'എന്തൊരു റിയലാണ്, ഈ നടിയെ എവിടുന്ന് കണ്ടെത്തി എന്നോർത്തു പോയി'; അപർണയെ വാനോളം പ്രശംസിച്ച് വിജയ് ദേവരക്കൊണ്ട!

തമിഴകത്തിൻ്റെ സ്വന്തം സൂര്യയുടെ ഏറെക്കാലത്തിനു ശേഷമുള്ള തിരിച്ചു വരവ് ചിത്രമായി വിലയിരുത്തുന്ന സൂരരൈ പോട്ര് വലിയ രീതിയിലുള്ള പ്രശംസകൾ സ്വന്തമാക്കി മുന്നേറുകയാണ്. സൂര്യയ്ക്കൊപ്പം മലയാളി നടി അപർണ ബാലമുരളിയും ഉർവ്വശിയും പ്രധാന കഥാപാത്രങ്ങളെ അവതരിപ്പിച്ചിരിക്കുന്ന ചിത്രം ഓടിടി പ്ലാറ്റ്ഫോമിലൂടെയാണ് തീയേറ്ററുകളിലേക്കെത്തിയത്. ചിത്രത്തിൽ ഉർവ്വശി, സൂര്യ, അപർണ എന്നീ മൂന്നു പേരും ഗംഭീര പ്രകടനമാണ് കാഴ്ച വെച്ചിരിക്കുന്നത്. ഇപ്പോഴിാ അപർണയുടെ അഭിനയത്തെ പ്രശംസിച്ച് തെലുങ്കിലെ യുവതാരം വിജയ് ദേവരക്കൊണ്ട രംഗത്തെത്തിയിരിക്കുകയാണ്.

Also Read: കാതൽ മന്നൻ്റെ നൂറാം ജന്മദിനത്തിൽ അനശ്വര നടനെ പറ്റി ദുൽഖർ!

എങ്ങനെയാണ് ഇത്രയും മികച്ച നടിയെ കണ്ടെത്തിയത്? എന്നാണ് ചിത്രം കണ്ട ശേഷം അപര്‍ണ ബാലമുരളിയെ കുറിച്ച് വിജയ് ദേവരക്കൊണ്ടയ്ക്ക് ചോദിക്കാനുള്ളത്. ട്വിറ്റർ ഹാൻഡിലിലൂടെയാണ് വിജയ് ദേവരക്കൊണ്ട തൻ്റെ അഭിപ്രായം പ്രകടമാക്കിയത്. വിജയ് കുറിച്ിരിക്കുന്നത് ഇങ്ങനെയാണ്. 'സുഹൃത്തുക്കളൊപ്പമാണ് ഞാൻ സിനിമ കണ്ടത്. ഞങ്ങളില്‍ മൂന്ന് പേര്‍ കരഞ്ഞു. ഞാൻ സൂരരൈ പൊട്രുവെന്ന സിനിമയില്‍ തന്നെയായിരുന്നു. എന്തൊരു മികച്ച പെര്‍ഫോര്‍മറാണ് സൂര്യ താങ്കള്‍. എങ്ങനെയാണ് ഇത്രയും മികച്ച ഒരു പ്രകടനം നടത്തിയ സ്‍ത്രീയെ സുധ കണ്ടെത്തിയത് എന്നോര്‍ത്ത് ഞാൻ അത്ഭുതപ്പെടുന്നു.'

Also Read: മമ്മൂട്ടിയും ടൊവിനോയും ഒന്നിക്കുന്ന ചിത്രം അണിയറയിലോ?

ഒരു സംവിധായികയെന്ന നിലയില്‍ നിങ്ങളുടെ കഴിവിനെയും ഞാൻ അഭിനന്ദിക്കുന്നു. ജി വി പ്രകാശ് കുമാറിന്റെ സംഗീതത്തെയും അഭിനയിക്കുന്നുവെന്നും വിജയ് ദേവരക്കൊണ്ട ട്വിറ്ററിൽ കുറിച്ചു. എഴുത്തുകാരനും വ്യവസായിയും ഇന്ത്യൻ ആര്‍മിയിലെ മുൻ ക്യാപ്റ്റനുമായ ജി ആര്‍ ഗോപിനാഥന്റെ ജീവിതമാണ് ഈ ചിത്രത്തിന് പ്രമേയമാക്കിയിരിക്കുന്നത്. ജി ആര്‍ ഗോപിനാഥന്റെ സിംപ്ലി ഫ്ലൈ എന്ന പുസ്‍തകത്തെ ആസ്‍പദമാക്കിയാണ് ഈ സിനിമ ഒരുക്കിയിട്ടുള്ളത്. ചിത്രത്തിൻ്റെ റിലീസിന് മുൻപ് തന്നെ വലിയ രീതിയിൽ ചിത്രത്തെ പറ്റി സിനിമാ പ്രേമികൾ ചർച്ച ചെയ്ത് തുടങ്ങിയിരുന്നു. ഇത് അത്ഭുതപ്പെടുത്തുന്നതായി സൂര്യ തന്നെ പറഞ്ഞിരുന്നു.