'അല്ലിയെ ഇത് ഒരുപാട് സന്തോഷിപ്പിച്ചു'; സുപ്രിയയെ നെഞ്ചോട് ചേർത്ത് നിർത്തി പൃഥ്വി, സുന്ദരമായ ചിത്രമെന്ന് ആരാധകരും!

കടലിന്‍റെ പശ്ചാത്തലത്തില്‍ നിന്നുകൊണ്ട് സുപ്രിയയെ ചേര്‍ത്തുപിടിച്ച് എടുത്ത ചിത്രമാണ് പൃഥ്വിരാജ് പങ്കുവെച്ചത്. മനോഹരമായ ഒരു കുറിപ്പും പൃഥ്വി ചിത്രത്തോടൊപ്പം കുറിച്ചിട്ടുണ്ട്, അതിങ്ങനെയാണ്. 'ലോകമെമ്പാടുമുള്ള മികച്ച ഹോട്ടലുകളിലും റിസോർട്ടുകളിലും താമസിക്കാനുള്ള ഭാഗ്യം ലഭിച്ചിട്ടുണ്ട്. എന്നാൽ മുറിയുടെ വലുപ്പമോ റസ്റ്റോറന്റുകളുടെ എണ്ണമോ ഒന്നുമല്ല കാര്യം.'

'മടങ്ങി പോകുമ്പോൾ വീണ്ടും ഇവിടേക്ക് തിരിച്ചു വരണമെന്നു തോന്നണം എന്നതാണെന്നും പൃഥ്വിരാജ് ഫേസ്ബുക്കിൽ കുറിച്ചിരിക്കുന്നു. നല്ല രീതിയില്‍ തങ്ങളെ ശ്രുശ്രൂഷിച്ചതിനും മകള്‍ അല്ലിയെ ഏറെ സന്തോഷവതിയാക്കിയതിനും മാലദ്വീപിലെ ഡബ്ല്യൂ മാൽ‌ദീപ്സ് ബീച്ച് റിസോര്‍ട്ടിന് നന്ദിയെന്നും പൃഥ്വി കുറിച്ചിട്ടുണ്ട്.

റിസോര്‍ട്ടിൽ നിന്നുള്ള സുന്ദരമായ ഹെലികോപ്റ്റര്‍ ദൃശ്യവും പൃഥ്വിരാജ് പങ്കുവെച്ചിട്ടുണ്ട്. സൂര്യാസ്തമയത്തിൻ്റെ ചിത്രം പകർത്തുന്ന തൻ്റെ ചിത്രം സുപ്രിയയും സോഷ്യൽ മീഡിയയിൽ പങ്കുവെച്ചിട്ടുണ്ട്.ഏറെ ആരാധകരാണ് ചിത്രത്തിന് കമൻ്റുമായി എത്തിയിരിക്കുന്നത്. മറുപടിയുമായി സുപ്രിയയും വൈകാതെയെത്തി.

അല്ലിക്ക് ഒരുപാട് സന്തോഷമായിക്കാണുമല്ലോ നിങ്ങൾ രണ്ടു പേരും റിലാക്സ് ചെയ്യുമ്പോഴും അവൾ എൻജോയ് ചെയ്തുകൊണ്ട് അവളുടെ ഓൺലൈൻ ക്ലാസ്സുകൾ മിസ്സ് ചെയ്യുന്നുണ്ടാവുമല്ലേ എന്ന ഒരു കമൻ്റിന് തീർച്ചയായും അവൾ സൂപ്പർ ത്രിൽഡാണെന്നും അവളെവിടെയാണെന്ന് സുഹൃത്തുക്കളെയും ടീച്ചേഴ്സിനെയും കാണിക്കാനായി ഒരു തവണ ക്ലാസ്സ് അറ്റൻ്റ് ചെയ്തെന്നും സുപ്രിയ കുറിച്ചു.