'ഒരു ശരാശരി അഭിനേതാവിന്‍റെ സ്വപ്നത്തിലേക്കുള്ള യാത്രയാണിത്'! കുറിപ്പുമായി നവജിത്ത്

ചുരുങ്ങിയ കാലം കൊണ്ട് മലയാള സിനിമയിൽ നായക നിരയിലേക്കുയര്‍ന്ന നടനാണ് നവജിത്ത് നാരായണണൻ. നാടക ലോകത്തു നിന്നും സിനിമയിലെത്തി പോരാട്ടം, ആമി തുടങ്ങിയ സിനിമകളിൽ തിളങ്ങിയ നവജിത്ത് കഴിഞ്ഞ വര്‍ഷം പുറത്തിറങ്ങിയ കോഴിപ്പോര് എന്ന സിനിമയിൽ നായകനായിരുന്നു.

Also Read: മുണ്ടൂര്‍ മാടനെ കഴിക്കാം ദശമൂലം കുടിക്കാം! 'സാൻഫ്രാൻസിസ്കോ'യുമായി നവജിത്ത്

കൊവിഡിന് തുടര്‍ന്ന് തീയേറ്ററുകള്‍ക്ക് താഴ് വീണപ്പോള്‍ ചിത്രം പിൻവലിക്കേണ്ടി വന്നു. അടുത്തിടെ ആമസോൺ പ്രൈമിൽ ചിത്രം സ്ട്രീം ചെയ്തു തുടങ്ങിയിട്ടുണ്ട്. ഇപ്പോഴിതാ സിനിമ കണ്ട് നന്ദി അറിയിച്ചവര്‍ക്കായി നടൻ ഇന്ദ്രൻസിനും നടി പൌളിക്കും ഒപ്പമിരിക്കുന്ന ചിത്രവുമായി ഒരു കുറിപ്പ് പങ്കുവെച്ചിരിക്കുകയാണ് നവജിത്ത്.

നവജിത്ത് പങ്കുവെച്ചിരിക്കുന്ന കുറിപ്പ് പൂർണ്ണരൂപം വായിക്കാം undefined
സിനിമ അഭിനേതാവ് ആദ്യം കരുതും സിനിമയിലൊന്നു മുഖം കാണിക്കണം എന്ന്. അത് കാണിച്ചുകഴിയുമ്പോൾ തോന്നും ഒരു ഡയലോഗെങ്കിലും കിട്ടിയാൽ മതിയായിരുന്നു എന്ന്.
അത് കിട്ടിക്കഴിയുമ്പോൾ തോന്നും ഒരു പേരുള്ള കഥാപാത്രം വേണമായിരുന്നു എന്ന്. അതും കിട്ടിക്കഴിയുമ്പോൾ തോന്നും ആൾക്കാർ തിരിച്ചറിയുന്ന ഒരു വേഷം കിട്ടണേ എന്ന്. അതും കിട്ടിക്കഴിയുമ്പോൾ തോന്നും വ്യത്യസ്തമായ കഥാപാത്രങ്ങൾ കിട്ടിയിരുന്നെങ്കിൽ എന്ന്. ഒരു ശരാശരി അഭിനേതാവിന്‍റെ സ്വപ്നത്തിലേക്കുള്ള യാത്ര.

Also Read: തമിഴ് സിനിമയ്ക്ക് വേണ്ടി തീയേറ്ററുകള്‍ തുറക്കുന്നതെന്തിന്? തുറന്നടിച്ച് ദിലീപ്

ചിലപ്പോൾ അതൊക്കെ മലർപൊടികാരന്‍റെ സ്വപ്നം എന്ന് സ്വയം കളിയാക്കുമ്പോഴും ഉള്ളിൽ എവിടേക്കൊയോ എന്തൊക്കയോ പ്രതീക്ഷ അങ്ങ് വളരും. യുകെയിലും യുഎസിലും ആമസോൺ പ്രൈമിൽ കോഴിപ്പോര്. കണ്ട് അഭിപ്രായങ്ങള്‍ അറിയിച്ച എല്ലാ കൂട്ടുകാര്‍ക്കും ഉള്ളിന്‍റെയുള്ളിൽ നിന്നും ഒരായിരം ഉമ്മകള്‍, നവജിത്ത് കുറിച്ചിരിക്കുകയാണ്.

Also Watch :