ഭർത്താവിന്‍റെ സിനിമയിൽ ഭീഷണിപ്പെടുത്തി റോൾ നേടിയോ ? സരയു പറയുന്നു

നവാഗതനായ സനൽ വി ദേവൻ സംവിധാനം ചെയ്യുന്ന പുതിയ ചിത്രമാണ് 'കുഞ്ഞമ്മിണീസ് ഹോസ്പിറ്റൽ'. അഭയാകുമാർ കെ, അനിൽ കുര്യൻ എന്നിവർ ചേർന്ന് തിരക്കഥയൊരുക്കിയ ചിത്രത്തിന്റെ നിർമാണം സന്തോഷ് ത്രിവിക്രമൻ നിർവഹിക്കുന്നു. ചിത്രത്തിൽ ഇന്ദ്രജിത്ത് സുകുമാരൻ, സരയു, നൈല ഉഷ, ബാബുരാജ്, പ്രകാശ് രാജ് എന്നിവർ പ്രധാന കഥാപാത്രങ്ങളായെത്തുന്ന ചിത്രത്തിന്റെ പൂജ ചടങ്ങുകൾ നടന്നു. സാരയുവിന്റെ ഭർത്താവ് കൂടിയായ സനലിന്റെ ചിത്രത്തിൽ വേഷം ലഭിച്ചതിനെക്കറിയിച്ച് സരയു മാധ്യമങ്ങളോട് മനസ് തുറക്കുകയുണ്ടായി.

Also Read: ഇന്ദ്രജിത്തും ബാബുരാജും പ്രകാശ് രാജും നൈലയും സരയുവും ഒന്നിക്കുന്ന 'കുഞ്ഞമ്മിണീസ് ഹോസ്പിറ്റൽ'; പൂജ ചിത്രങ്ങൾ കാണാം

എന്‍റെ ഭര്‍ത്താവാണ് സിനിമയുടെ സംവിധാനം. സ്പെഷലായ ക്യാരക്ടറാണ് എനിക്ക്. ഇതുവരെ ചെയ്ത രീതിയിലുള്ളതല്ലെന്ന് സരയു പറഞ്ഞു. ഭര്‍ത്താവിനെ ഭീഷണിപ്പെടുത്തിയാണോ റോള്‍ നേടിയതെന്ന ചോദ്യത്തിന് ചിത്രത്തിലേക്ക് തന്നെ വിളിച്ചത് തിരക്കഥാകൃത്തുക്കളാണെന്നാണ് സരയു പറഞ്ഞത് ആദ്യ ഷോട്ട് ഭാര്യയെ വെച്ച് ചെയ്തതിനെ കുറിച്ച് ചോദിച്ചപ്പോൾ ആദ്യം റെഡിയായി വന്നത് ഞാനാണ് അതാണ് എന്നാണ് സരയു പറഞ്ഞത്.

ഇന്ദ്രജിത്ത് സുകുമാരൻ, ബാബുരാജ്, നൈല ഉഷ, സരയു മോഹൻ, പ്രകാശ് രാജ് തുടങ്ങിയവർ പ്രധാന കഥാപാത്രങ്ങളായെത്തുന്ന ഫാന്‍റസി ഹ്യൂമര്‍ കുഞ്ഞമ്മിണീസ് ഹോസ്പിറ്റൽ എന്ന സിനിമയുടെ പൂജ ഇന്ന് ഇരിങ്ങാലക്കുടയിൽ ഇന്ന് നടന്നു. നവാഗതനായ സനൽ വി ദേവൻ സംവിധാനം ചെയ്യുന്ന ചിത്രം സന്തോഷ് ത്രിവിക്രമനാണ് നിര്‍മ്മിക്കുന്നത്. സുസു സുധീവാത്മീകം, പുണ്യാളൻ അഗര്‍ഭത്തീസ്, ചതുര്‍മുഖം, പ്രിയൻ ഓട്ടത്തിലാണ് സിനിമകളുടെ തിരക്കഥാകൃത്തുക്കളായ അഭയകുമാര്‍ കെ, അനിൽ കുര്യൻ ചേര്‍ന്നാണ് തിരക്കഥയൊരുക്കിയിരിക്കുന്നത്.

ഹരിശ്രീ അശോകൻ, ബിനു പപ്പു, ബിജു സോപാനം, ജെയിംസ് ഏലിയ, മല്ലിക സുകുമാരൻ, സുധീര്‍ പറവൂര്‍, ശരത്, പ്രശാന്ത് അലക്സാണ്ടര്‍, ഗംഗ മീര, അൽത്താഫ് മനാഫ്, ഉണ്ണിരാജ എന്നിവരാണ് മറ്റ് അഭിനേതാക്കള്‍.
ലൈൻ പ്രൊഡ്യൂസര്‍ ഷിബു ജോബ്, എക്സിക്യൂട്ടീവ് പ്രൊഡ്യൂസര്‍ അനീഷ് സി സലീം, ചീഫ് അസോ.ഡയറക്ടര്‍ സ്യമന്തക് പ്രദീപ്, പ്രൊഡക്ഷൻ കൺട്രോളര്‍ ഷബീര്‍ മലവട്ടത്ത്, സിനിമാറ്റോഗ്രഫി അജയ് ഡേവിഡ് കാച്ചപ്പിള്ളി, സംഗീതസംവിധാനം രഞ്ജിൻ രാജ് തുടങ്ങിയവരാണ്.

Also Watch :