വലിക്കേണ്ടിയിരുന്നില്ല
സിഗരറ്റ് വലിയുടെ കാര്യത്തില്‍ തനിക്ക് കുറ്റബോധം തോന്നിയിരുന്നുവെന്ന് ശ്രീനിവാസന്‍ പറഞ്ഞിരുന്നു. ഇത്രയും വലിക്കേണ്ടിയിരുന്നില്ല. ആരോഗ്യം ഈ അവസ്ഥയിലാവാന്‍ കാരണം പുകവലിയാണ്. ഇപ്പോള്‍ കിട്ടിയാലും സിഗരറ്റ് വലിക്കും. അത്രയും അഡിക്ഷനാണ്. കഴിയുമെങ്കില്‍ പുകവലിക്കാതിരിക്കാനാണ് താന്‍ എല്ലാവരോടും പറയുകയെന്നും ശ്രീനിവാസന്‍ പറയുന്നു.
വൈറലായ ഫോട്ടോയെക്കുറിച്ച്
ആശുപത്രിവാസത്തിനിടയിലെ ശ്രീനിവാസന്റെ ഫോട്ടോ സോഷ്യല്‍മീഡിയയിലൂടെ വൈറലായിരുന്നു. കാണാനായി വന്നവരിലാരോ ആയിരുന്നു ഫോട്ടോ പരസ്യപ്പെടുത്തിയത്. വിചിത്രമായ മാനസികാവസ്ഥയുള്ളവരാണ് അങ്ങനെയൊക്കെ ചെയ്യുന്നത്. അങ്ങനെയുള്ളവര്‍ക്കും ദീര്‍ഘായുസ് കൊടുക്കണേയെന്നാണ് താന്‍ പ്രാര്‍ത്ഥിക്കുന്നതെന്നായിരുന്നു അദ്ദേഹം പറഞ്ഞത്. തനിക്ക് ആദരാഞ്ജലി നേര്‍ന്നുള്ള പോസ്റ്റുകള്‍ കണ്ടപ്പോള്‍ കിട്ടുന്നതെല്ലാം വാങ്ങിച്ചോളൂയെന്നായിരുന്നു അദ്ദേഹം സുഹൃത്തുക്കളോട് പറഞ്ഞത്.
കാത്തിരുന്ന തിരിച്ചുവരവ്
അമ്മയും മഴവില്‍ മനോരമയും ചേര്‍ന്ന് നടത്തിയ ഷോയിലേക്ക് ശ്രീനിവാസന്‍ എത്തിയിരുന്നു. സിനിമാലോകവും പ്രേക്ഷകരും കാത്തിരുന്ന തിരിച്ചുവരവായിരുന്നു അദ്ദേഹത്തിന്റേത്. രോഗയമുള്ള ശയ്യയിലായിരുന്നു ഞാന്‍ എന്നായിരുന്നു അദ്ദേഹം പറഞ്ഞത്. പവിഴമല്ലി ഇനിയും പൂക്കും. ശ്രീനി ഇനിയും സിനിമകള്‍ ചെയ്യുമെന്നായിരുന്നു മോഹന്‍ലാലും സത്യന്‍ അന്തിക്കാടും പറഞ്ഞത്.
സിനിമയെക്കുറിച്ച്
ഐസിയുവില്‍ കിടന്നപ്പോഴും സിനിമയെക്കുറിച്ചും പുസ്തകങ്ങളെക്കുറിച്ചുമായിരുന്നു ശ്രീനിവാസന്‍ ആലോചിച്ചതെന്നായിരുന്നു സുഹൃത്തുക്കള്‍ പറഞ്ഞത്. വൈകാതെ അദ്ദേഹംഅഭിനയിച്ച് തുടങ്ങുമെന്നുള്ള വിവരങ്ങളും പുറത്തുവന്നിരുന്നു. അച്ഛന്റെ ആരോഗ്യം സാധാരണ നിലയിലേക്ക് വരികയാണെന്ന് ധ്യാന്‍ പറഞ്ഞിരുന്നു. മരുന്ന് കഴിക്കാനൊക്കെ മടിയുണ്ടായിരുന്നുവെന്നും നിര്‍ബന്ധിച്ചാണ് മരുന്ന് കഴിപ്പിക്കുന്നതെന്നും ധ്യാന്‍ പറഞ്ഞിരുന്നു.