ആദ്യവിവാഹത്തിന് അൽപായുസ്! രണ്ടാം വിവാഹത്തിനൊരുങ്ങി പ്രശാന്ത്! കരിയറിലും ജീവിതത്തിലും പുതിയ തുടക്കമോ?

അരങ്ങേറ്റ ചിത്രം തന്നെ ബ്ലോക്ക് ബസ്റ്ററാക്കിയ താരം കൂടിയാണ് പ്രശാന്ത്. വൈകാശി പൊറന്താച്ച് എന്ന ചിത്രത്തിലൂടെയായിരുന്നു നടന്റെ വരവ്. വന്ന വന്ന പൂക്കള്‍, ആനഴകന്‍, തിരുട തിരുച, ജോഡി, ജീന്‍സ്, സെന്തമിഴ് സെല്‍വന്‍ തുടങ്ങി നിരവധി സിനിമകളിലാണ് പിന്നീട് പ്രശാന്ത് അഭിനയിച്ചത്. അന്ധാഗന്‍ എന്ന സിനിമയിലാണ് ഒടുവിലായി പ്രശാന്ത് അഭിനയിച്ചത്. ഈ ചിത്രത്തിനായി അദ്ദേഹം തടി കുറച്ചിരുന്നു. ബോളിവുഡ് ചിത്രമായ അന്ധാദുന്റെ റീമേക്കാണ് അന്ധാഗന്‍.

താരപുത്രന്‍ ഇമേജ് മറികടന്നുവെങ്കിലും തന്റെ താരപദവി നിലനിര്‍ത്താന്‍ പ്രശാന്തിന് കഴിഞ്ഞിരുന്നില്ല. അടിക്കടിയുള്ള പരാജയത്തെ തുടര്‍ന്ന് പ്രശാന്ത് ഇടക്കാലത്ത് സിനിമയില്‍ നിന്നും മാറിയിരുന്നു. പ്രശാന്തിന് മുന്നില്‍ തലകുനിച്ച് നിന്ന അജിത്തിന്റെ ഫോട്ടോ ഇടക്കാലത്ത് വൈറലായിരുന്നു. പുഷ്പഹാരങ്ങളുമായി നില്‍ക്കുന്ന പ്രശാന്തിന് അരികില്‍ നില്‍ക്കുന്ന അജിത്തിന്റെ ഫോട്ടോയുമാണ് പ്രചരിച്ചത്.

2005ലായിരുന്നു പ്രശാന്ത് പ്രമുഖ ബിസിനസുകാരന്റെ മകളായ ഗൃഹലക്ഷ്മിയെ വിവാഹം ചെയ്തത്. പൊരുത്തക്കേടുകള്‍ തുടര്‍ക്കഥയായതോടെയാണ് ഇരുവരും 2008 ല്‍ വേര്‍പിരിഞ്ഞത്. ഇവര്‍ക്കൊരു മകനുണ്ട്. ജീവിതത്തിലും കരിയറിലും പുതിയ തുടക്കത്തിനുള്ള തയ്യാറെടുപ്പിലാണ് പ്രശാന്ത് എന്നുള്ള വിവരങ്ങളാണ് പ്രചരിച്ചുകൊണ്ടിരിക്കുന്നത്. സിനിമ റിലീസ് ചെയ്ത് അധികം വൈകാതെ തന്നെ വിവാഹത്തെക്കുറിച്ചുള്ള വിവരങ്ങളും പുറത്തുവിട്ടേക്കുമെന്നും റിപ്പോര്‍ട്ടുകളുണ്ട്.

ഗൃഹലക്ഷ്മി നേരത്തെ വിവാഹിതയായിരുന്നുവെന്നും അതേക്കുറിച്ച് തന്നെ അറിയിച്ചിരുന്നില്ലെന്നും മുന്‍പ് പ്രശാന്ത് വ്യക്തമാക്കിയിരുന്നു. നേരത്തെ വിവാഹിതയാണെന്ന കാര്യം മറച്ചുവെച്ചെന്നും ആ ബന്ധം വേര്‍പെടുത്താതെയാണ് തന്നെ വിവാഹം ചെയ്തതെന്നും കാണിച്ച് പ്രശാന്ത് പരാതി നല്‍കിയിരുന്നു. വിവാഹം അസാധുവാണെന്ന് കുടുംബകോടതി വിധിച്ചപ്പോള്‍ ഗൃഹലക്ഷ്മി ഹൈക്കോടതിയെ സമീപിച്ചിരുന്നുവെങ്കിലും ഹര്‍ജി തള്ളിപ്പോയിരുന്നു.