തമിഴകത്തിന്‍റെ മക്കൾ സെൽവന് ഇന്ന് പറന്നാൾ മധുരം

തമിഴകത്തിന്‍റെ മക്കൾ സെൽവന് ഇന്ന് പറന്നാൾ മധുരം. നാൽപ്പതാം പിറന്നാളാഘോഷിക്കുന്ന വിജയ് സേതുപതി ചുരുങ്ങിയ കാലം കൊണ്ടാണ് തമിഴ് സിനിമാ ലോകത്ത് തന്‍റേതായ ഇടം കണ്ടെത്തിയത്. ഇന്ന് തെന്നിന്ത്യ ഒട്ടാകെ അറിയപ്പെടുന്ന വിജയ് സേതുപതി എന്ന ചലച്ചിത്രതാരത്തിന് കൈനിറയെ വേറിട്ട ചിത്രങ്ങളാണ്. ഒരോ ചിത്രത്തിലും വേറിട്ട ഗെറ്റപ്പിൽ വ്യത്യസ്ഥ കഥാപാത്രങ്ങളായെത്തുന്ന ഈ താരം കോളിവുഡ് ലോകത്തിന് മുന്നിൽ വേറിട്ടൊരു വ്യക്തിത്വത്തിനുടമയാണ്. അതിനാൽ തന്നെ തമിഴ് ചലച്ചിത്രമേഖലയില്‍ മക്കള്‍ സെല്‍വന്‍ എന്ന പേരിലാണ് താരം അറിയപെടുന്നത്.



1978 ജനുവരി 16നാണ് താരത്തിന്‍റെ ജനനം. സഹനടനായി അഭിനയിച്ചാണ് ചലച്ചിത്രജീവിതം തുടങ്ങുന്നത്. 2010ല്‍ ല്‍ പ്രദര്‍ശനത്തിനെത്തിയ തെന്‍മാര്‍ക്കു പരുവക്കാട്ട്‌റു എന്ന ചിത്രത്തിലാണ് ആദ്യമായി മുഴുനീള കഥാപാത്രത്തെ അവതരിപ്പിക്കുച്ചത്. 2012ല്‍ സുന്ദരപാണ്ഡ്യന്‍ എന്ന ചിത്രത്തില്‍ വില്ലന്‍ കഥാപാത്രത്തെ അവതരിപ്പിച്ചു. പിന്നീട് നിരവധി ചിത്രങ്ങളില്‍ വിജയ് നായകനായി തിളങ്ങി. 'പിസ്സ', 'നാനും റൗഡി താന്‍', 'സേതുപതി', 'ധര്‍മ ദുരെ', 'വിക്രം വേദ', 'കറുപ്പൻ'... എന്നിവ വിജയ്‍‍യുടെ കരിയറിലെ മികച്ച ചിത്രങ്ങളാണ്.



വിജയ് വേറിട്ട ഗെറ്റപ്പുകളിലെത്തുന്ന 'ഒരു നല്ല നാൾ പാത്തു സൊൽറേൻ', 'സീതാക്കത്തി', ജങ്കാ എന്നീ തമിഴ് ചിത്രങ്ങൾ പുറത്തിറങ്ങാൻ തയ്യാറെടുക്കുകയാണ്. തമിഴ് മക്കളുടെ മക്കൾ സെൽവൻ്റെ പിറന്നാൾ ദിനത്തോടനുബന്ധിച്ച് 'സീതാക്കത്തി' എന്ന ചിത്രത്തിന്‍റെ ഫസ്റ്റ് ലുക്ക് പോസ്റ്ററും ഇന്ന് പുറത്തു വിട്ടിട്ടുണ്ട്.