'നിങ്ങള്‍ മഴ കൊള്ളുമ്പോള്‍ എനിക്കെന്തിനാണ് കുട'; ആവേശമായി ടൊവീനോ

തന്നെ കാണാനായെത്തുന്ന ആരാധകരെ നടൻ ടൊവീനോ ഒരിക്കലും നിരാശരാക്കാറില്ല. അതിപ്പോള്‍ മഴയായാലും കാറ്റായാലും വരുമെന്ന് പറഞ്ഞാൽ ടൊവീനോ വന്നിരിക്കും. അതിനാൽ തന്നെ നിരവധി ആരാധകർ സ്വന്തമായുള്ള യുവതാരവുമാണ് ടൊവീനോ. താരവുമായി ബന്ധപ്പെട്ട എല്ലാ വാര്‍ത്തകളും സോഷ്യല്‍ മീഡിയയിലും പെട്ടെന്ന് വൈറലായി മാറാറുണ്ട്.

Also Read: ടൊവീനോയെ അൽ-കമലാസനനാക്കി ട്രോളന്മാർ

അത്തരത്തില്‍ ടൊവീനോയുടെ ഒരു വീഡിയോയാണ് ഇപ്പോള്‍ വൈറലായിരിക്കുന്നത്. ഒരു ഉദ്ഘാടന ചടങ്ങിനായി താരം ചാറ്റൽമഴയത്ത് ഓപ്പണ്‍ സ്റ്റേജില്‍ നിന്ന് ആരാധകരെ അഭിസംബോധന ചെയ്യുന്നതാണ് വീഡിയോയിലുള്ളത്. മഴ കൊള്ളാതിരിക്കാനായി സഹായികളിലാരോ ടൊവീനോയ്ക്ക് കുട നീട്ടിയപ്പോള്‍ നിങ്ങള്‍ മഴ കൊള്ളുമ്പോള്‍ എനിക്കെന്തിനാണ് കുട എന്നാണ് ടൊവീനോ ചോദിച്ചത്. ഒരു മഴകൊണ്ടതുകൊണ്ട് ഒന്നും വരാനില്ലല്ലോ എന്നും താരം പറഞ്ഞിരിക്കുകയാണ്.
Also Read: ടൊവീനോയും ആൽബിയും ഒന്നിക്കുന്ന പുതിയ ചിത്രം 'ഭൂമി'

‘മഴ വന്നപ്പോള്‍ നിങ്ങള്‍ എല്ലാവരും പോയികാണും എന്നാണ് ഞാൻ ഓര്‍ത്തത്. പക്ഷേ ഈ സ്‌നേഹം ഭയങ്കരമായ സന്തോഷമാണ് എനിക്ക് നല്‍കുന്നത്. നിങ്ങള്‍ മഴ കൊള്ളുമ്പോള്‍ എനിക്കെന്തിനാണ് കുട?ഒരു മഴ കൊണ്ടതുകൊണ്ട് നമ്മള്‍ക്ക് ഒന്നും വരാന്‍ പോവുന്നില്ലല്ലോ, അല്ലേ. വല്ലപ്പോഴുമല്ലേ മഴ കൊള്ളുന്നത്, രസമല്ലേ. മഴയത്ത് എന്നെ കാത്തിരുന്നതിന് നന്ദി,” എന്നായിരുന്നു ടൊവിനോയുടെ വാക്കുകള്‍.

Also Read: 'മസിൽ മുഴുവന്‍ ഇഞ്ചക്ഷന്‍ കുത്തിയുണ്ടാക്കിയതാ'; പൊട്ടിച്ചിരിപ്പിച്ച് ടൊവീനോ

ടൊവീനോയുടെ ആരാധകര്‍ താരത്തിന്‍റെ ഈ വീഡിയോ ഏറ്റെടുത്തു കഴിഞ്ഞു. നിരവധി പേരാണ് വീഡിയോ ഇതിനകം ഷെയറും ലൈക്കും കമന്‍റും ചെയ്തിരിക്കുന്നത്.