ശ്രുതിയുടെ നെഞ്ചിൽ ചേ‍ർന്നുറങ്ങി സിജു; പ്രണയാർദ്രം പുതിയ ചിത്രം

കൊവിഡ് കാലത്ത് സിജു വില്‍സൺ ഭാര്യയോടൊപ്പം പങ്കുവെച്ചിരുന്നൊരു ചിത്രം ഏറെ ശ്രദ്ധിക്കപെട്ടിരുന്നു. ഭാര്യയ്ക്ക് പുരികം ത്രെഡ് ചെയ്‍തു കൊടുക്കുന്ന ചിത്രമായിരുന്നു അത്. വീട്ടിലിരിക്കുമ്പോള്‍ പുതിയ കഴിവുകള്‍ പരിശീലിക്കുന്നു എന്നായിരുന്നു അന്ന് ചിത്രത്തോടൊപ്പം സിജു കുറിച്ചിരുന്നത്. 2017ലാണ് ഇരുവരും വിവാഹിതരായത്.

അടുത്തിടെ സിജു നടത്തിയ മേക്കോവർ ഏറെ ശ്രദ്ധ നേടിയിരുന്നു. സംവിധായകൻ വിനയൻ ഒരുക്കുന്ന പത്തൊമ്പതാം നൂറ്റാണ്ട് എന്ന സിനിമയിൽ ധീരനായ പോരാളി ആറാട്ടുപുഴ വേലായുധപ്പണിക്കർ എന്ന കഥാപാത്രമായാണ് സിജു അഭിനയിക്കുന്നത്. സിനിമയ്ക്കുവേണ്ടി അമ്പരപ്പിക്കുന്ന മേക്കോവറാണ് സിജു നടത്തിയിരിക്കുന്നത്. ഈ മാറ്റത്തിന് ജിം ട്രെയിനർക്കും ഭാര്യ ശ്രുതിക്കുമാണ് അടുത്തിടെ സിജു നന്ദി പറഞ്ഞിരുന്നത്.

Also Read: അജിത്തിന് എതിർപ്പില്ലെന്ന് ശാലിനി, സിനിമയിലേക്ക് തിരിച്ചുവരാൻ മടിക്കുന്നതിനുള്ള കാരണം ഇതോ?

സിജുവും ഭാര്യ ശ്രുതിയും ഇൻസ്റ്റയിൽ സജീവമാണ്. ഇടയ്ക്കിടയ്ക്ക് ചിത്രങ്ങളും മറ്റും പങ്കുവെയ്ക്കാറുണ്ട്. ശ്രുതി പങ്കുവെച്ചിരിക്കുന്ന പുതിയ ചിത്രം ഇൻസ്റ്റയിൽ ശ്രദ്ധ നേടിയിരിക്കുകയാണ്. ശ്രുതിയുടെ നെഞ്ചിൽ ചാഞ്ഞുറങ്ങുന്ന സിജുവാണ് ചിത്രത്തിലുള്ളത്.

നിരവധി സിനിമകളാണ് ഈ വർഷവും വരും വർഷങ്ങളിലും സിജു അഭിനയിച്ച് പുറത്തിറങ്ങാനിരിക്കുന്നത്. ഇന്നുമുതൽ, വരയൻ, വാസന്തി, ഉപചാരപൂർവ്വം ഗുണ്ടാജയൻ, പത്തൊമ്പതാം നൂറ്റാണ്ട് തുടങ്ങിയവയാണ് പുറത്തിറങ്ങാനിരിക്കുന്ന പുതിയ സിനിമകൾ. ഇക്കഴിഞ്ഞ സംസ്ഥാന ചലച്ചിത്ര പുരസ്കാരത്തിൽ മികച്ച ചിത്രത്തിനുള്ള പുരസ്കാരം സിജു നിർമ്മിച്ച വാസന്തി നേടിയിരുന്നു.

ചിത്രങ്ങൾ കടപ്പാട് - ഇൻസ്റ്റഗ്രാം

Also Read: നിവിനും ആസിഫും എബ്രിഡ് ഷൈനിനൊപ്പം; 'മഹാവീര്യർ' തുടങ്ങി