എന്നോടുള്ള ഇവരുടെ സ്നേഹം തന്നെയാണ് ഈ സിനിമയിലേക്ക് എന്നെ എത്തിച്ചത്! സൂരജിന്റെ പോസ്റ്റ് വൈറൽ

പാടാത്ത പൈങ്കിളിയിലൂടെയായി പ്രേക്ഷകര്‍ക്ക് പ്രിയങ്കരനായി മാറിയ താരമാണ് സൂരജ് സണ്‍. ഇടയ്ക്ക് വെച്ച് പരമ്പരയില്‍ നിന്നും സൂരജ് പിന്‍വാങ്ങിയപ്പോള്‍ ആരാധകര്‍ നിരാശയിലായിരുന്നു. സീരിയലില്‍ നിന്നും മാറിയെങ്കിലും സൂരജ് സിനിമയില്‍ മുഖം കാണിച്ചിരുന്നു. വിനീത് ശ്രീനിവാസന്‍ ചിത്രമായ ഹൃദയത്തിലൂടെയായിരുന്നു സിനിമയില്‍ അരങ്ങേറിയത്. സെക്കന്റുകളേ ഉണ്ടായിരുന്നുള്ളൂവെങ്കിലും തന്നെ സംബന്ധിച്ച് അത് മഹത്തരമായ കാര്യമാണെന്നായിരുന്നു സൂരജ് പറഞ്ഞത്.
ഷാജൂണ്‍ കാര്യാല്‍ ചിത്രമായ മൃദുഭാവേ ദൃഢ കൃത്യേയിലൂടെയായി നായകനായി അരങ്ങേറുകയാണ് സൂരജ്. സിനിമയുടെ വിശേഷങ്ങളെല്ലാം അദ്ദേഹം സോഷ്യല്‍മീഡിയയിലൂടെ പങ്കിടാറുണ്ട്. സംവിധായകനും നിര്‍മ്മാതാവുമുള്‍പ്പടെ സിനിമയുടെ പിന്നണിയില്‍ പ്രവര്‍ത്തിച്ചവരെല്ലാം മികച്ച പിന്തുണയാണ് നല്‍കിയതെന്നും സൂരജ് പറഞ്ഞിരുന്നു. സൂരജിന്റെ പുതിയ തുടക്കിന് ആശംസ അറിയിച്ച് ആരാധകരെല്ലാം എത്തിയിരുന്നു. അടുത്തിടെയായിരുന്നു സിനിമയുടെ ടൈറ്റില്‍ അനൗണ്‍സ് ചെയ്തത്.
ഇത് ഞങ്ങളുടെ മൃദു ഭാവേ ദൃഢ കൃത്യേ സിനിമയുടെ പ്രൊഡ്യൂസറും ഭാര്യയുമാണ്. എനിക്ക് ഇവർ വെറുമൊരു പ്രൊഡ്യൂസർ മാത്രമല്ല. എന്നോടുള്ള ഇവരുടെ സ്നേഹം തന്നെയാണ് ഈ സിനിമയിലേക്ക് എന്നെ എത്തിച്ചത്. ഷൂട്ടിംഗ് തുടങ്ങിയ മുതൽ ഈ ദിവസം വരെ സ്വന്തം മകനെ പോലെയാണ് പെരുമാറിയതും സംരക്ഷിച്ചതും. നന്ദി പറയാൻ വാക്കുകൾ ഇല്ല. പ്രൊഡ്യൂസർ ഹൈഡ്രൊഎയർ ടെക്റ്റോണിക്സ് ( SPD) പ്രൈവറ്റ് ലിമിറ്റഡ് ശ്രീ വിജയ ശങ്കർ മേനോൻ ശ്രീ സുഭദ്ര വിജയശങ്കർ,ശ്രീ സന്ദീപ് മേനോൻ, ശ്രീ സുദീപ് മേനോൻ എല്ലാ കുടുംബാംഗങ്ങൾക്കും ഒരായിരം നന്ദി എന്നായിരുന്നു സൂരജ് കുറിച്ചത്.