ലൈസൻസ് സ്വന്തമാക്കി 'കുഞ്ഞപ്പൻ'; ഏറ്റവും വലിയ സ്വപ്നമായിരുന്നുവെന്ന് സൂരജ്

കലോത്സവങ്ങളിലൂടെ വളര്‍ന്ന് മിമിക്രി പരിപാടികളിലൂടെ ശ്രദ്ധ നേടി സിനിമയിലേക്കെത്തിയ താരമാണ് സൂരജ് തേലക്കാട്. അടുത്തിടെ ആൻഡ്രോയ്ഡ് കുഞ്ഞപ്പൻ 2.0 എന്ന സിനിമയിൽ കുഞ്ഞപ്പൻ എന്ന ഇത്തിരി കുഞ്ഞാൻ റോബോട്ടായി പ്രേക്ഷകരെ സൂരജ് വിസ്മയിപ്പിച്ചിരുന്നു. രസകരമായ കാര്യം റോബോട്ടിനുള്ള സൂരജ് ആയിരുന്നുവെന്ന കാര്യം സിനിമയിറങ്ങി ഏറെ നാള്‍ കഴിഞ്ഞാണ് പുറം ലോകമറിഞ്ഞത് എന്നതാണ്. ഇപ്പോഴിതാ തന്‍റെ ജീവിതത്തിലെ ഏറ്റവും വലിയൊരു സ്വപ്നം സാക്ഷാത്കരിച്ചതിന്‍റെ സന്തോഷത്തിലാണ് സൂരജ്.

Also Read: 'ആ ട്രോളന് ഒരു ഹായ്'; 'വാസു അണ്ണന്‍' ട്രോളുകളെ കുറിച്ച് സായ്കുമാറിന് പറയാനുള്ളത്

ഒടുവിൽ എന്‍റെ ജീവിതത്തിലെ വലിയൊരു സ്വപ്നം യാഥാര്‍ത്ഥ്യമായി. എനിക്കെന്‍റെ ഡ്രൈവിങ് ലൈസൻസ് കിട്ടി. പെരിന്തൽമണ്ണ ആർ‍ടിഒ ആയ ബിനോയ് സാറിന് നന്ദി. പെരിന്തൽമണ്ണയിലെ സഞ്ചാരി ഡ്രൈവിങ് സ്കൂളിനും നന്ദി, എന്ന് കുറിച്ചുകൊണ്ടാണ് സൂരാജ് ഇൻസ്റ്റയിൽ ഡ്രൈവിങ് ലൈസൻസിന്‍റെ ചിത്രം പങ്കുവെച്ചിരിക്കുന്നത്. താരത്തിന് ആശംസകളുമായി നിരവധി കമന്‍റുകളും ചിത്രത്തിന് താഴെ വരുന്നുമുണ്ട്.

ചേട്ടാ എന്നാണ് ഇനി ഹെവി എടുക്കുന്നേ എന്നാണ് ഒരാള്‍ ചോദിച്ചിരിക്കുന്നത്. എന്നെ സംബന്ധിച്ചിടത്തോളം ഇത് തന്നെ ഹെവി ആണ് എന്നാണ് ഇതിന് സൂരജ് നൽകിയിരിക്കുന്ന രസകരമായ മറുപടി. നടന്മാരായ അ‍ർജുൻ അശോകൻ, മണികണ്ഠൻ ആചാരി, ഷിയാസ് കരീം തുടങ്ങിയവരും സൂരജിന് ആശംസകളുമായി എത്തിയിട്ടുണ്ട്.

Also Read: കവിയും ഗാനരചയിതാവുമായ റഫീഖ് അഹമ്മദ് തിരക്കഥാകൃത്താകുന്നു

കോമഡി ഷോകളിലും അവാര്‍ഡ് നിശകളിലുമൊക്കെ ഏവരേയും പൊട്ടിചിരിപ്പിച്ചിരുന്ന സൂരജ് ചാര്‍ലി, ഉദാഹരണം സുജാത, വിമാനം, കാപ്പുച്ചിനോ, ഒരു അഡാറ് ലവ്, അമ്പിളി, എന്നോട് പറ ഐ ലവ് യൂന്ന് തുടങ്ങിയ സിനിമകളിലും സൂരജ് അഭിനയിച്ചിട്ടുണ്ട്.

മലപ്പുറം പെരിന്തൽമണ്ണ സ്വദേശിയായ സൂരജിന്‍റെ ഉയരം 110 സെ.മീറ്ററാണ്. മോഹനൻ, ജ്യോതിലക്ഷ്മി ദമ്പതികളുടെ മകനാണ്. സഹോദരി സ്വാതിശ്രീ, അമ്മാമ്മ എന്നിവരാണ് സൂരജിന്‍റെ വീട്ടിലുള്ള മറ്റുള്ളവര്‍. അടുത്തിടെ താരം പുതിയ വീട്ടിലേക്ക് താമസം മാറിയിരുന്ന ചിത്രങ്ങളും വീഡിയോയുമൊക്കെ സോഷ്യൽമീഡിയയിൽ വൈറലായിരുന്നു.

Also Watch :