എല്ലാവരും ചോദിക്കുന്നത് വിവാഹകാര്യം, ഒരു തവണ അമ്മയും ചോദിച്ചു; തീരുമാനം പറഞ്ഞ് ഉണ്ണി മുകുന്ദന്‍

''എല്ലാവരും വിവാഹകാര്യം തന്നെയാണ് ചോദിക്കുന്നത്. ഒന്നാമത് ഈ പ്രായം. ഇൻഡസ്‌ട്രിയിൽ ഇതേ പ്രായത്തിലുള്ള മിക്കവർക്കും ഒന്നും രണ്ടും കുട്ടികളൊക്കെ ആയിക്കഴിഞ്ഞു. ഞാൻ മിക്കവാറും ഫ്രീബേർഡായി തുടരാനാണ് സാധ്യത'' ഉണ്ണി മുകുന്ദന്‍ പറയുന്നു.

കല്യാണപ്രായമായെന്ന് ഇതുവരെ തോന്നിയിട്ടില്ല. മനസ് കൊണ്ട് 15-16 വയസാണ്. അമ്മ ഒരു തവണ ചോദിച്ചു എന്താണ് തീരുമാനമെന്ന്. ഞാൻ പറഞ്ഞു ഇതൊക്കെ സംഭവിക്കേണ്ട കാര്യങ്ങളല്ലേ, പ്ളാൻ ചെയ്യേണ്ടതല്ലല്ലോയെന്നും ഉണ്ണി മുകുന്ദന്‍ പറയുന്നു.

മാസ് സിനിമകൾ ഇഷ്‌ടമാണെന്നും ഉണ്ണി പറഞ്ഞു. പേഴ്സണൽ ലൈഫിൽ നടക്കാത്ത എന്തു കാര്യവും സിനിമയിലൂടെ ചെയ്‌ത് ഫലിപ്പിക്കണം എന്നാണന്റെ ആഗ്രഹം. മാസ് സിനിമ എന്ന് പറയുമ്പോൾ പത്ത് ഇരുപതു പേരെ ഒറ്റയ്‌ക്ക് അടിച്ചു തോല്‌പിക്കുക, ഒരു കാമുകി സ്ളോമോഷനിൽ കടന്നുവരിക, അവളുമൊത്ത് പാട്ടുപാടുക തുടങ്ങിയ ഫാന്റസികളൊക്കെ ഇഷ്‌ടമാണെന്നും അദ്ദേഹം പറഞ്ഞു.

Also Read: ലെഗ് പീസ് ഇല്ലേ? സെെബര്‍ സദാചാര ആങ്ങളയ്ക്ക് ചുട്ടമറുപടി നല്‍കി അന്ന ബെന്‍

ബോളിവുഡില്‍ അഭിനയിക്കണമെന്ന ആഗ്രഹവും താരം പങ്കുവെക്കുന്നു. ഒരു കൊമേഷ്യല്‍ ബോളിവുഡ് പടം ചെയ്യണമെന്നാണ് ആഗ്രഹം. ഹിന്ദി അറിയാമെന്നത് ഗുണം ചെയ്യുമെന്നും താരം പറയുന്നു.