മൂന്ന് മാസത്തിന് ശേഷം
ഏതാണ്ട് മൂന്ന് മാസത്തിന് ശേഷം പൃഥ്വിരാജും ആടുജീവിതം ടീമും കേരളത്തില്‍ മടങ്ങിയെത്തിയിരിക്കുന്നു. എല്ലാവരും നിയമപ്രകാരം ക്വാറന്റെെനില്‍ പോകും. നീണ്ടൊരു കാത്തിരിപ്പായിരുന്നുവെന്നും സുപ്രിയ പറഞ്ഞു.
കരുത്ത് പകർന്നവർക്ക് നന്ദി
മടങ്ങി വരവില്‍ സഹായിച്ച അധിക‍ൃതര്‍ക്കും മറ്റുള്ളവര്‍ക്കും നന്ദി പറയുന്നതായും സുപ്രിയ അറിയിച്ചു. തങ്ങള്‍ക്കു വേണ്ടി പ്രാര്‍ത്ഥിച്ച ആരാധകര്‍ക്കും നന്ദി പറയുന്നതായി സുപ്രിയ അറിയിച്ചു. അകന്നിരുന്ന സമയത്ത് അവരാണ് കരുത്ത് പകര്‍ന്നതെന്നും താരം പറഞ്ഞു.
Also Read: 'അല്ലിയുടെ ഡാഡ വരുന്നു ';പൃഥ്വിരാജും സംഘവും ജോര്‍ദാനില്‍ നിന്നും നാട്ടിലേക്ക്, ചിത്രങ്ങള്‍ കാണാം
സുപ്രിയയും അല്ലിയും ത്രില്ലിലാണ്
തന്റെ ഡാഡ തിരികെ വരുന്നതിന്റെ ത്രില്ലിലാണ് അല്ലി മോളെന്നും സുപ്രിയ പറയുന്നു. രണ്ടാഴ്ചയ്ക്ക് ശേഷം പൃഥ്വിയെ കാണാന്‍ സാധിക്കുന്നതിന്റെ സന്തോഷത്തിലാണെന്നും സുപ്രിയ പോസ്റ്റില്‍ പറയുന്നു.
വെല്ലുവിളി തീർത്ത കൊറോണ
ആടുജീവിതത്തിന്റെ ചിത്രീകരണത്തിനായി കഴിഞ്ഞ രണ്ട് മാസത്തിലധികമായി ജോര്‍ദാനിലായിരുന്നു സംഘം. സിനിമയുടെ ചിത്രീകരണത്തിനിടെയായിരുന്നു കൊറോണ പടര്‍ന്നു പിടിക്കുന്നതും സംഘം ജോര്‍ദാനിലെ മരുഭൂമയില്‍ ഒറ്റപ്പെടുന്നതും.
Also Read:ഓൺലൈനിൽ എല്ലാവരും ഒരുമിച്ചു; മോഹൻലാൽ കേക്കു മുറിച്ചു
കാത്തിരിപ്പോടെ ആരാധകർ
കഴിഞ്ഞ ദിവസം ചിത്രത്തിന്റെ ജോര്‍ദാനിലെ ഷെഡ്യൂള്‍ പൂര്‍ത്തിയായതായി പൃഥ്വിരാജ് അറിയിച്ചിരുന്നു. ചിത്രത്തിലെ ഏറ്റവും പ്രധാനപ്പെട്ട ഭാഗങ്ങളായിരുന്നു ജോര്‍ദാനില്‍ ചിത്രീകരിച്ചത്. അടുത്ത ഷെഡ്യൂള്‍ അള്‍ജീരിയയിലാണ്.