ഉണ്ണി മുകുന്ദനെ സിക്സറടിച്ച് അഞ്ജു; 'മേപ്പടിയാൻ' സെറ്റിൽ ഐപിഎൽ ആഘോഷം

ക്രിക്കറ്റ് ലോകത്തെ ആഘോഷമായ ഐ പി എൽ മത്സരങ്ങള്‍ നടന്നുകൊണ്ടിരിക്കുകയാണ്. ഈ സമയത്ത് ഐപിഎൽ മൂഡിൽ ഷൂട്ടിംഗ് സെറ്റിലും ആഘോഷം പൊടിപൊടിക്കുകയാണ് നടൻ ഉണ്ണി മുകുന്ദനും നടി അഞ്ജു കുര്യനും. 'മേപ്പടിയാൻ' എന്ന സിനിമയുടെ സെറ്റിലാണ് ഇരുവരുടേയും ക്രിക്കറ്റ് കളി. ഷൂട്ടിംഗ് ഇടവേളയിലെ ഈ ക്രിക്കറ്റ് ആഘോഷത്തിന്‍റെ വീഡിയോ ഫേസ്ബുക്കിൽ ശ്രദ്ധ നേടിയിരിക്കുകയാണ്.

Also Read: റേഞ്ച് റോവർ ഓടിച്ചെത്തി സ്റ്റൈലൻ എൻട്രി; വൈറലായി മഞ്ജു വാര്യരുടെ വീഡിയോ!

ആദ്യം ബാറ്റിങ്ങിനിറങ്ങിയത് ഉണ്ണിയാണ്. മുടിയൊക്കെ നീട്ടി മുണ്ടും മടക്കിക്കുത്തി ബാറ്റ്സ്മാനായെത്തി ഉണ്ണിയുടെ വിക്കറ്റ് ബോളറായ അഞ്ജു നേടി. ശേഷം അഞ്ജുവിന്‍റെ ബാറ്റിംഗ്. ഉണ്ണിയുടെ ആദ്യ ബോള്‍ അഞ്ജു സിക്സറടിച്ചു. അടുത്ത ബോളിൽ ഒട്ടും ആയി. ക്രൂ അംഗങ്ങളും ഇവരോടൊപ്പം ക്രിക്കറ്റിന്‍റെ ഭാഗമായി.

തനി നാട്ടുമ്പുറത്തെ മൈതാനങ്ങളിലെ ക്രിക്കറ്റ് കളിയുടെ പ്രതീതിയുള്ളതായിരുന്നു ക്രിക്കറ്റ് കളി. ഓല മഡൽ സ്റ്റംമ്പാക്കിയുള്ള നാടൻ സ്റ്റൈൽ. ഏതായാലും ഇവരുടെ ക്രിക്കറ്റ് ആഘോഷ വീഡിയോ ഇപ്പോള്‍ വൈറലാണ്.

Also Read: 'രണ്ടാഴ്ചത്തെ പരിശീലനം, മടങ്ങിയത് സന്തോഷത്തോടെ'; ചിമ്പുവിനെ ഭരതനാട്യം പഠിപ്പിച്ചതിനെ കുറിച്ച് ശരണ്യ

ഫാമിലി എന്‍റര്‍ടെയ്നറായൊരുങ്ങുന്ന മേപ്പടിയാൻ സിനിമയിൽ ജയകൃഷ്ണൻ എന്ന സാധാരണക്കാരനായാണ് ഉണ്ണി അഭിനയിക്കുന്നത്. ഈരാറ്റുപേട്ട, പാലാ എന്നിവിടങ്ങളിലായാണ് സിനിമയുടെ ചിത്രീകരണം നടക്കുന്നത്. ഇന്ദ്രൻസ്, സൈജു കുറുപ്പ്, അജു വർഗീസ്, വിജയ് ബാബു, മേജർ രവി, കലാഭവൻ ഷാജോൺ, അപർണ തുടങ്ങി നിരവധി താരങ്ങളാണ് സിനിമയിൽ അഭിനയിക്കുന്നത്. ഉണ്ണി മുകുന്ദൻ തന്നെ നിർമ്മിക്കുന്ന സിനിമയുടെ സംവിധായകൻ വിഷ്ണു മോഹനാണ്.

Also Watch :