കൊറോണ വെെറസ് വ്യാപനത്തെ തടയാനായി രാജ്യത്ത് ലോക്ക്ഡൗണ് പ്രഖ്യാപിച്ചിരിക്കുകയാണ്. 21 ദിവസം പിന്നിട്ടു. ആദ്യത്തെ പിരിയഡ് കഴിഞ്ഞ് മെയ് മൂന്ന് വരെ നീട്ടിയിരിക്കുകയാണ് ലോക്ക്ഡൗണ്. അതുകൊണ്ട് തന്നെ വിദേശത്തുള്ള പലരും നാട്ടിലേക്ക് വരാനാകാതെ കുടുങ്ങിയിരിക്കുകയാണ്. താരങ്ങളും തങ്ങളുടെ വീട്ടില് തന്നെയാണ്. നടന് വിജയ് കുടുംബത്തോടൊപ്പം ചെന്നെെയിലെ വീട്ടിലാണ്.
വിജയ്ക്കൊപ്പം ഭാര്യ സംഗീതയും മകള് ദിവ്യയുമുണ്ട്. എന്നാല് മകന് ജെയ്സന് സഞ്ജയ് കാനഡയിലാണുള്ളത്. ഇതില് താരം ഏറെ ആശങ്കപ്പെടുന്നുണ്ടെന്നാണ് താരത്തിന്റെ അടുത്ത സുഹൃത്തുക്കളും പറയുന്നത്. ഇതുവരെ 24000 ലധികം പേര്ക്ക് കാനഡയില് കൊറോണ സ്ഥിരീകരിച്ചിട്ടുണ്ട്. 700 ലധികം പേര് മരിക്കുകയും ചെയ്തിട്ടുണ്ട്. അതുകൊണ്ട് തന്നെ വിജയ് മകനെ ഓര്ത്ത് ആശങ്കപ്പെടുന്നുണ്ട്.
Also Read; ബെഞ്ചമിന് ലൂയിസിനെ ഹാക്ക് ചെയ്യാന് സമ്മതിക്കാതെ തോളില് കയറിയിരുന്ന് മകള്; ചിത്രം വെെറല്
അതേസമയം, വിജയ് ചിത്രം മാസ്റ്റര് റിലീസ് കാത്തു നില്ക്കെയായിരുന്നു കൊറോണയുടെ ഭീതി പടരുന്നത്. ഇതോടെ റിലീസ് നീട്ടി വയ്ക്കുകയായിരുന്നു. ചിത്രത്തിന്റെ ഓഡിയോ ലോഞ്ച് അടക്കം നടന്നത് സ്വകാര്യ ചടങ്ങായിരുന്നു. ലോകേഷ് കനകരാജ് സംവിധാനം ചെയ്യുന്ന ചിത്രത്തില് വിജയ് സേതുപതിയും പ്രധാന വേഷത്തിലുണ്ട്.