ആപ്പ്ജില്ല

'മുത്തച്ഛന്റെ പേരായതുകൊണ്ട് എന്നെ പേരെടുത്ത് വിളിക്കാനാകില്ലെന്ന് പറയുമായിരുന്നു'; ഓ‍ര്‍മ്മകളില്‍ പൃഥ്വിരാജ്

ബോളിവുഡിന്റെ എക്കാലത്തേയും ഇതിഹാസ താരങ്ങളിലൊരാളാണ് ഋഷി കപൂര്‍. വെള്ളിത്തിരയില്‍ ചോക്ലേറ്റ് ബോയ് ആയും മാസ് ഹീറോയായും കാരണവരായുമെല്ലാം ആടി തകര്‍ത്ത ഋഷിയുടെ വിയോഗം സിനിമാ ലോകത്തെ ഞെട്ടിച്ചിരിക്കുകയാണ്. ഋഷി കപൂറിനൊപ്പം അഭിനയിക്കാന്‍ സാധിച്ച താരമാണ് മലയാളത്തിന്റെ യുവതാരം പൃഥ്വിരാജ്. പ്രിയ താരത്തിന്റെ വേര്‍പാടില്‍ അനുശോചനം രേഖപ്പെടുത്തി കൊണ്ട് പൃഥ്വിരാജും എത്തിയിരിക്കുകയാണ്. സോഷ്യല്‍ മീഡിയയിലൂടെയായിരുന്നു പൃഥ്വയുടെ പ്രതികരണം.

Samayam Malayalam 30 Apr 2020, 11:58 am
ബോളിവുഡിന്റെ എക്കാലത്തേയും ഇതിഹാസ താരങ്ങളിലൊരാളാണ് ഋഷി കപൂര്‍. വെള്ളിത്തിരയില്‍ ചോക്ലേറ്റ് ബോയ് ആയും മാസ് ഹീറോയായും കാരണവരായുമെല്ലാം ആടി തകര്‍ത്ത ഋഷിയുടെ വിയോഗം സിനിമാ ലോകത്തെ ഞെട്ടിച്ചിരിക്കുകയാണ്. ഋഷി കപൂറിനൊപ്പം അഭിനയിക്കാന്‍ സാധിച്ച താരമാണ് മലയാളത്തിന്റെ യുവതാരം പൃഥ്വിരാജ്. പ്രിയ താരത്തിന്റെ വേര്‍പാടില്‍ അനുശോചനം രേഖപ്പെടുത്തി കൊണ്ട് പൃഥ്വിരാജും എത്തിയിരിക്കുകയാണ്. സോഷ്യല്‍ മീഡിയയിലൂടെയായിരുന്നു പൃഥ്വയുടെ പ്രതികരണം.
Samayam Malayalam actor prithviraj sukumaran remembers working with rishi kapoor
'മുത്തച്ഛന്റെ പേരായതുകൊണ്ട് എന്നെ പേരെടുത്ത് വിളിക്കാനാകില്ലെന്ന് പറയുമായിരുന്നു'; ഓ‍ര്‍മ്മകളില്‍ പൃഥ്വിരാജ്


സങ്കടകരമായ ആഴ്ച

സിനിമയ്ക്ക് ഇത് വളരെയധികം ദു:ഖകരമായൊരു ആഴ്ചയാണെന്നായിരുന്നു പൃഥ്വിയുടെ പ്രതികരണം. ഇര്‍ഫാന്‍ ഖാനും ഋഷി കപൂറും അടുത്തടുത്ത ദിവസങ്ങളില്‍ മരണപ്പെട്ടതിനെ കുറിച്ചായിരുന്നു പൃഥ്വിയുടെ പ്രതികരണം. ഋഷി കപൂറിനൊപ്പമുള്ള അനുഭവവും താരം പങ്കുവച്ചു.

ഔറഗസേബ്

ഔറഗസേബിലായിരുന്നു പൃഥ്വിരാജ് ഋഷി കപൂറിനൊപ്പം അഭിനയിച്ചത്. അദ്ദേഹത്തോടൊപ്പം ചെലവിടാന്‍ സാധിച്ച സമയത്തെ എന്നും നന്ദിയോടെ ഓര്‍ക്കുമെന്ന് പൃഥ്വിരാജ് പറഞ്ഞു. ഋഷി കപൂറിനൊപ്പം അഭിനയിക്കാന്‍ സാധിച്ചതൊരു ബഹുമതിയാണെന്നും പൃഥ്വി പറഞ്ഞു.

പേരെടുത്ത് വിളിക്കാനാകില്ല

തന്നെ പേരെടുത്ത് വിളിക്കാന്‍ ഋഷി കപൂര്‍ തയ്യാറായിരുന്നില്ലെന്നും പൃഥ്വിരാജ് പറയുന്നു. അദ്ദേഹത്തിന്റെ മുത്തച്ഛന്റെ പേരാണ് തനിക്കെന്നും അതുകൊണ്ടാണ് അദ്ദേഹം പേരെടുത്ത് വിളിക്കാതിരുന്നതെന്നും പൃഥ്വി കൂട്ടച്ചേര്‍ത്തു. എന്നെന്നും നിങ്ങളെ മിസ് ചെയ്യുമെന്നും താരം വ്യക്തമാക്കി.

ഞെട്ടിച്ച മരണ വാർത്ത

രണ്ട് വര്‍ഷത്തിലേറെയായി അര്‍ബുദ ചികിത്സയിലായിരുന്നു ഋഷി കപൂർ. ഇന്ന് രാവിലെ ശ്വാസതടസ്സത്തെത്തുടര്‍ന്നാണ് അറുപത്തിയേഴുകാരനായ അദ്ദേഹത്തെ മുംബൈയിലെ എച്ച്‌എന്‍ റിലയന്‍സ് ഫൗണ്ടേഷന്‍ ആശുപത്രിയില്‍ പ്രവേശിപ്പിച്ചിരുന്നത്. പിന്നീടാണ് മരണം സംഭവിക്കുന്നത്.

അർബുദത്തോടുള്ള പോരാട്ടം

2018 മുതല്‍ അര്‍ബുദ രോഗത്തിന് ചികില്‍സ നടത്തിവരികയായിരുന്നു അദ്ദേഹം. അമേരിക്കയിൽ ഒരു വര്‍ഷത്തോളം നീണ്ട ചികില്‍സയ്ക്കു ശേഷം ഇക്കഴിഞ്ഞ സെപ്റ്റംബറിലാണ് അദ്ദേഹം ഇന്ത്യയില്‍ മടങ്ങിയെത്തിയിരുന്നത്. ഋഷി കപൂറിന്റെ സഹോദരനും ചലച്ചിത്ര താരവുമായ രണ്‍ധീര്‍ കപൂറാണ് മരണ വാര്‍ത്ത പുറത്തുവിട്ടത്.

ആര്‍ട്ടിക്കിള്‍ ഷോ

ട്രെൻഡിങ്