അല്ലി മോളുടെ സമ്മാനം
തകര്‍ന്നു പോയ അച്ഛനെ ഒന്ന് സന്തോഷിപ്പിക്കാന്‍ മകള്‍ അലംകൃത എന്ന അല്ലി നല്‍കിയ സമ്മാനമാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ചാ വിഷയം. ഫാദേഴ്സ് ഡെയായിരുന്നു കഴിഞ്ഞ ദിവസം. ഇതിന്റെ ഭാഗമായാണ് അല്ലി മോള്‍ പൃഥ്വിയ്ക്കൊരു ആശംസ കാര്‍ഡ് നല്‍കിയത്.
Also Read: വിജയ്‍യുടെ ജന്മദിനം ആശ്വാസ ഭവനിലെ കുരുന്നുകളോടൊപ്പം ആഘോഷിച്ച് ബിനീഷ് ബാസ്റ്റിൻ
ഫാദേഴ്സ് ഡേയ്ക്കായി കാത്തിരിക്കുകയായിരുന്നു
“കുറച്ചു ദിവസങ്ങളായി അവളെന്നെ മോശം അവസ്ഥയിൽ കാണുന്നു, എനിക്കൊരു സമ്മാനം നൽകാനായി ഫാദേഴ്സ് ഡേയ്ക്കായി കാത്തിരിക്കുകയാണ് എന്നു പറഞ്ഞു,” എന്ന കുറിപ്പോടെയാണ് അല്ലിയൊരുക്കിയ ആശംസാകാർഡ് പൃഥ്വി ഷെയർ ചെയ്തത്.
അല്ലിയുടെ കെെപ്പടയിലെ കത്ത്
അഞ്ചു വയസ്സിലെ എന്റെ ഇംഗ്ലീഷിനെക്കാളും മികച്ചതാണ് മകളുടെ ഇംഗ്ലീഷ് എന്നും പൃഥ്വി പറയുന്നു. പ്രിയപ്പെട്ട ഡാഡ, നിങ്ങള്‍ക്കൊരു നല്ല ദിനം ആശംസിക്കുന്നു. ഈ ദിവസം നിങ്ങളുടെ പ്രിയപ്പെട്ട ദിവസമാണെന്ന് എനിക്കറിയാം എന്നായിരുന്നു അല്ലി എഴുതിയിരുന്നത്.
ഇംഗ്ലീഷില്‍ മകളും പുലി
മകളുടെ കെെപ്പടയിലുള്ള ആശംസാ കാര്‍ഡും പൃഥ്വിരാജ് പങ്കുവച്ചിട്ടുണ്ട്. അതേസമയം, അച്ഛനെ പോലെ തന്നെ ഇംഗ്ലീഷില്‍ പുലിയാണ് മകളുമെന്നാണ് സോഷ്യല്‍ മീഡിയ പറയുന്നത്. അഞ്ചാം വയസില്‍ ഞങ്ങള്‍ക്ക് എബിസിഡി പോലുമറിയില്ലായിരുന്നുവെന്ന് അവര്‍ പറയുന്നു.
Also Read: 'ഞാനൊരു സിനിമ പിടിക്കാൻ പോകുവാടാ ആരാടാ തടയാൻ': ലിജോ ജോസ് പെല്ലിശ്ശേരി'