‍ യാത്രയെ കുറിച്ച്‌ മോഹന്‍ലാലിന്‍റെ ബ്ലോഗ് വായിക്കാം.

Happy days for Mohanlal in Bhutan!

Actor mohanlal shares his bhutan experiance via blog ' the complete actor'