മലയാളത്തിൻ്റെ സൂപ്പർ സ്റ്റാർ പൃഥ്വിരാജിന് ഇന്ന് മുപ്പത്തിയേഴാം പിറന്നാൾ. തൻ്റെ പിറന്നാളിന് ആരാധകർക്ക് വലിയ സമ്മാനമാണ് താരം നൽകിയിരിക്കുന്നത്. ഷാജി കൈലാസിനൊപ്പം പുതിയ ചിത്രം പ്രഖ്യാപിച്ചിരിക്കുകയാണ് താരം. കടുവ എന്ന് പേരിട്ടിരിക്കുന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റര് പൃഥ്വി ആരാധകക്ക് പിറന്നാൾ സര്പ്രൈസായാണ് പുറത്ത് വിട്ടത്. നടനും ഗായകനും സംവിധായകനും നിര്മ്മാതാവുമൊക്കെയായി മലയാള സിനിമയിലെ അവിഭാജ്യ ഘടകമായി മാറിയിരിക്കുകയാണ് പൃഥ്വിരാജ് ഇപ്പോൾ. നന്ദനം എന്ന സിനിമയിലൂടെ മലയാള സിനിമയിലേക്ക് ചുവടുവെച്ചെത്തി വളരെ ചെറുപ്രായത്തിൽ തന്നെ കാമ്പുള്ള കഥാപാത്രങ്ങൾക്ക് ജീവനും ഓജസ്സും തേജസ്സും പകര്ന്ന് ആടിയ താരമാണ് മലയാള സിനിമയുടെ രാജുവേട്ടൻ. ആണത്തത്തിൻ്റെ മൂര്ത്തീഭാവമായി സ്ക്രീനിൽ നിറഞ്ഞാടുകയും തൻ്റേതായ നിലപാടുകളിൽ ഉറച്ചു നിൽക്കുകയും ചെയ്യുന്ന താരത്തിന് സിനിമയ്ക്കുള്ളിലും പുറത്തും നിറയെ ആരാധകരാണ്. ഇരുപതാം വയയ്യിൽ ആ പ്രായത്തിലുള്ള മറ്റു നടന്മാര്ക്ക് സ്വപ്നം പോലും കാണാനാകാത്ത വിധത്തിലുള്ള കഥാപാത്രങ്ങളെയാണ് പൃഥ്വിരാജ് അവതരിപ്പിച്ചിട്ടുള്ളത്.
Also Read: 6 വർഷത്തിനു ശേഷം ഷാജി കൈലാസ്; പൃഥ്വിയുടെ പിറന്നാള് സര്പ്രൈസായി 'കടുവ'
തുടര്ന്ന് വിജയ പരാജയങ്ങളുടെ മുൻകൂര് കണക്കെടുപ്പില്ലാതെ എല്ലാതരത്തിലുള്ള പരീക്ഷണ ചിത്രങ്ങളുടെയും ഭാഗമാകാൻ പൃഥ്വി ശ്രമിച്ചു. നടനവൈഭവത്തിൻ്റെ മൂര്ത്തീഭാവങ്ങൾ ക്യാമറയ്ക്ക് മുന്നിൽ വാരിവിതറിയ താരം പിന്നീട് സ്റ്റുഡിയോ മൈക്കിന് മുന്നിൽ ഗംഭീരമായി പാട്ടു പാടാനും തനിക്കാകുമെന്ന് തെളിയിച്ചു. തുടര്ന്ന് നിര്മ്മാണ രംഗത്തേക്ക് ചുവടുവെക്കുന്നതിന് മുന്നേ തന്നെ മലയാളത്തിലെ മുൻനിര നായകനടനായ അഭിനയ ചക്രവർത്തിയെ നായകനാക്കി ലൂസിഫര് എന്ന വമ്പൻ ബജറ്റ് ചിത്രവും താരം പ്രഖ്യാപിച്ചിരുന്നു.
ലൂസിഫര് മലയാള സിനിമയുടെ അഭിമാനമായി മാറിയപ്പോൾ പണ്ട് വിമര്ശിച്ചിരുന്നവരെല്ലാം പൃഥ്വിയെ വാഴ്ത്തിപ്പാടി. ലൂസിഫര് പോലൊരു അതിഗംഭീര ചിത്രം പിഴവുകളേതുമില്ലാതെ മുൻനിര താരങ്ങളെ അണിനിരത്തി പൃഥ്വിരാജ് എന്ന നടൻ സംവിധാനം ചെയ്ത് കൈയ്യടികൾ വാങ്ങിയിട്ടുണ്ടെങ്കിൽ അത് ആ നടനിലെ കലാകാരന് ലഭിക്കുന്ന വലിയ അംഗീകാരം തന്നെയാണ്.
