ശ്രീദേവിയുടെത് അപകടമരണം

ന്യൂഡൽഹി: നടി ശ്രീദേവിയുടെ മരണം ബാത്ത് ടബ്ബില്‍ മുങ്ങിയാണെന്ന് ഫൊറന്‍സിക് റിപ്പോര്‍ട്ട്. യുഎഇ മാധ്യമം ഗള്‍ഫ് ന്യൂസാണ് ഇത് പുറത്തുവിട്ടത്. അബദ്ധത്തില്‍ ബാത്ത് ടബ്ബില്‍ മുങ്ങുകയായിരുന്നുവെന്നാണ് ഫൊറന്‍സിക് റിപ്പോര്‍ട്ടില്‍ നിന്ന് വ്യക്തമാകുന്നത്.

ഹൃദയാഘാതത്തെ തുടര്‍ന്നാണ് ശ്രീദേവി മരിച്ചതെന്ന് ആദ്യം റിപ്പോര്‍ട്ടുകളുണ്ടായിരുന്നു. എന്നാല്‍ ബാത്ത് ടബ്ബിലേക്ക് അബോധാവസ്ഥയില്‍ വീണുപോയതാകാം എന്നാണ് പുതിയ റിപ്പോര്‍ട്ടുകള്‍ സൂചിപ്പിക്കുന്നത്. ശ്രീദേവിയുടെ ശരീരത്തില്‍ മദ്യത്തിന്‍റെ അംശം കണ്ടെത്തിയതായും പ്രാദേശിക മാധ്യമങ്ങള്‍ റിപ്പോര്‍ട്ട് ചെയ്യുന്നു.

ഫോറന്‍സിക് റിപ്പോര്‍ട്ട് കുടുംബത്തിനും ഇന്ത്യന്‍ കോണ്‍സുലേറ്റ് പ്രതിനിധികള്‍ക്കും കൈമാറിയിട്ടുണ്ട്. ശ്രീദേവിയുടെ മരണം ആശുപത്രിയിൽ എത്തിക്കുന്നതിന് മുന്‍പായതിനാല്‍ കേസ് രജിസ്റ്റര്‍ ചെയ്യും.