എന്താണ് ലംബോർഗിനി വിഷയം ?
തന്‍റെ മകൻ പൃഥ്വിരാജ് പുതിയ ലംബോര്‍ഗിനി കാര്‍ വാങ്ങിയെങ്കിലും റോഡിന്‍റെ ശോചനീയാവസ്ഥ മൂലം അത് തിരുവനന്തപുരത്തെ വീട്ടിലേക്ക് കൊണ്ടുവരാൻ കഴിഞ്ഞിട്ടില്ലെന്ന് ഏറെ നാളുകള്‍ക്ക് മുമ്പ് മല്ലിക ഒരു അഭിമുഖത്തില്‍ പരാമര്‍ശിച്ചിരുന്നു. ഇത് സോഷ്യല്‍ മീഡിയയില്‍ ഏറ്റെടുത്തതോടെ നിരവധി ട്രോളുകളും വന്നിരുന്നു.
മല്ലിക ചേച്ചിയുടെ ലംബോര്‍ഗിനി?
കേരളത്തില്‍ പ്രളയമുണ്ടായ സാഹചര്യത്തിൽ ഒരു ചെമ്പില്‍ കയറ്റി മല്ലിക സുകുമാരനെ രക്ഷപ്പെടുത്തുന്ന ചിത്രം പുറത്തുവന്നിരുന്നു. ഇതോടെ ഇതാണോ മല്ലിക ചേച്ചിയുടെ ലംബോര്‍ഗിനി? എന്നുള്‍പ്പെടെ ചിലർ പരിഹാസവുമായി രംഗത്തെത്തിയിട്ടുമുണ്ട്.
ലംബോർഗിനി എവിടെയാണമ്മേ?
ഇതിനെ പറ്റിയാണ് ഐഇ മലയാളം ഓൺലൈനിന് മല്ലിക നൽകിയ ലൈവ് സംഭാഷണത്തില്‍ ഒരു ആരാധകന് പരാമര്‍ശിക്കുകയുണ്ടായത്. ലംബോർഗിനി ഇപ്പോള്‍ എവിടെയാണമ്മേ എന്നാണ് ആ ആരാധകൻ ലൈവിനിടെ ചോദിക്കുകയുണ്ടായത്.
രസകരമായ മറുപടി
ഈ സമയം ഏറെ രസകരമായ മറുപടിയാണ് മല്ലിക സുകുമാരൻ ആ ആരാധകന് നൽകിയത്. അതിവിടെ അലമാരയിൽ വെച്ചു പൂട്ടിയേക്കുകയാ മോനേ, ആവശ്യത്തിന് പുറത്തെടുത്താൽ മതിയല്ലോ എന്നായിരുന്നു ചിരിച്ചുകൊണ്ട് താരത്തിന്‍റെ മറുപടി. ഈ മറുപടിയും സോഷ്യൽമീഡിയ ഏറ്റെടുത്തിരിക്കുകയാണ്.