Also Read: പൃഥ്വിരാജ് എന്ന നടനെ മാത്രമേ നിങ്ങൾക്കറിയൂ, രാജു എന്ന വണ്ടിപ്രാന്തനെ അറിയില്ല
ഇതിനോടകം തമിഴ്, മലയാളം, ഹിന്ദി ഭാഷകളിൽ താരം തൻ്റെ സാന്നിധ്യം അറിയിച്ചുകഴിഞ്ഞു. മലയാളത്തിലെ എക്കാലത്തെയും മികച്ച നടന്മാരിലൊരാളായ സുകുമാരൻ്റെയും നടി മല്ലികയുടെയും മകനായാണ് പൃഥ്വിരാജിൻ്റെ ജനനം. നടൻ ഇന്ദ്രജിത്ത് സുകുമാരൻ സഹോദരനാണ്.
ലൂസിഫറിൻ്റെ വമ്പൻ വിജയത്തിന് ശേഷം മോഹൻലാലിനെ നായകനാക്കി എമ്പുരാൻ എന്ന പേരിൽ ചിത്രത്തിൻ്റെ രണ്ടാം ഭാഗം ഒരുക്കാൻ ഒരുങ്ങുകയാണ് പൃഥ്വിരാജ്.
Also Read: 6 വർഷത്തിനു ശേഷം ഷാജി കൈലാസ്; പൃഥ്വിയുടെ പിറന്നാള് സര്പ്രൈസായി 'കടുവ'
തുടര്ന്ന് വിജയ പരാജയങ്ങളുടെ മുൻകൂര് കണക്കെടുപ്പില്ലാതെ എല്ലാതരത്തിലുള്ള പരീക്ഷണ ചിത്രങ്ങളുടെയും ഭാഗമാകാൻ പൃഥ്വി ശ്രമിച്ചു. നടനവൈഭവത്തിൻ്റെ മൂര്ത്തീഭാവങ്ങൾ ക്യാമറയ്ക്ക് മുന്നിൽ വാരിവിതറിയ താരം പിന്നീട് സ്റ്റുഡിയോ മൈക്കിന് മുന്നിൽ ഗംഭീരമായി പാട്ടു പാടാനും തനിക്കാകുമെന്ന് തെളിയിച്ചു. തുടര്ന്ന് നിര്മ്മാണ രംഗത്തേക്ക് ചുവടുവെക്കുന്നതിന് മുന്നേ തന്നെ മലയാളത്തിലെ മുൻനിര നായകനടനായ അഭിനയ ചക്രവർത്തിയെ നായകനാക്കി ലൂസിഫര് എന്ന വമ്പൻ ബജറ്റ് ചിത്രവും താരം പ്രഖ്യാപിച്ചിരുന്നു.
ലൂസിഫര് മലയാള സിനിമയുടെ അഭിമാനമായി മാറിയപ്പോൾ പണ്ട് വിമര്ശിച്ചിരുന്നവരെല്ലാം പൃഥ്വിയെ വാഴ്ത്തിപ്പാടി. ലൂസിഫര് പോലൊരു അതിഗംഭീര ചിത്രം പിഴവുകളേതുമില്ലാതെ മുൻനിര താരങ്ങളെ അണിനിരത്തി പൃഥ്വിരാജ് എന്ന നടൻ സംവിധാനം ചെയ്ത് കൈയ്യടികൾ വാങ്ങിയിട്ടുണ്ടെങ്കിൽ അത് ആ നടനിലെ കലാകാരന് ലഭിക്കുന്ന വലിയ അംഗീകാരം തന്നെയാണ്.
Also Read: പൃഥ്വിരാജ് എന്ന നടനെ മാത്രമേ നിങ്ങൾക്കറിയൂ, രാജു എന്ന വണ്ടിപ്രാന്തനെ അറിയില്ല
ഇതിനോടകം തമിഴ്, മലയാളം, ഹിന്ദി ഭാഷകളിൽ താരം തൻ്റെ സാന്നിധ്യം അറിയിച്ചുകഴിഞ്ഞു. മലയാളത്തിലെ എക്കാലത്തെയും മികച്ച നടന്മാരിലൊരാളായ സുകുമാരൻ്റെയും നടി മല്ലികയുടെയും മകനായാണ് പൃഥ്വിരാജിൻ്റെ ജനനം. നടൻ ഇന്ദ്രജിത്ത് സുകുമാരൻ സഹോദരനാണ്.
ലൂസിഫറിൻ്റെ വമ്പൻ വിജയത്തിന് ശേഷം മോഹൻലാലിനെ നായകനാക്കി എമ്പുരാൻ എന്ന പേരിൽ ചിത്രത്തിൻ്റെ രണ്ടാം ഭാഗം ഒരുക്കാൻ ഒരുങ്ങുകയാണ് പൃഥ്വിരാജ്.