ഉണ്ണി മുകുന്ദനെപ്പോലെ മസിലളിയനാകണോ? തന്‍റെ ഡയറ്റ് ചാ‍ർട്ട് പരസ്യമാക്കി താരം

''ഡയറ്റ് തുടങ്ങിയിട്ട് ഇന്നേക്ക് അവസാനത്തെ ദിനമാണ്. എന്‍റെ വാഗ്ദാനം നിറവേറ്റാൻ സഹായിച്ച നിങ്ങൾക്കോരോരുത്തർക്കും നന്ദിയുണ്ട്. നിങ്ങളെല്ലാവരും എന്‍റെ ട്രാൻസ്ഫോ‍ർമേഷൻ വീഡിയോയായിരിക്കും നിങ്ങളിൽ പലരും കാത്തിരിക്കുന്നത്, എങ്കിലും ഇന്ന് രൂപാന്തരം വന്ന എന്‍റെ ചിത്രം ഞാൻ പങ്കുവയ്ക്കുന്നില്ല. ഈ മൂന്ന് മാസം എന്നെ രക്ഷിച്ച എന്‍റെ ഡയറ്റ് ഞാൻ നിങ്ങളുമായി പങ്കുവയ്ക്കാം. എന്‍റെ ശരീരത്തിന്‍റെ മാറ്റങ്ങളനുസരിച്ച് 4 രീതിയിലുള്ള ഡയറ്റ് ഞാൻ ഫോളോ ചെയ്തു, ഒരു ദിവസം പോലും മുടക്കാതെ ഞാൻ കഴിഞ്ഞ മൂന്ന് മാസം പിന്തുടര്‍ന്ന മികച്ചൊരു ഡയറ്റാണിത്. വെജും നോൺ വെജും ഒപ്പം കൂടുതൽ മുട്ടയുടെ വെള്ളയും ചേ‍ർത്തുള്ളതാണ് ഈ ഡയറ്റെന്ന് ഇതിലൂടെ കണ്ണോടിച്ചാൽ നിങ്ങള്‍ക്ക് കാണാനാകും'', ഉണ്ണി ഇൻസ്റ്റയിൽ കുറിച്ചിരിക്കുകയാണ്.

'മുട്ടയുടെ വെള്ളയായിരുന്നു പ്രോട്ടീൻ പ്രധാനം ചെയ്യുന്നതിൽ മുമ്പൻ. പിന്നെ ബേസിക് വിറ്റമിനുകളും കൂറെ വെള്ളവും. ഇത് നിങ്ങള്‍ക്ക് പിന്തുടരാം, പക്ഷേ മുടക്കരുത്. എന്നെ ഓര്‍ത്തതിന്, ഓരോ ദിവസവും ട്രാൻസ്ഫോര്‍മേഷൻ ചലഞ്ചിനെ കുറിച്ച് എന്നെ ഓര്‍മ്മിപ്പിച്ചതിന് നന്ദി. ഓരോരുത്തര്‍ക്കും തങ്ങളുടെ ഗോള്‍സ് നേടിയെടുക്കാൻ വലിയ വിശ്വാസവും വ്യക്തമായ കാഴ്ചപ്പാടും വേണമെന്നാണ് ഞാൻ കരുതുന്നത്, അത് നല്ല ശരീരത്തിനായുള്ള കാര്യത്തിൽ മാത്രമല്ല, ജീവത്തിലെ എല്ലാറ്റിലുമുണ്ടാവണം. ചിന്തകള്‍ വാക്കുകളാകട്ടെ, വാക്കുകള്‍ പ്രവൃത്തിയാകട്ടെ, പക്ഷേ ഏറെ പ്രധാന്യം സ്വപ്നം കാണൂ, ലക്ഷ്യം ഉറപ്പിക്കൂ, സ്വന്തമാക്കൂ', ഉണ്ണി ഇൻസ്റ്റയിൽ പങ്കുവെച്ചിരിക്കുകയാണ്.

Also Read: തമിഴകത്തിന്‍റെ സ്വന്തം തലൈവർ രജിനികാന്തിന് ദാദാസാഹിബ് ഫാൽക്കെ പുരസ്കാരം

ഉണ്ണി ജനുവരി 1 മൂതൽ മാര്‍ച്ച് 31 വരെ പിന്തുടര്‍ന്ന നാല് ഡയറ്റ് പ്ലാനുകളും കുറിപ്പിനൊപ്പം പങ്കുവെച്ചിട്ടുണ്ട്. അതിലൊന്നിതാണ്.

വെറും വയറ്റിൽ 30 മിനിറ്റ് വ്യായാമം

8 മണിക്ക് 8 മുട്ടയുടെ വെള്ള, ഓട്സ്, വെള്ളം, ഡ്രൈ ഫൂട്ട്സ്

11 മണിക്ക് മത്സയവും സാലഡും

2 മണിക്ക് ചിക്കനും പച്ചക്കറിയും

5.30ന് പ്രോട്ടീൻ

രാത്രി 7 മണിക്ക് ചിക്കോന മുട്ടയുടെ വെള്ളയോ മത്സ്യമോ സാലഡോ കഴിക്കാം

9ന് വാൽനട്ട്, പീനട്ട് ബട്ടര്‍, ഒരു സ്പൂൺ നെയ്യ്

മധുരവും വറപൊരിയും പൂര്‍ണ്ണമായും ഒഴിവാക്കണം

5 കുപ്പി വെള്ളം, പഴങ്ങള്‍, ഒമേഗ 3, ഈവിയോൺ, സിങ്ക് സപ്ലിമെന്‍റ് നിര്‍ബന്ധം

ഇതു കൂടാതെ മറ്റ് നാല് ഡയറ്റ് പ്ലാനുകള്‍ കൂടി ഉണ്ണി ഇൻസ്റ്റയിൽ പങ്കുവെച്ചിട്ടുണ്ട്.

മേപ്പടിയാൻ എന്ന സിനിമയ്ക്കുവേണ്ടിയാണ് ഉണ്ണി ശരീരത്തിന് വണ്ണം കൂട്ടിയിരുന്നത്. അതിനുശേഷം പുതിയ സിനിമകളായ ചോക്ലേറ്റ്, ബ്രൂസ്ലി, ഭ്രമം, കില്ലാടി, പപ്പ തുടങ്ങി നിരവധി സിനിമകളാണ് ഉണ്ണിക്ക് ലഭിച്ചത്. ഈ സിനിമകളിലൊക്കെ പഴയ മസിൽ മാൻ ഉണ്ണിയായി എത്തുന്നതിനായാണ് ഡയറ്റ് ചാർട്ട് പിന്തുടർന്ന് ഫിറ്റ്നെസ് ഉണ്ണി തിരിച്ചുപിടിച്ചത്.

Also Read: 21 വർഷങ്ങൾക്ക് ശേഷം 'അച്ചുവും അമ്മയും' വീണ്ടും കണ്ടുമുട്ടി, തരംഗമായി പുത്തൻ ചിത്രം!