പഴയതൊക്കെ ഇനി തിരിച്ചുപിടിക്കണം; ജിമ്മിലെത്തി പൃഥ്വിരാജ്

'ആടുജീവിതം' ദിവസങ്ങള്‍ കഴിഞ്ഞ് ക്വാറന്‍റൈൻ കാലവും കഴിഞ്ഞ് ഒടുവിൽ ജിമ്മിലേക്ക് തിരിച്ചെത്തി നടൻ പൃഥ്വിരാജ്. ജിമ്മിൽ വർക്ക് ഔട്ട് ചെയ്യുന്ന പുതിയ ചിത്രം തന്‍റെ ഇൻസ്റ്റയിൽ പങ്കുവെച്ചിരിക്കുകയാണ് പൃഥ്വിരാജ്. 'ലിഫ്റ്റ്, ബേൺ, ബിൽഡ്' എന്ന ക്യാപ്ഷൻ കുറിച്ചുകൊണ്ടാണ് ജിമ്മിൽ നിന്നുള്ള ചിത്രം പൃഥ്വിരാജ് സോഷ്യൽ മീഡിയയിൽ ഷെയര്‍ ചെയ്തിരിക്കുന്നത്. നിരവധി സിനിമാതാരങ്ങള്‍ ഉള്‍പ്പെടെ ചിത്രങ്ങള്‍ക്ക് താഴെ കമന്‍റുകളുമായി എത്തിയിട്ടുണ്ട്.

Also Read: ഓടിടി പ്ലാറ്റ്ഫോം നൽകുന്നത് നല്ല പ്രതീക്ഷകൾ തന്നെയാണ്; സിനിമകൾക്കിനി പുതിയമുഖമുണ്ടാകും!: അൻവർ ഷെരീഫ്

ബെന്യാമിൻ എഴുതിയ 'ആടുജീവിതം' എന്ന നോവലിനെ അധികരിച്ച് ബ്ലെസി അതേ പേരിൽ ഒരുക്കുന്ന ‘ആടുജീവിത’മെന്ന ചിത്രത്തിന് വേണ്ടി ജോര്‍ദാനിലായിരുന്നു എഴുതപതിലേറെ ദിവസങ്ങള്‍ പൃഥ്വിയും 58 പേരടങ്ങുന്ന സംഘവും. മെയ് 22നാണ് ഇവർ കൊച്ചിയിൽ തിരിച്ചെത്തിയത്. ചിത്രത്തിനായി ഇരുപത് കിലോയിലേറെ ഭാരം കുറച്ച് പൃഥ്വിരാജ് മെലിഞ്ഞിരുന്നു. നാട്ടിൽ മടങ്ങിയെത്തിയ പൃഥ്വി ജൂൺ അഞ്ചിനാണ് രണ്ടാഴ്ചത്തെ ക്വാറന്‍റൈൻ പൂര്‍ത്തിയാക്കി വീട്ടിലേക്കെത്തിയത്.

Also Read: രേഷ്മ, ജീവിതത്തെ ആഘോഷമാക്കി ആസ്വദിക്കുന്നവൾ; പുതുചിത്രങ്ങൾ

കൊവിഡ് ടെസ്റ്റ് നടത്തി രോഗമില്ലെന്നും സ്ഥിരീകരിച്ചിരുന്നു. ഇപ്പോൾ ശരീരം തിരിച്ച് പഴയരീതിയിലാക്കാനുള്ള വർക്ക് ഔട്ടിൽ സജീവമായിരിക്കുകയാണ് താരം. ജിമ്മിൽ വർക്ക് ഔട്ട് ചെയ്യുന്ന ചിത്രം ‘ലിഫ്റ്റ്, ബേൺ, ബിൽഡ്’ എന്ന ക്യാപ്ഷനോടെ പങ്കുവെച്ചപ്പോള്‍ താരങ്ങളായ ദുര്‍ഗ കൃഷ്ണ, ഷാനി ഷാകി, പാരിസ് ലക്ഷ്മി, മണികണ്ഠൻ ആചാരി തുടങ്ങിയവരുള്‍പ്പെടെ നിരവധിപേര്‍ കമന്‍റുകളുമായി എത്തിയിട്ടുണ്ട്. ക്വാറന്‍റൈൻ കഴിയുന്ന സമയത്തും തന്‍റെ ശരീരത്തിന്‍റെ ചിത്രം പൃഥ്വി സോഷ്യൽമീഡിയയിൽ പങ്കുവെച്ചിരുന്നു.

Also Watch :